Morgunblaðið - 23.04.2020, Qupperneq 44

MORGUNBLAÐIÐ FIMMTUDAGUR 23. APRÍL 2020
Sími 557 8866 | pantanir@kjotsmidjan.is | Fossháls 27, 110 Reykjavík Opnunartími7.30-16.30
Er ekki kjörið að grilla um helgina?
Úrval af kjöti á grillið – Kíktu við!
Berglind Hreiðars, höfundur Veislubókarinnar og matarbloggari á
Gotteri.is, dó ekki ráðalaus þegar Hulda dóttir hennar fagnaði
þriggja ára afmæli sínu á dögunum. Þar sem ekki var hægt að
bjóða gestum heim var öllum hennar nánustu mjúkdýrum boðið í
veislu sem var ekkert slor eins og sjá má á þessum myndum.
Guðmóðir Berglindar, Betty Crocker, tók þátt í veislunni eins
og henni einni er lagið en eins og flestir heimabakarar vita þá
er fátt sem frú Crocker gerir ekki betra. Berglind hefur
löngum notað Betty Crocker-kökumixin og jafnvel gengið svo
langt að setja Royal-búðing saman við blönduna. Hér eru
skreytingarnar í fyrirrúmi enda er Hulda litla mikill aðdáandi systr-
anna úr Frozen og því var við hæfi að skreytingarnar tækju mið af því.
Eins og sjá má á meðfylgjandi myndum var veislan til hreinnar fyr-
irmyndar eins og Berglindi einni er lagið enda fáir flinkari en hún í að
skipuleggja veislur.
Ljósmyndir/Berglind Hreiðars
Handbók um
veisluhald Veislubókin eftir
Berglindi er algjör lífsnauðsyn fyrir
þá sem hyggja á veisluhald.
Hélt veglega
bangsaveislu
Sprunguterta Svona kökur kallast
Fault-line-kökur og njóta mikilla
vinsælda. Á íslensku mætti því kalla
þær sprungutertur.
Deyr ekki ráðalaus Þegar lítil
stúlka verður þriggja ára (og
það vill svo skemmtilega til að
mamma hennar er ókrýndur
Íslandsmeistari í veisluhaldi)
þá þarf að halda veislu.
Alvöru partí Samkomu-
bann kemur í veg fyrir
veisluhald en land-
læknir hefur ekkert
sagt um bangsapartí.
Ólafsson er nýtt íslenskt gin sem
heitir í höfuðið á skáldinu og
náttúrufræðingnum Eggerti
Ólafssyni sem bar ljós upplýsing-
arinnar inn í íslenska torfkofa á
18. öldinni.
„Íslensk náttúra, vatnið og jurt-
ir eru í lykilhlutverkum í gininu
og við vildum heiðra manninn
sem fyrstur færði nákvæmar lýs-
ingar á þessum miklu auðlindum
okkar til bókar,“ segir Arnar Jón
Agnarsson, framkvæmdastjóri Ey-
land Spirits, sem framleiðir ginið.
Arnar segir að ofan á hinn
klassíka gingrunn af einiberjum
og blómlegu sítrusbragði komi í
Ólafsson-gininu ferskir tónar af
íslensku fjallagrasi, blóðbergi og
birki sem gefur góðan jarðkeim
með skemmtilegum og léttum
endanótum.
„Íslenska vatnið er svo algjört
lykilatriði því hátt sýrustig nær
fram einstakri mýkt í gininu sem
verður fyrir vikið mjög auðdrekk-
anlegt, hvort sem það er sett í
glas með tónik, í Martini með sítr-
ónuberki eða bara eitt og sér með
klaka,“ segir Arnar.
Ólafsson-gin fæst í Vínbúðum
ÁTVR, Fríhöfninni á Keflavík-
urflugvelli og á betri veitinga-
stöðum borgarinnar.
Hráefnið skiptir öllu Íslenska vatnið er lykilatriði því hátt sýrustigi nær
fram einstakri mýkt í gininu sem verður fyrir vikið mjög auðdrekkanlegt.
Ferskir tónar af fjallagrasi