Fréttablaðið - 24.09.2020, Blaðsíða 57

ÁRIÐ 2016, ÞEGAR ÉG
VAR STADDUR VIÐ
NÁM Í ISTANBÚL, FÉKK ÉG ÞÁ
HUGMYND AÐ NOTA ÍSLENSKA
ÞJÓÐARARFINN OG SEMJA EIGIN
LAGLÍNUR VIÐ HANN EN
ÚTSETJA Í AUSTRÆNUM ANDA.
LEIKLIST
Polishing Iceland
Tjarnarbíó
Reykjavík Ensemble Theatre
Company
Leikarar: Magdalena Tworek,
Michael Richardt, Pétur Óskar
Sigurðsson
Leikstjóri og höfundur leikgerðar:
Pálína Jónsdóttir
Dramatúrg: Angela Rawlings
Tónlist og hljóð: Anna Halldórs-
dóttir
Ljósahönnuður: Juliette Louste
Búningar: Pálína Jónsdóttir
Sýningin fer fram á ensku, íslensku
og pólsku.
Reykjavík Ensemble var valinn
Listhópur Reykjavíkur í byrjun árs
og frumsýndi fjölþjóðlegi hópurinn
Polishing Iceland fyrr í vor, áður
en hann varð frá að hverfa vegna
samkomubanns. Sýningin er byggð
á smásagnasafni Ewu Marcinek, um
reynslu hennar sem innf lytjandi
á Íslandi, í leikstjórn Pálínu Jóns-
dóttur, og var endurfrumsýnd um
miðjan þennan mánuð í Tjarnarbíói.
Efniviðurinn er svo sannarlega
áhugaverður, enda löngu kominn
tími til að raddir innflytjenda fái að
heyrast á fjölunum. Áhorfendur fá
innsýn í daglegt amstur ónefndrar
pólskrar konu í Reykjavík, til dæmis
ferð í hið pólska IKEA, öðru nafni
Góða hirðinn, og daglega erfiðleika
til dæmis í formi vinnustaðaáreitis.
Tilraunir hennar með tungumálin
(öll þrjú) dýpka frásögnina og gefa
sýningunni ljóðrænan blæ. En upp-
bygging handritsins er ekki nægi-
lega góð, þá sérstaklega byrjunin
sem skellir áhorfendum beint inn
í áfall sem skilgreinir restina af
sýningunni, en er ekki rannsakað
frekar nema undir blálokin.
Magdalena Tworek stendur sig
með prýði í hlutverki nafnlausu
pólsku konunnar, sem á harm að
bera, en þrammar áfram veginn
með bjartsýnina að vopni. Hún
heldur sýningunni uppi með fals-
lausri framkomu og húmor. Mic-
hael Richardt á einnig fína, kómíska
spretti, þá sérstaklega sem íslenska
konan sem talar alla í kaf um það
hversu skilningsrík hún er gagn-
vart pólsku fólki. Pétur Óskar Sig-
urðsson á erfiðara uppdráttar í röð
smærri hlutverka, sem skilja fremur
lítið eftir sig fyrir utan manninn frá
Bíldudal sem kveinkar sér yfir for-
dómum í garð landsbyggðarfólks.
Senurnar eru örsögur, svip-
myndir inn í líf einnar konu, en
stöðugt rof verður á milli innihalds
og úrvinnslu. Pálína leggur of mikla
áherslu á að skreyta textann með
táknrænum hreyfingum, í staðinn
fyrir að leyfa frásögninni að njóta
sín. Tilraunirnar skila ekki list-
rænni heild heldur röð atriða sem
stundum virðast koma úr annarri
sýningu og þjóna þannig sjaldan
textanum.
Ekki veitir af meiri fjölbreyti-
leika í íslenskum sviðslistum, og þó
miklu fyrr hefði verið. Samkvæmt
heimasíðu Tjarnarbíós mun fleira
listafólk af pólskum uppruna stíga
þar á svið á komandi mánuðum,
sem er vel. Polishing Iceland er skref
í rétta átt og verður forvitnilegt að
fylgjast með Reykjavík Ensemble
í framtíðinni því ferðalagið er rétt
að byrja.
Sigríður Jónsdóttir
NIÐURSTAÐA: Ófullnægjandi listræn
úrvinnsla hamlar annars áhugaverðri
sögu.
Alþjóðlegur bútasaumur
Persian path er nýr geisla-diskur með gítar- og st reng ja lei k a r a nu m Ásgeiri Ásgeirssy ni. Þetta er fimmti sóló-diskur Ásgeirs og sá
þriðji og síðasti í Þjóðlagaþríleikn-
um, þar sem Ásgeir ferðast með
íslenska þjóðlagið á framandi slóðir.
Ótrúleg gestrisni
„Þetta byrjaði fyrir tíu árum. Þá var
ég beðinn um að spila hér á landi
með búlgörskum harmoníkuleik-
ara sem bauð mér að koma til Búlg-
aríu og læra meira um austur-evr-
ópska tónlist. Ég gerði það, var hjá
vini hans í þrjár vikur og sá kenndi
mér á hverjum einasta degi á hljóð-
færi er nefnist tamboura, átta tíma
á dag í 40 stiga hitakófi í Plóvdiv í
Búlgaríu. Ég bjó heima hjá honum
og gestrisnin var svo ótrúleg að eftir
Íslenska þjóðlagið
á framandi slóðum
Ásgeir Ásgeirsson sendir frá sér geisla-
disk sem hann vann ásamt nokkrum
af fremstu hljóðfæraleikurum Írans.
Efniviðurinn er svo sannarlega áhugaverður, segir gagnrýnandinn.
Kolbrún
Bergþórsdóttir
kolbrunb@frettabladid.is
Ég hef lært ótrú-
lega mikið á síð-
ustu tíu árum,
segir Ásgeir.
FRÉTTABLAÐIÐ/
SIGTRYGGUR ARI
dvölina ætlaði ég að gera upp við
hann en hann tók það ekki í mál,
sem er dæmigerð gestrisni fyrir fólk
frá þessum slóðum.
Frá þessum tíma hef ég stöðugt
fetað mig lengra og sótt einkatíma
í Grikklandi, Tyrklandi, Marokkó,
Indlandi og Íran. Árið 2016, þegar ég
var staddur við nám í Istanbúl, fékk
ég þá hugmynd að nota íslenska
þjóðararfinn og semja eigin laglínur
við hann en útsetja í austrænum
anda.“
Árið 2017 kom út diskurinn Two
sides of Europe, unninn með nokkr-
um af fremstu hljóðfæraleikurum
Tyrkja. Árið 2018 kom út diskurinn
Travelling through cultures, unninn
með nokkrum af færustu hljóðfæra-
leikurum Búlgaríu og gestalista-
mönnum frá Indlandi, Grikklandi
og Austurríki. Persian path, sem
er nýkominn út, er unninn með
nokkrum af fremstu hljóðfæraleik-
urum Írans, undir stjórn Hamid
Khansari. Diskurinn var tekinn
upp í Teheran, Istanbúl og á Íslandi
í fyrra og á þessu ári. Söngurinn er
í höndum Sigríðar Thorlacius, en
einnig syngja þau Samin Ghorbani
og Egill Ólafsson gesta-dúó í einu
laganna.
Mikið lærdómsferli
„Ég fór til Írans árið 2018 til að hitta
hljóðfæraleikarana, en við sendum
síðan efni milli landa. Ég vann alla
grunnvinnu í stúdíóinu heima hjá
mér, sendi þeim grunnupptökur
sem þau spiluðu ofan á, fékk svo til
baka og fínpússaði,“ segir Ásgeir.
Um lögin segir hann: „Þau eru um
það bil 70 prósent frumsamin undir
áhrifum af námi mínu í austrænni
tónlist og 30 prósent íslenskt þjóð-
lag. Á Persian path eru einnig tvö
alfrumsamin verk. Þjóðlögin valdi
ég úr bók séra Bjarna Þorsteins-
sonar, fann fallega texta og laglínur
og notaði það sem innblástur fyrir
mínar eigin laglínur. Sem dæmi um
lög á plötunni eru Runnin upp sem
rósin blá og Ó, Guð minn herra,
aumka mig.“
Ásgeir segir þjóðlagaþríleikinn
hafa verið mikið lærdómsferli. „Ég
hef lært ótrúlega mikið á síðustu tíu
árum og það má segja að það hafi
orðið algjör u-beygja á ferlinum og
gert hann fjölbreyttari og skemmti-
legri.“
Útgáfutónleikar hans með hljóm-
sveit fara fram í Flóa Hörpu mið-
vikudagskvöldið 30. september
klukkan 20.00.
M E N N I N G ∙ F R É T T A B L A Ð I Ð 29F I M M T U D A G U R 2 4 . S E P T E M B E R 2 0 2 0