Fréttablaðið - 09.10.2020, Qupperneq 6

Stofnfiskur getur
ekki framlengt
samninginn þar sem Stofn-
fiskur þarf á öllu sínu vatni
að halda og meira til.
Úr beiðni sveitarfélagsins Voga um
eignarnám
Afgreiðslutímar á www.kronan.is
749 kr.pk.
DEIG SÓSA OSTUR
*Tilboð gildir fyrir Pastella pizza deig, Gestus
pizza ost og Gestus pizza sósu
Allt í pizza
grunninn!
VESTFIRÐIR „Hann er núna að fara
eftir dygga þjónustu. Þetta er eins
og með fólkið, yngra fólkið leysir
gamlingjana af,“ segir Sigurður A.
Jónsson slökkviliðsstjóri Ísafjarðar-
bæjar. Ákveðið hefur verið að selja
gamla Bedford-slökkviliðsbílinn á
Flateyri og fá nýjan bíl í staðinn.
Bíllinn hefur þjónað Flateyr-
ingum í hálfa öld og er árgerð 1962.
Hann var keyptur snemma á átt-
unda áratugnum. Sigurður segir að
Bedford-bílar hafi verið algengir hjá
slökkviliðum víða um land. Ísfirð-
ingar sjálfir eigi einn slíkan en til
stendur að selja hann fljótlega.
„Það var fín dæla í þeim en þeir
áttu ekki mikið upp á pallborðið
hvað ökuhraða varðar,“ segir hann.
„Þeir fóru mjög hægt yfir en þegar
þeir komu á staðinn gátu þeir dælt
alveg lifandis ósköpum.“
Gamli Bedfordinn hefur um
tíðina fengist við nokkra eldsvoða
sem komið hafa upp í þorpinu.
Hann nýttist hins vegar best við
sjódælingar. „Það var hans sérsvið
í raun og veru. Hann hefur bjargað
mörgum skipum.“
F l at ey r i ng a r fe ng u ný ja n
slökkvibíl á árinu. Sigurður segir
þetta í fyrsta sinn sem þorpið fær
glænýjan bíl. „Það var gríðarleg
lyftistöng fyrir svona lítið sjávar-
pláss að fá nýjan bíl,“ segir hann.
„Nýi bíllinn er mun sprækari,
f ljótari og hraðvirkari í alla staði.“
Þrjú tilboð bárust í bílinn þegar
hann var auglýstur til sölu. Voru
boðnar allt frá 10 til 100 þúsund
krónur og hefur verið ákveðið að
taka því hæsta. Þá falaðist Sam-
göngusafnið í Skagafirði eftir að fá
bílinn án endurgjalds en ekki var
fallist á það. – khg
Þjónaði Flateyringum í hálfa öld
Bedfordinn fór ekki hratt en hafði öfluga dælu. MYND/SLÖKKVILIÐ ÍSAFJARÐAR
VOGAR „Samningaviðræður við
sameigendur sveitarfélagsins að
landinu og auðlindinni hafa verið
reyndar til þrautar,“ segir í beiðni
sveitarfélagsins Voga um að fá að
taka land í Heiðarlandi Vogajarða
eignarnámi til að tryggja íbúunum
neysluvatn.
Fram kemur í eignarnámsbeiðni
Voga til atvinnu- og nýsköpunar-
ráðuneytisins að vatnsból sveitar-
félagsins séu í raun vatnsból Stofn-
fisks ehf. í Vogavík samkvæmt
samningi HS Veitna og Stofnfisks.
Fyrir þremur og hálfu ári hafi Stofn-
fiskur hins vegar sagt upp samn-
ingnum og hann hafi fallið niður 1.
janúar 2018.
„Enn er hins vegar tekið vatn úr
vatnsbóli Stofnfisks þar sem ekki
hefur náðst að semja um öflun vatns
annars staðar við sameigendur
sveitarfélagsins að Heiðarlandi
Vogajarða. Á því landi er gert ráð
fyrir framtíðar vatnsbóli sveitar-
félagsins. Stofnfiskur getur ekki
framlengt samninginn þar sem
Stofnfiskur þarf á öllu sínu vatni
að halda og meira til,“ er myndin
dregin upp í eignarnámsbeiðni
Voga. Ástandið hamli stækkun hjá
Stofnfiski.
Vogar eiga tæpt 41 prósent í
Heiðarlandi Vogajarða. Næststærsti
eigandinn er Reykjaprent ehf. Síðan
eiga sjö einstaklingar hver sinn hlut
í landinu. Í eignarnámsbeiðninni er
útskýrt að Vogar hafi á árinu 2015
sóst eftir að fá að bora könnunar-
holu á landinu og lengi síðan reynt
að semja við meðeigendur sína um
vatnsöf lun. Orðið hafi verið við
beiðni þeirra um að slíkur samn-
ingur myndi verða við Voga en ekki
HS Veitur.
Kemur fram að meðeigendurnir
hafi talið verðhugmyndir frá HS
Veitum og Vogum vera óraun-
hæfar. Samhliða viðræðunum hafi
verið fundinn staður fyrir hugsan-
legt vatnsból. Einnig hafi verið sett
fram sú tillaga að lausn snemma á
þessu ári að leggja pípu í gegn um
landið og tengja hana við vatnslögn
HS Veitna í Njarðvík.
„Þar sem samningaviðræður
þóttu fullreyndar, það er bæði hafði
verið reynt að ná samningum um
gerð vatnsbóls og vatnslagnar auk
þess sem engin gagntilboð höfðu
borist frá landeigendum ákvað
sveitarstjórn á fundi sínum þann
29. apríl 2020 að óska eftir heimild
til að taka land undir vatnsbólið
eignarnámi,“ segir í beiðninni.
Eftir að þessi eignarnámsbeiðni
var sett fram var áfram reynt að
semja en meðeigendurnir sögðu
loks fyrir þremur vikum að það
væri ekki raunhæft á meðan
eignarnámsbeiðni sveitarfélagsins
væri enn í gildi. Segir enn fremur
í beiðninni að meðeigendur Voga
vilji aðeins ræða leigu á landinu
og takmarkaða vatnsöflun en ekki
sölu. Sveitarfélagið telji hins vegar
nauðsynlegt að eiga landið undir
vatnsbólinu því annars væri vatns-
öflun ekki tryggð til framtíðar.
„Í ljósi aðstæðna er óskað eftir að
málið fái f lýtimeðferð í ráðuneyt-
inu,“ segir í eignarnámsbeiðni Voga
sem nú er til umsagnar hjá meðeig-
endum sveitarfélagsins í Heiðar-
landi Vogajarða. gar@frettabladid.is
Eignarnám tryggi vatn
fyrir Vatnsleysuströnd
Sveitarfélagið Vogar segir fullreynt að ná samkomulagi við meðeigendur þess
að Heiðarlandi Vogajarða þar sem gera þurfi framtíðarvatnsból fyrir íbúana.
Eini kosturinn sé að fá leyfi til að taka landið og vatnsréttindin eignarnámi.
Vogar fá allt neysluvatn í vatnsbóli Stofnfisks þótt samningur hafi runnið út 1. janúar 2018. FRÉTTABLAÐIÐ/VILHELM
VIÐSKIPTI „Með appinu þarftu aldr-
ei aftur að bíða í röð í apóteki til
þess eins að fá að vita að lyfið þitt sé
ekki til. Þú þarft aldrei aftur að velta
fyrir þér hvað lyfið kostar fyrir þig
því þú manst ekki í hvaða greiðslu-
þrepi þú ert,“ segir Sigríður Margrét
Oddsdóttir, framkvæmdastjóri
Lyfju. Í gær gaf Lyfja út smáforrit,
app, sem gerir fólki kleift að ganga
sjálfvirkt frá kaupum á lyfjum og fá
þau send heim án aukakostnaðar.
„Við bjóðum upp á heimsend-
ingar á höfuðborgarsvæðinu, á
Akureyri, í Reykjanesbæ og á Sel-
fossi, þar búa um 80 prósent þjóðar-
innar,“ segir Sigríður Margrét. Það
verður einnig hægt að rekja stöðu
sendingarinnar í rauntíma.
Einnig er hægt að sækja pöntun-
ina í næsta apótek Lyfju í gegnum
f lýtiafgreiðslu, allan hringinn í
kringum landið.
Virknin er margþætt, hægt er að
fá yfirlit yfir allar lyfjaávísanir í
rauntíma og lesa allar upplýsingar
um lyfið, með smelli og stækka
letrið að þörf. Þá verður hægt að
kaupa lyf fyrir aðra í gegnum raf-
rænt umboð í appinu. Þá gefst einn-
ig kostur á að hefja netspjall við sér-
þjálfaðan starfsmann.
Þróun appsins hefur staðið yfir í
rúmt eitt og hálft ár. „Þetta er líklega
stærsta nýsköpunarverkefni sem
Lyfja hefur ráðist í,“ segir Sigríður
Margrét.
„Við erum að nútímavæða apó-
tekin okkar. Markmiðið er að ein-
falda lyfjakaup á sem öruggastan
máta, það er mikið gleðiefni að
vera komin með fyrsta app sinnar
tegundar á Íslandi.“ – ab
Engar raðir með nýju appi
Við bjóðum upp á
heimsendingar á
höfuðborgarsvæðinu, á
Akureyri, í Reykjanesbæ og
á Selfossi, þar búa um 80
prósent
þjóðarinnar.
Sigríður Mar-
grét Oddsdóttir,
framkvæmda-
stjóri Lyfju
DAG HVERN LESA
93.000
ÍSLENDINGAR
FRÉTTABLAÐIÐ
AÐ MEÐALTALI HEIMILD: PRENTMIðLAMÆLING GALLUP OKT-DES 2019, 12-80 ÁRA,
ALLT LANDIð HAGSTOFA ÍSLANDS, MANNFJÖLDATÖLUR, 2019
9 . O K T Ó B E R 2 0 2 0 F Ö S T U D A G U R6 F R É T T I R ∙ F R É T T A B L A Ð I Ð