Morgunblaðið - 28.02.2020, Blaðsíða 9
FRÉTTIR 9Innlent
MORGUNBLAÐIÐ FÖSTUDAGUR 28. FEBRÚAR 2020
ICQC 2020-2022
Um er að ræða eftirfarandi lífeyrissjóði:
Birta lífeyrissjóður, Festa lífeyrissjóður, Gildi lífeyrissjóður, Lífeyrissjóður Rangæinga,
Lífeyrissjóður verzlunarmanna, Lífeyrissjóður Vestmannaeyja og Stapi lífeyrissjóður
SAMTÖK
ATVINNULÍFSINS
ÓSKA EFTIR
HÆFU FÓLKI
TIL AÐ TAKA AÐ SÉR
STJÓRNARSTÖRF
Í LÍFEYRISSJÓÐUM
Samtök atvinnulífsins | Borgartúni 35 | 105 Reykjavík | Sími: 591 0000 | sa.is
Umsóknir sendist í tölvupósti á stjornarseta@sa.is
Athugið að umsóknir frá fyrra ári gilda áfram og þarf ekki að endurnýja.
Samtök atvinnulífsins hvetja konur jafnt sem karla til að sækja um.
Samkvæmt kjarasamningi SA og ASÍ skipa samtökin
helming stjórnarmanna í þeim sjö lífeyrissjóðum sem
eru á samningssviði aðila og er framkvæmdastjórn
SA falin tilnefning stjórnarmanna.
Samtök atvinnulífsins óska ár hvert eftir því að hæfir einstaklingar, sem starfa hjá
aðildarfyrirtækjum SA eða hagsmunasamtökum þeirra, gefi kost á sér til starfa
í stjórnum lífeyrissjóða. Leitað er eftir einstaklingum með fjölbreytta reynslu og
þekkingu m.a. á lífeyrismálum, stjórnun, stefnumótun, áætlanagerð og reikningshaldi,
lögfræðilegum málefnum og fjármálamarkaði. Úr þeim hópi sem gefur kost á sér til
stjórnarstarfa verða tilnefndir þeir sem metnir eru hæfastir í ljósi þeirra eiginleika
sem sóst er eftir í viðkomandi stjórn.
Sérstök hæfisnefnd fjallar um einstaklinga sem gefið hafa kost á sér til stjórnarstarfa.
Nefndin leggur mat á þekkingu og reynslu umsækjenda með hliðsjón af þeim
eiginleikum sem nauðsynlegt er að viðkomandi stjórn sem heild búi yfir. Að mati
loknu leggur hæfisnefndin tillögu fyrir framkvæmdastjórn SA.
Helgi Bjarnason
helgi@mbl.is
Vegagerðin vekur athygli umhverf-
is- og samgöngunefndar Alþingis á
því að til að tryggja öruggari vetrar-
samgöngur milli Skagafjarðar og
Eyjafjarðar megi grafa göng undir
Öxnadalsheiði. Slík göng með
gangamunna í svipaðri hæð og rætt
er um í tillögu um Tröllaskagagöng
gætu orðið um 11 km löng og kostað
helmingi minna en Tröllaskagagöng.
Ábending Vegagerðarinnar kem-
ur fram í stuttri umsögn um þings-
ályktunartillögu varaþingmannanna
Stefáns Vagns Stefánssonar og
Bjarna Jónssonar um að hafin verði
vinna við rannsóknir, frumhönnun
og mat á hagkvæmni við gerð jarð-
ganga á Tröllaskaga.
Tröllaskagagöng hafa lengi verið í
umræðunni. Einkum hefur verið
rætt um göng frá Hofsdal yfir í
Barkárdal en einnig tvenn jarðgöng
sem færu fyrst úr Hörgárdal yfir í
Skíðadal og þaðan vestur í Kolbeins-
dal í Skagafirði. Rökstuðningur fyrir
göngunum er að fjallvegurinn um
Öxnadalsheiði geti verið verulegur
farartálmi yfir vetrarmánuðina og
að göngin myndu stytta leiðina úr
Skagafirði til Akureyrar.
Ekki er minnst á jarðgöng undir
Öxnadalsheiði í þessu sambandi sem
þó yrðu á Hringveginum og þar með
á aðalleiðinni á milli Reykjavíkur og
Akureyrar.
Vegagerðin hefur lítillega skoðað
möguleikann á göngum undir Öxna-
dalsheiði. Gísli Eiríksson, forstöðu-
maður jarðganga hjá Vegagerðinni,
segir jarðgöngin gætu farið inn í
Öxnadalsheiðina í Bakkaselsbrekk-
unni, skammt neðan við Bakkasel,
og komið út í Norðurárdal um 1,8
km innan við gömlu brúna á Norð-
urá. Göngin yrðu 11 km að lengd og
við bætist tæplega 2 km spotti í
Norðurárdal. Jarðgöngin myndu
ekki stytta leiðina sem neinu næmi.
Gangamunninn Eyjafjarðarmegin
yrði í 320 m hæð og 300 m hæð í
Skagafirði.
Jarðgöngin milli Hofsdals og
Barkárdals á Tröllaskaga yrðu um
20 km að lengd ef gangamunnarnir
yrðu í 300 metra hæð. Kostnaður við
slík göng er áætlaður 50-70 millj-
arðar króna. Til samanburðar má
áætla að göng undir Öxnadalsheiði í
svipaðri hæð gætu kostað 25-30
milljarða króna.
Betri vetrarsamgöngur
Gísli segir að öryggi samgangna á
milli Skagafjarðar og Eyjafjarðar
myndi batna mjög með tilkomu
ganganna. Vegurinn myndi lækka
og telur Gísli að hann yrði sjaldan
ófær á vetrum. Þá myndi öryggi
vegfarenda við að komast á milli
aukast mjög. Fólk þyrfti sem sagt
ekki að vera hrætt við að festast
uppi á miðri heiði seint að kvöldi eða
um nótt.
Siglufjörður
Sauðárkrókur
Varmahlíð
Hofsós
Hólar
Ólafsfjörður
Akureyri
Dalvík GrenivíkSkagafjörður
Ey
ja
fj
ö
rð
u
r
Jarðgöng
Möguleg jarðgöng
Hofsdalur-Barkár-
dalur, um 20 km
Kortagrunnur: OpenStreetMap
Jarðgöng milli Skagafjarðar og Eyjafjarðar
Kolbeinsdalur-
Skíðadalur,
12-15 km
Skíðadalur-Hörgár-
dalur 12-15 km
Hjaltadalur-Hörgár-
dalur, 13-20 km
1
1
1
Öxnadalsgöng,
um 11 km
Skoða göng í
Öxnadalsheiði
Tröllaskagagöng helmingi dýrari
Margrét Þóra Þórsdóttir
Akureyri
Það er líf og fjör á Amtsbókasafninu
á Akureyri alla daga, en ef til vill ör-
lítið meira einmitt núna í þessari
viku þegar hver viðburðurinn rekur
annan. Fjöldi barna leit við á safninu
á öskudaginn, tók lagið og þáði sæl-
gæti að launum. Vetrarfrí er nú í
skólum á Akureyri og tekur safnið
virkan þátt með því að bjóða upp á
viðburði á safninu.
Í gær var opinn spiladagur þar
sem Hrönn Björgvinsdóttir,
umsjónarmaður Spilaklúbbs Amts-
bókasafnsins, leiðbeindi börnum og
kenndi þeim að spila allrahanda spil
sem safnið á og lánar út. Ekki var
annað að sjá en börnin sem þátt tóku
skemmtu sér prýðilega við að spila
borðspilin. „Við erum með spila-
klúbb hálfsmánaðarlega fyrir
krakka á aldrinum 9-13 ára en í til-
efni vetrarfrís ákváðum við að hafa
auka viðburð og opna klúbbinn fyrir
allan aldur. Mæting var vonum
framar. Við eigum orðið 170 spil til
útláns og þau eru mjög vinsæl, sér-
staklega í kringum skólafrí,“ segir
Hrönn. Í dag verður svo spilað bingó
á Amtsbókasafninu og væntanlega
mun það draga að fjölda þátttak-
enda.
Krakkarnir gripu í borðspil í vetrarfríinu á Akureyri
Morgunblaðið/Margrét Þóra
Nóg um að vera Krakkarnir skemmtu sér vel á Amtsbókasafninu á Akureyri í gær á opnum spiladegi.