Morgunblaðið - 06.02.2020, Blaðsíða 58

58 MENNING
MORGUNBLAÐIÐ FIMMTUDAGUR 6. FEBRÚAR 2020
Verslun Tunguhálsi 10 - Sími 415 4000 – www.kemi.is - kemi@kemi.is
Heyrnarhlíf með Bluetooth® tengimöguleika við 2 síma,
útvarpi og umhverfishljóðnema. Hægt er að hlusta á tónlist
sem og taka handfrjáls símtöl í mjög hávaðasömu umhverfi
þar semmíkrafónnin útilokar allan umhverfishávaða.
Tengist við smáforrit í síma.
Heyrnarhlíf
PeltorWS Alert XPI Bluetooth ®
Silja Björk Huldudóttir
silja@mbl.is
Organistinn Gunnar Gunnarsson og
saxófónleikarinn Sigurður Flosason
fagna 20 ára samstarfsafmæli með
tónleikum í samvinnu við Mótettu-
kór Hallgrímskirkju undir stjórn
Harðar Áskelssonar í Hallgríms-
kirkju í kvöld kl. 20.15. Á fyrri hluta
tónleikanna flytja Gunnar og Sig-
urður eigin sálmaspunaútsetningar
sem hafa komið út á fjórum geisla-
diskum þeirra og heyrst á fjölmörg-
um tónleikum undanfarna tvo ára-
tugi. Á síðari hluta tónleikanna
bætist kórinn við og fluttar verða
tónsmíðar og útsetningar þeirra fé-
laga. Þar mun kórsöngurinn bland-
ast við spuna dúósins. Tónleikarnir
eru hluti af Vetrarhátíð í Reykjavík
sem sett verður í Hallgrímskirkju kl.
19.45 í kvöld. Aðgangur er ókeypis.
Rætur í ólíkum stefnum
Aðspurður segir Sigurður að sam-
starf þeirra Gunnars hafi hafist með
útgáfu plötunnar Sálmar lífsins.
„Þar sem við tókum þekkta sálma og
spunnum út frá þeim á orgel og
saxófón,“ segir Sigurður og rifjar
upp að platan hafi verið frumflutt á
Jazzhátíð Reykjavíkur árið 2000.
„Viðtökur voru mjög góðar og héld-
um við fjölda tónleika í framhaldinu.
Eftir það gerðum við þrjár aðrar
plötur á næstu 20 árum. Fyrst tók-
um við jólasálma, bæði nýja og
forna, til kostanna á plötunni Sálmar
jólanna. Síðan kom Sálmar tímans
og loks gerðum við eina plötu með
íslenskum ættjarðarlögum sem
nefnist Draumalandið,“ segir Sig-
urður og bendir á að þeir Gunnar
hafi spilað mikið saman við ýmis
tækifæri, bæði á tónleikum og við
ólíkar kirkjulegar athafnir.
„Við Gunnar höfum báðir verið að
fást við músík fyrir kór og blöndum
því saman við spunann á þessum
tónleikum,“ segir Sigurður sem nýtt
hefur bakgrunn sinn jafnt í klassíska
heiminum og djassheiminum þegar
hann hefur verið að semja nýja
sálma fyrir kóra. „Við Gunnar eigum
rætur í báðum tónlistarstefnum. Það
er ekki þannig að við séum að djassa
upp sálmana, heldur erum við að
spinna út frá sálmunum á þeirra eig-
in forsendum þótt við notum spuna-
tækni sem tengist djassinum,“ segir
Sigurður og tekur fram að allt snúist
þetta um að nota ólík verkfæri úr
reynslubankanum.
Hljómræn innsýn
„Á sínum tíma lærði ég ýmislegt
um klassíska kórraddsetningu, en
hef svo hljómræna innsýn úr heimi
djassins og dægurlagatónlistar. Ég
hef reynt að nýta þetta allt saman
inn í hefðbundna kórheiminn,“ segir
Sigurður. Sálmana sem Mótettu-
kórinn syngur eftir hann á tónleik-
unum samdi hann við ljóð Aðalsteins
Ásbergs Sigurðssonar og hafa þeir
komið út bæði á plötu og prenti und-
ir titlinum Sálmar á nýrri öld. „Ég
er reyndar líka með eitt nýtt lag við
texta sem er eignaður Jóni Arasyni,“
segir Sigurður.
Bach, Schubert og Schumann
meðal fyrirmyndanna
Aðspurður segir Sigurður mikinn
mun á því að semja fyrir hljóðfæri
og raddir þar sem texti er í for-
grunni. „Ég hef samið töluvert af
sunginni djasstónlist í gegnum tíð-
ina, sem er reyndar bara gert fyrir
einn söngvara. Í gegnum þá vegferð
kynnist maður þeirri hugsun að
virða textann í tónsmíðum eða búa
til músík sem styrkir textann og tek-
ur mið af honum. Ég held að það sé
lykilatriðið í allri sunginni tónlist að
bæði laglínur og hljómar máli text-
ann svolítið,“ segir Sigurður og tek-
ur fram að sé það gert leiði það yfir-
leitt til þess að söngvarar syngi
betur. „Það hjálpar söngvaranum í
allri túlkun ef laglínan og hljómar
styðja tilfinningalega undir inntak
textans eða lykilorð í textanum,“
segir Sigurður og segir slíka nálgun
eða tækni í tónsköpun áberandi hjá
tónskáldum á borð við barokk-
tónskáldið J.S. Bach og þýsku ljóða-
tónskáldin Franz Schubert og
Robert Schumann. „Ég tek mínar
fyrirmyndir þaðan, ekki í hljómum
og nótum heldur í konseptinu og
nálgun minni,“ segir Sigurður og
tekur fram að sér finnist bæði gam-
an og spennandi að semja fyrir kóra.
„Eitt af því sem er gaman er að
semja músík og vera ekki alltaf að
flytja hana sjálfur,“ segir Sigurður
og bendir á að tónlistarfólk sem leiki
djass sé orðið svo vant því að semja
og spila eigin músík. „Oft eru fáir
aðrir sem spila þá músík en þeir sem
semja hana, en það semja allir í
djassheiminum í dag. Þegar ég sem
fyrir kór finnst mér mjög gaman að
geta setið úti í sal og notið þess að
hlusta á útkomuna án þess að vera á
kafi í miðjum flutningnum sjálfur,“
segir Sigurður og tekur fram að sér
finnist skemmtilegt þegar tónlist
hans lifi sjálfstæðu lífi í höndum
kóra og annars tónlistarfólks. „Hluti
af því sem drífur mig áfram er að
leggja eitthvað til í þennan sjóð
kirkjutónlistar og búa til músík sem
hægt er að nota.“
Vilja gefa sem flestum kost á að
heyra tónlistina
Spurður hvers vegna þeir Gunnar
hafi ákveðið að hafa aðganginn
ókeypis svarar Sigurður: „Okkur
fannst það bara tilhlýðilegt og
skemmtilegt að geta boðið öllum í
þennan afmælisfagnað og gefið sem
flestum kost á að heyra tónlistina.
Við höfum áhuga á að kynna þessa
músík fyrir sem flestum og þetta er
liður í því,“ segir Sigurður og tekur
fram að það sé mjög gott að spila í
Hallgrímskirkju.
„Það fer auðvitað eftir því hvað er
verið að spila. Ég myndi ekki vilja
vera þar inni með djassband þar sem
trommusettið er á fullu, enda er
endurómurinn of mikill fyrir vissa
hluti. En fyrir svona spunatónlist og
kórmúsík er Hallgrímskirkja al-
gjörlega guðdómleg,“ segir Sigurður
og áætlar að tónleikar kvöldsins taki
rúman klukkutíma í flutningi, en
ekkert hlé verður á dagskránni.
Að lokum er Sigurður inntur eftir
því hvernig hann sé stemmdur fyrir
kvöldinu. „Þetta er eintóm til-
hlökkun. Við Gunnar höfum spilað
svo gífurlega mikið saman og þekkj-
umst mjög vel þannig að við erum
ekkert stressaðir fyrir kvöldið. Við
höfum líka notið þess að þekkja
Hörð Áskelsson mjög lengi og unnið
með honum. Hann er fádæma snill-
ingur og nær einstökum hlutum út
úr kórum. Þetta er því allt yndislegt
á meðal vina,“ segir Sigurður að
lokum.
Morgunblaðið/Árni Sæberg
Spuni Sigurður Flosason á æfingu með Mótettukór Hallgrímskirkju sem Hörður Áskelsson stýrir.
„Algjörlega guðdómleg“
 Organistinn Gunnar Gunnarsson og saxófónleikarinn Sigurður Flosason fagna 20 ára samstarfs-
afmæli með tónleikum í samvinnu við Mótettukór Hallgrímskirkju í Hallgrímskirkju í kvöld kl. 20.15
Listaháskóli Íslands (LHÍ), Arki-
tektafélag Íslands (AÍ) og SARQ
arkitektar halda málþing í dag kl.
15-18 í Veröld – húsi Vigdísar, um
hönnun heilbrigðisstofnana og ann-
arra mannvirkja með heilsu og vel-
líðan í huga. „Auknar rannsóknir
og aukin þekking hafa sýnt fram á
gríðarlegt mikilvægi góðs arkitekt-
úrs í hönnun mannvirkja fyrir heil-
brigðisþjónustu. Ekki eingöngu
getur góður arkitektúr sparað heil-
brigðiskerfinu tíma og háar fjár-
hæðir heldur getur góður arkitekt-
úr haft jákvæð áhrif á líf sjúklinga
og líðan þeirra,“ segir í tilkynn-
ingu.
Frummælendur eru verðlaunaðir
arkitektar sem flestir hafa sérhæft
sig í hönnun húsnæðis með heilsu
og vellíðan í huga en fundarstjóri
verður Anna María Bogadóttir,
arkitekt og lektor við LHÍ. Frum-
mælendur eru Hrafnhildur Ólafs-
dóttir (JCA, London), Javier Sánch-
ez Merina (SARQ, Spánn),
Ögmundur Skarphéðinsson (Horn-
steinar), Björn Guðbrandsson (Ark-
ís og prófessor við Listaháskóla Ís-
lands) og Hrólfur Cela (Basalt).
Hrafnhildur stofnaði JCA með
John Cooper en JCA hefur unnið
fyrir mörg stærstu ríkissjúkrahúsin
í Bretlandi auk verkefna fyrir
einkafyrirtæki og ríkisstofnanir
víða um lönd. Merina hefur hlotið
fjölda verðlauna, t.a.m. fyrir Hús
fræðsludeildar félagsþjónustu við
Háskólann í Murcia á Spáni sem
hlaut fyrstu byggingarverðlaun
Murciahéraðsins
og var tilnefnt til
Mies van der
Rohe-Evrópu-
sambandsverð-
launa í samtíma-
byggingarlist.
Ögmundur
stofnaði Horn-
steina arkitekta
og hafa verkefni
stofunnar verið
fjölbreytt og má nefna hjúkrunar-
heimili og íbúðabyggingar auk
margra skólabygginga, skv. til-
kynningu. Ögmundur leiðir alþjóð-
legan hóp arkitekta sem vinnur að
hönnun meðferðarkjarna og rann-
sóknahúss hins nýja Landspítala
sem hluti af Corpus-hönnunarteym-
inu. Björn er einn eigenda ARKÍS
arkitekta og talsmaður sjálfbærrar
byggðar en meðal verka hans eru
hjúkrunarheimilið Seltjörn og
sundhöllin Holmen í Noregi.
Hrólfur hefur komið að stórum
hönnunarverkefnum og af verkum
Basalts sem hann starfar fyrir ber
hæst hönnun baðstaða víðsvegar
um landið, m.a. Bláa lónsins, Geo-
sea, Vakar, Guðlaugar og Sund-
laugarinnar á Hofsósi. Basalt arki-
tektar eru jafnframt að vinna að
verkefnum í heilbrigðisgeiranum,
þ.m.t. meðferðarkjarna NLSH og
rannsóknarhúsi NLSH, sem hluti af
Corpus-teyminu, segir í tilkynn-
ingu. Árið 2018 hlaut Basalt Hönn-
unarverðlaun Íslands fyrir framlag
sitt til baðmenningar á Íslandi.
Málþing um hönnun heilsumannvirkja
Anna María
Bogadóttir