Fréttablaðið - 24.09.2020, Blaðsíða 56

Í ÞESSARI SÝNINGU
LANGAÐI MIG TIL AÐ
REYNA Á LJÓSMYNDAMIÐILINN
OG SÝNA HVERNIG HANN GETUR
BREYTT HLUTUM OG SKAPAÐ
NÝJA SÝN.
Katrín Elvarsdóttir
Katrín Elvarsdóttir, Lilja Birgisdóttir og Nina Zurier sý na ný ljósmyndaverk í BERG Contemporary. Yfirskrift sýningar-
innar er Gróður.
Nina skiptir tíma sínum milli
Íslands og Kaliforníu. Spurð hvers
vegna hún hafi valið að setjast að
á Íslandi svarar hún: „Fyrst var
það vegna hestanna og svo vegna
fólksins.“
Hluti af myndum Ninu á sýn-
ingunni sýnir það sem hún kallar
gervilandslag. „Ég hafði verið á
Íslandi í nokkra mánuði og fór
aftur til Kaliforníu. Þá datt mér í
hug að búa til íslenskt gervilandslag
í vinnustofu minni og mynda það.
Blómin eru ekta en í bakgrunni er
silfurpappír.“
Hún segist ekki vera vön að
mynda blóm. „Venjulega tek ég nátt-
úrumyndir og það að mynda blóm
var eins konar æfing fyrir þessa
sýningu.“
Skapar nýja sýn
Fjólublár litur er áberandi í mynd-
um Katrínar Elvarsdóttur. Meðal
ljósmyndaverka hennar á sýning-
unni eru myndir af bananaplöntum
í Kína og úr gróðurhúsi í Hveragerði
ásamt myndum af kaktusum frá
Spáni. „Ég er mikil áhugamanneskja
um umhverfismál og hef ferðast
mikið. Á undanförnum árum hef
ég fjallað æ meir um náttúruna í
mínum verkum,“ segir Katrín.
„Í þessari sýningu langaði mig
til að reyna á ljósmyndamiðilinn
og sýna hvernig hann getur breytt
hlutum og skapað nýja sýn. Mögu-
leikarnir eru óendanlegir. Á sýning-
unni nota ég andstæða liti til að gera
framandi heim enn meira fram-
andi.“ Þannig verður bananaplanta
á myndum hennar fjólublá og him-
inninn grænn.
Sýna alls kyns gróður í ljósmyndum sínum
Katrín Elvarsdóttir, Lilja Birgisdóttir og Nina Zurier sýna ný ljósmyndaverk í BERG Contemporary. Gervi-
landslag, eitraðar jurtir, rómantískt rjóður og fjólublá bananaplanta eru meðal þess sem þar er til sýnis.
TÓNLIST

Kristín Jónína Taylor og Bryan
Stanley fluttu sónötur eftir Beet-
hoven.
Salurinn í Kópavogi
Laugardagur 19. september
Þetta voru undarlegir tónleikar. En
kannski við hæfi, fyrst Beethoven
var eingöngu á dagskránni.
Í venjulegu árferði hefði verið
mikið um dýrðir í tónlistarheimin-
um, því um þessar mundir eru 250
ár síðan Beethoven fæddist. COVID
hefur þó gert það að verkum að
afmælispartíið hefur verið fámennt.
Á laugardaginn byrjaði ný tón-
leikaröð í Salnum í Kópavogi og,
já, tónleikarnir voru undarlegir.
Fyrir það fyrsta voru tónleikagestir
greinilega óttaslegnir og pössuðu
mjög vel upp á að næsti maður væri
ekki of nálægt. Um helmingur tón-
leikagesta var með grímur.
Fjarlægir flytjendur
Það var þó ekki hið undarlega. Nei,
það var að f lytjendurnir, píanó-
leikararnir Kristín Jónína Taylor og
Bryan Stanley, voru ekki einu sinni á
staðnum. Þau eru búsett í Bandaríkj-
unum, og vegna COVID-19 komust
þau ekki hingað til að spila. Í stað-
inn var upptökum með leik þeirra
varpað á tjaldið fyrir ofan sviðið.
Ég sagði hér í upphafi að kannski
hefði þetta verið við hæfi. Beet-
hoven fór að þjást af sívaxandi
heyrnarskerðingu þegar hann var
á þrítugsaldri, og hún varð á end-
anum alger. Hann lét þó ekki deigan
síga, heldur hélt áfram að semja
tónlist sem varð dýpri og magnaðri
eftir því sem árin liðu. Hann, líkt
og tónleikahaldarar í Salnum, létu
ekkert aftra sér.
Pistlar um tónskáldið
Á efnisskránni voru tvær sónötur,
nr. 2 og nr. 28, en Beethoven samdi
alls 32 píanósónötur. Fyrirhugað er
að þær verði allar f luttar af íslensk-
um píanóleikurum í Salnum í vetur.
Á tónleikunum nú las Arnar Jóns-
son leikari pistla um tónskáldið á
undan hverri sónötu. Hann gerði
það skemmtilega.
Kristín Jónína Taylor spilaði fyrri
sónötuna. Hún var afar glæsileg í
meðförum hennar. Tæknilega séð
var hún af burðavel leikin, hröð
hlaup og alls konar heljarstökk eftir
hljómborðinu voru áreynslulaus og
glæsileg. Skýrleiki og kraftur ein-
kenndi túlkunina. Hún var í senn
formföst og full af lífi.
Ský á himni
Bryan Stanley var nokkuð síðri í
seinni sónötunni. Tónlistin ein-
kennist af friðsælli náttúrustemn-
ingu sem verður að fölskvalausri
gleði, en hér var eins og ský væri
fyrir himni. Túlkunin var ekki
nógu afgerandi. Gleðin var ekki
sérlega smitandi, friðurinn ekki
heldur. Tæknilega séð var leikurinn
fremur loðinn, og stundum óörugg-
ur. Heildarútkoman var ekki mjög
spennandi.
Þau Kristín og Bryan léku sem
aukalög þrjá dúetta eftir Beet-
hoven og gerðu það ágætlega. Spila-
mennskan var fjörleg og snörp, akk-
úrat eins og hún átti að vera. Hins
vegar var tónlistin sjálf ekki upp á
marga fiska. Beethoven var snill-
ingur, en hann átti sína slæmu daga
líka. Þetta var því leiðinlegur endir
á tónleikunum, og í rauninni hreinn
óþarfi.
Jónas Sen
NIÐURSTAÐA: Píanóleikurinn var
misjafn, en tónlistin sígild, með undan-
tekningum.
Undarlegheit á Beethoven-tónleikum
Katrín, Lilja og Nina sýna ljósmyndaverk í BERG Contemporary. FRÉTTABLAÐIÐ/VALLI
Fjólublá bananaplanta Katrínar
Elvarsdóttur er á sýningunni.
Kristín Jónína Taylor spilaði píanósónötu Beethovens afar glæsilega.
Kolbrún
Bergþórsdóttir
kolbrunb@frettabladid.is
Eitraðar jurtir
Meðal verka Lilju Birgisdóttur
á sýningunni er handlituð ljós-
myndaröð af eitruðum jurtum,
sumar eru baneitraðar, aðrar
brenna húðina við snertingu. „Ég
geri þetta á gamla mátann, tek
myndir á filmu og framkalla á
pappír. Síðan handlita ég,“ segir
Lilja. „Plönturnar eru allt öðruvísi
á litinn á myndunum en í raunveru-
leikanum. Til að auka ógnina gef ég
þeim annan lit.“
Meðal annarra verka hennar á
sýningunni er handlituð ljósmynd
af rjóðri. Rómantísk mynd þar sem
sköpuð er gamaldags stemning.
„Rjóðrið er vinsælt í listasögunni og
boðar von og fegurð. Í þessu rjóðri
leynast hins vegar eitraðar plöntur,“
segir Lilja.
Hún sýnir einnig ljósmyndaseríu
sem byggist upp á fjórum myndum.
„Í kringum risahvönn hafði vaxið
villigróður, þarna voru mörg
hundruð plöntur saman í haug. Ég
myndaði fjórar, hverja fyrir sig og
þá sér maður formin sem maður
sér ekki þegar plönturnar eru allar
þétt saman.“
Lilja vinnur mikið við að hand-
mála ljósmyndir en hún vinnur
einnig með ilm og skapaði sérstak-
an gróðurilm fyrir þessa sýningu.
2 4 . S E P T E M B E R 2 0 2 0 F I M M T U D A G U R28 M E N N I N G ∙ F R É T T A B L A Ð I Ð
MENNING