Morgunblaðið - 10.03.2020, Blaðsíða 2

2 FRÉTTIRInnlent
MORGUNBLAÐIÐ ÞRIÐJUDAGUR 10. MARS 2020
MorgunblaðiðHádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
ViðskiptiStefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sigurður Bogi Sævarsson
sbs@mbl.is
Engin veikindi voru meðal farþega
skemmtiferðaskipsins Magellan sem
kom til Reykjavíkur í gærmorgun,
fyrst lystiskipa á árinu. Talsverður
viðbúnaður var þegar skipið kom,
með tilliti til kórónuveirunnar, en
gengið var eftir vitneskju um heilsu-
far farþega og áhafnar. Skipstjórinn
skilaði upplýsingum þar að lútandi
til tollgæslunnar, sem taldi enga
ástæðu til aðgerða eða inngrips. Allt
gekk því samkvæmt áætlun við af-
greiðslu skipsins. Um borð í Magell-
an eru 1.452 farþegar og 660 í áhöfn,
samtals 2.112 manns. Skipið kom frá
Englandi og ætla farþegar að nýta
ferðina til að skoða norðurljósin.
Næsta skemmtiferðaskip er vænt-
anlegt til Reykjavíkur 29. mars.
Morgunblaðið/Kristinn Magnússon
Magellan Alls 1.452 farþegar eru með skipinu sem kom inn til Reykjavíkur í fyrstu geislum morgunsólar í gær.
Fyrsta skemmti-
ferðaskipið er komið
 Farþegar og áhöfn skipsins reyndust við hestaheilsu
Landganga Farþegar ganga frá borði eftir afgreiðslu tollgæslunnar.
Dönum var í gær ráðlagt af danska
utanríkisráðuneytinu að fara sér-
staklega varlega ef leið þeirra ligg-
ur til Íslands. Er það vegna út-
breiðslu kórónuveirunnar
hérlendis og segir í smáskilaboðum
frá danska utanríkisráðuneytinu að
um sé að ræða aðgerðir til að hefta
frekari útbreiðslu veirunnar.
Mikið hefur verið fjallað um
fjölda smita á Íslandi í dönskum
fjölmiðlum en á vef danska utanrík-
isráðuneytisins segir að ef fólk
ferðist til Íslands ætti það að gæta
sérstaklega að því að það smitist
ekki af kórónuveiru. Fólk ætti því
að fylgja ráðleggingum landlæknis
og yfirvalda á Íslandi til hlítar.
„Yfirvöld á Íslandi geta gripið til
ráðstafana til að hefta útbreiðslu
veirunnar og því gæti verið kannað
hvort þú sýnir sjúkdómseinkenni.
Ef þú ert með slík einkenni geta yf-
irvöld beitt fyrirbyggjandi aðgerð-
um eins og einangrun.“
Dönum er ráðlagt að
sýna varkárni á Íslandi
Morgunblaðið/Ómar
Dannebrog Danska drottning-
arskipið í Reykjavíkurhöfn.
Guðni Einarsson
gudni@mbl.is
„Það varð ákveðin breyting á við-
ræðunum um helgina. Það hefur
verið miklu meiri alvara í þeim og
þær verið lausnamiðaðri en áður.
Það er raunverulegur gangur í við-
ræðunum núna,“ sagði Viðar Þor-
steinsson, framkvæmdastjóri Efl-
ingar, þegar hann var spurður um
viðræðurnar við Reykjavíkurborg
um kvöldmatarleytið í gær.
Samninganefndirnar mættu til
fundar hjá ríkissáttasemjara kl. 13 í
gær. Sáttafundi sem hófst kl. 13 á
sunnudag lauk rétt fyrir klukkan
þrjú í fyrrinótt þannig að það var
setið lengi við samningaborðið.
Verkfall utan Reykjavíkur
Ótímabundið verkfall fé-
lagsmanna Eflingar hjá sveitar-
félögum utan Reykjavíkurborgar
hófst á hádegi í gær. Þeir starfa
samkvæmt kjarasamningi Eflingar
og Sambands íslenskra sveitarfé-
laga.
Rúmlega 270 félagar í Eflingu
vinna hjá Kópavogsbæ, Seltjarnar-
nesbæ, Mosfellsbæ, Hveragerðisbæ
og sveitarfélaginu Ölfusi og heyra
undir fyrrnefndan kjarasamning.
Flestir þeirra vinna við umönnun
og viðhald hjá Kópavogsbæ og Sel-
tjarnarnesbæ, samkvæmt heima-
síðu Eflingar. Verkfallsaðgerðirnar
voru samþykktar af 87% fé-
lagsmanna.
Ótímabundið verkfall um 1.850
félagsmanna Eflingar, sem starfa
hjá Reykjavíkurborg, hófst á mið-
nætti 17. febrúar. Áður hafði Efl-
ingarfólk hjá borginni farið í fimm
mislöng skæruverkföll í febrúar.
Efling veitti undanþágur fyrir
marga félagsmenn sína sem starfa
m.a. á hjúkrunarheimilum og við
umönnun. Undanþágurnar voru
rýmkaðar verulega þegar nýi kór-
ónuveirufaraldurinn kom upp. Um
eitt þúsund félagsmenn Eflingar
hafa því verið í verkfalli. Stór hluti
þeirra starfar á leikskólum borg-
arinnar.
Gangur í viðræðum
 Efling og Reykjavíkurborg sátu lengi við samningaborðið
 Ótímabundið verkfall utan Reykjavíkur hófst í gær
Morgunblaðið/Eggert
Karphúsið Samninganefndir Eflingar og borgarinnar funduðu fram á nótt.
Guðni Einarsson
gudni@mbl.is
Ingibjörg H. Sverrisdóttir ferðaráð-
gjafi, sem er í framboði til formanns
Félags eldri borgara í Reykjavík og
nágrenni (FEB), er ósátt við orð
Hauks Arnþórssonar, mótframbjóð-
anda síns, í Morgunblaðinu í gær.
Ingibjörg skrifaði á Facebook að
hún sjái sig knúna til að bregðast við
ummælum Hauks sem henni finnst
vera lítillækkandi í sinn garð. Hún
kveðst aldrei hafa lagt það í vana
sinn að upphefja sjálfa sig með því
að tala niður til annarra. Hún hefði
haldið að hinn ágæti mótframbjóð-
andi sinn legðist ekki á þetta plan.
„Vel menntaður maðurinn. Maður er
nú síviliseraðri en svo.“
Ingibjörg skrifar að það sé „al-
rangt og ekki svaravert“ að hún
haldi á einhvers konar valdasprota
innan Sjálfstæðisflokksins. „Í þessu
samhengi ber að benda á þá stað-
reynd að ég stend ein að mínu fram-
boði á meðan Haukur kemur með
fimm manns úr Sósíalistaflokki Ís-
lands sér til fulltingis í framboði til
stjórnar. Og það úr einum stjórn-
málaflokki.
Það eru fyrirlitileg vinnubrögð hjá
Hauki að tala með þessum hætti um
mótframbjóðendur sína og ekkert
annað að gera en að dusta þetta tal
Hauks af sér eins og ryk,“ skrifaði
Ingibjörg.
Hún segir
markmið sitt með
framboðinu vera
einfalt. Það er að
berjast fyrir rétt-
indum eldri borg-
ara af alefli eins
og hún hafi gert
hingað til og muni
gera hér eftir.
Rétt eins og hún
gerði á yngri ár-
um þegar hún tók þátt í verkalýðs-
baráttu og sat í samninganefndum
VR um kaup og kjör. Þar þótti hún
svo hörð að hún fékk viðurnefnið
„litla ljónið“. Ingibjörg lauk færsl-
unni á orðunum: „Látum vekin tala,
það mun ég gera!“
Aðalfundi FEB frestað
Stjórn FEB ákvað á fundi sínum í
gær að fresta aðalfundi félagsins,
sem halda átti fimmtudaginn 12.
mars, um óákveðinn tíma. Það var
gert vegna þess að almannavarnir
hafa uppfært hættustig í neyðarstig
vegna COVID-19-veirunnar. „At-
hygli hefur verið vakin á því að eldri
borgarar og fólk með undirliggjandi
sjúkdóma sé sérstakur hópur sem
þarf að huga vel að í þessu sam-
bandi. Því var ekki talið forsvar-
anlegt að halda aðalfund félagins
undir þessum kringumstæðum,“
segir í tilkynningu á heimasíðu
FEB.
„Ég stend ein að
mínu framboði“
Ingibjörg H.
Sverrisdóttir
 Er ósátt við orð Hauks Arnþórssonar