Fréttablaðið - 24.09.2020, Blaðsíða 20

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656, Ruth Bergsdóttir, ruth@frettabladid.is, s. 694 4103.
Kolbrúnu er margt til lista lagt. „Ég er myndlistarkona, útskrifaðist frá konunglegu
listaakademíunni í Den Haag
árið 2017 og hef aðallega verið að
vinna með myndbönd síðan þá.
Undanfarið hef ég verið að safna
efni, myndböndum, hlutum, ljós-
myndum og hugmyndum sem eiga
svo eftir að raðast einhvern veginn
saman.“
Pólitíska og heilagleiki
Hún er nýkomin úr ferðalagi og
tók nýverið ákvörðun um að
hætta að prjóna. „Ég var að koma
frá Bolungarvík þar sem ég var í
tvær vikur að taka upp og flandra.
Annars er ég með breitt áhugasvið,
sem virkar ekki nema að þú getir
einbeitt þér að einhverju einu í
einu. Ég er nýbúin að fullkomna
mig í prjónaskap og hef ákveðið
að hætta á toppnum og er farin að
einbeita mér að öðru.“
Hefurðu mikinn áhuga á tísku?
„Já, mér finnst skemmtilegt hvað
tíska er alltaf í þróun og hvað hún
segir mikið um ákveðinn tíðar-
anda. Ég held að hugmyndir um
tísku verði alltaf til einhvers staðar
annars staðar en hjá henni sjálfri.
Tíska getur líka verið pólitísk en
getur svo líka verið notuð gegn
fólki að ákveðnu leyti og ég held
að það sé mikilvægt að þekkja
muninn.“
Kolbrún segir áhugann á tísku
hafa kviknað á sínum yngri árum.
„Ég held að tískuáhuginn hafi
byrjað þegar við vinkonur mínar
byrjuðum að klæða okkur upp
saman og ég fattaði að það væri
heilög athöfn.“
Töfrar í hverjum þræði
Kolbrún segir uppáhaldsflíkina
sína búa yfir miklum töframætti.
„Uppáhaldsflíkin er svartur sam-
festingur sem mamma keypti
handa mér í Berlín fyrir kannski
tíu árum síðan. Hann virkar
mjög venjulegur við fyrstu sýn
en er svo allt nema og allir sem
fara í hann verða á einhvern hátt
ómótstæðilegir. Ég hef aldrei átt
leiðinlegan dag í þessum sam-
festingi og hann varð á tímabili
eign vinkonuhópsins. Vinkona
mín útskrifaðist í honum og önnur
kynntist manninum sínum þegar
hún var í honum þannig að það eru
svo sannarlega töfrar í hverjum
einasta þræði.“
Hvaðan færðu innblástur?
„Innblástur getur komið hvaðan
sem er en ef ég ætla að nefna eitt-
hvað þá verð ég alveg ástfangin af
bíómyndum. Ég var með þrá-
hyggju fyrir bíómyndinni The
Color of Pomegranates, sem er
sovésk mynd frá 1969, í langan
tíma sem ég fékk alls konar tísku-
tengdan innblástur frá,“ segir Kol-
brún dreymin.
„Svo er ég með leikstjóra sem
heitir Rainer W. Fassbinder á
heilanum. Sérstaklega mynd
eftir hann sem heitir The Bitter
Tears of Petra Von Kant, sem er
æðisleg mynd frá 1972 þar sem
fatnaðurinn leikur risastórt hlut-
verk í allri persónusköpuninni. Ég
held líka að maður taki meira eftir
því hverju aðrir klæðast heldur
en maður gerir sér grein fyrir. Ég
fæ mikið af mínum innblæstri frá
fólkinu í kringum mig.“
Áttu þér einhverja tískufyrir-
mynd?
„Já, Winonu Ryder.“
Áttu þér uppáhaldshönnuð?
„Ég er mjög hrifin af belgískum
hönnuði sem heitir Walter Van
Beirendonck. Hann er einhvers
staðar mitt á milli þess að vera
hönnuður og listamaður. Ég er
líka sérstaklega hrifin af Soniu
Rykiel af því að hún er svo frábær,
Rei Kawakubo hjá Comme Des
Garcons og svo mætti áfram telja.“
Ljót og óviðunandi snið
Blaðamaður spyr Kolbrúnu hvort
hún eyði miklu í föt. „Já og nei.
Smekklegt fólk getur fundið sér föt
alls staðar og gerir það. Mér finnst
hins vegar ekki leiðinlegt að eyða
peningum í föt, það er eiginlega
eitt af því skemmtilegasta sem
ég geri, en það verða þá að vera
skemmtileg föt og þess virði, mér
finnst ég aldrei finna mér neitt í
búðum sem selja skynditísku, mér
finnast sniðin ljót og efnin ömur-
leg og við það get ég ekki unað,“
segir Kolbrún, alvarleg í bragði.
„Síðast keypti ég mér hvít galla-
jakkaföt, Bonne Suits, frá Amster-
dam. Þú getur verið í buxunum
allan daginn og farið svo í jakkann
yfir og þú ert tilbúin fyrir leikhús,
út að borða eða á barinn.“
Hver er þinn helsti veikleiki
þegar kemur að tísku og útliti?
„Minn helsti veikleiki þegar
kemur að tísku eru fallegir skór.
Þegar ég sé hið fullkomna skópar
er það eins og að verða ástfanginn
og allt annað hættir að skipta máli.
En svo er ég líka ilmvatnsfíkill og
safna alls konar ilmvötnum sem
fara mér vel. Það er mjög gaman
þar sem ég á heima í göngufæri
við Madison sem er ein uppáhalds
búðin mín í heiminum.“
Notar þú fylgihluti og skart?
„Ég geng með úr og eyrnalokka.
Það allra flottasta sem ég veit er
þegar fólk á úr til skiptanna. Ég
stefni að því. Get heldur ekki beðið
eftir því að geta byrjað að nota
gleraugu.“
Hvar kaupir þú helst föt?
„Mér finnst alltaf gaman að róta
í second hand-búðum og finn flest
betri fötin mín þannig. Finnst
sérstaklega gaman að róta í Belgíu
og gerði mikið af því þegar ég var
í námi og held að mikið af mínum
uppáhaldsflíkum hafi ég fundið
þar. Ég prjóna líka og sauma mikið
á mig sjálf og breyti fötum sem ég
er ekki alveg sátt við.“
Hvað er fram undan hjá þér?
„Fram undan hjá mér í haust er
að hella mér í listina. Vinkona mín
var að flytja til Íslands og ætlar að
deila með mér vinnurými og það
verður eitthvað spennandi. Er með
fullt af verkefnum og hugmyndum
sem þurfa að komast í framkvæmd
og hlakka til að fara inn í veturinn
full af innblástri og orku.“
Kolbrún Lilja
segir sinn helsta
veikleika vera
skó. Þegar
hún finnur hið
fullkomna par
verði hún ást-
fangin og allt
annað hætti að
skipta máli.
Hjördís Erna
Þorgeirsdóttir
hjordiserna@frettabladid.is
Framhald af forsíðu ➛
Kolbrún Lilja segist ekki geta unað sér við ljót snið sem gjarnan einkenni skynditísku. FRÉTTABLAÐIÐ/SIGTRYGGUR
Ég held að tísku-
áhuginn hafi
byrjað þegar við vin-
konur mínar byrjuðum
að klæða okkur upp
saman og ég fattaði að
það væri heilög athöfn.
2 KYNNINGARBLAÐ FÓLK 2 4 . S E P T E M B E R 2 0 2 0 F I M MT U DAG U R