Samtökin '78 - Samtakafréttir - 15.08.2000, Blaðsíða 21

að sjá þessar rannsóknir svart á hvítu, hvað stæði þá efst á
fyrstu síðu? Rannsókn framkvæmd af Gallup? Rannsókn unnin
af félagsdeild óháðs háskóla? Neinei. Það stæði eitthvað á
þessa leið: Rannsókn framkvæmd af rannsóknardeild KSBM-
HA sem nýtur viðurkenningar sem rannsóknarstofnun. Síðan
þyrfti langa rannsókn eftir flóknum leiðum áður en tækist að
komast að, hvað KSBMHA stendur fyrir. Það væri Kristilegur
Söfnuður Bræðra Móse I Hvítri Ameríku og þeir einu, sem
hefðu viðurkennt rannsóknardeildina þeirra, væru þeir sjálfir.
Það má alls staðar kaupa stimpil og prenta bréfhaus. Síðan
má rannsaka í samræmi við kenningar og fá hagstæða út-
komu.
Sennilega hafa fáir óprestlærðir lesið Gamla testamentið
spjaldanna milli. Frá fagurfræðilegu bókmenntasjónarmiði er
það afspyrnu illa skrifað og efnisvalið háir líka almennum
vinsældum þess. Að vísu inniheldur það, eins og Hollywood-
leikstjórinn sagði, allt sem gerir kvikmynd að kassastykki,
nefnilega hörmungar, ofbeldi og kynlíf. Það getur samt ekki
orðið spennulestur sökum þess að því er svo illa ritstýrt. Ef
nútímaritstjóri kæmist í bókina góðu, þá yrði hún skorin niður í
lítið, handhægt hefti ón þess að nokkuð færi forgörðum.
Guðspjöllin yrðu samræmd þannig að haldið yrði inni einni
frásögn af hverjum atburði og allar endurtekningar fjarlægðar.
Mósebækurnar fengju sömu meðferð og öll alzheimer-
einkennin máð burtu. Eftir stæði þá eitthvað á stærð við vand-
að tímarit.
Eg er hér að horfa á annað ritverk, skrifað af fram-
vörðum Móse og sent þingmönnum og þar með orðið opinbert
skjal. Ritstíllinn er hakinu skárri en á bókinni góðu, en ég verð
nú að viðurkenna að það fyrsta sem mér datt í hug þegar ég
sá það, var hvað ég gæti kennt þeim drengjum í framsetningu
og ritlist. Fyrir svimandi upphæð gætu þeir jafnvel lært að vera
sannfærandi. Sem betur fer á ég ekki eftir að eiga í neinni
innri siðgæðisbaráttu um hverjum ég kenni lævísari og liprari
stíl því þeir leita líklega seint til mín.
Hvað um það, í bréfinu góða er dásamleg setning sem ég
bryti lög til að hafa eftir ef þyrfti. Hún er svona: „Það sem þó
skiptir mestu máli er að Guð hefur lýst sig andvígan!"
Hver er sannfærandi sem fær Guð til að hljóma eins og
ályktun frá flokksþingi?
En lítum á ritstaðinn í Mósebók þar sem „Guð lýsir sig
andvígan" - rétt eins og forsprakki fiskvinnufólks í hráefnis-
skorti. I kaflanum um kynlíf, sem fjallar aðallega um sifjaspell,
segir Guð orðrétt á eftir langri upptalningu um með hvaða
konum karlmenn mega ekki gera dodo: „Eigi skalt þú leggjast
með karlmanni sem kona væri. Það er viðursfyggð." Beint á
eftir þeim orðum kemur bann við kynferðislegu áreiti við dýrin
sem hljómar svona: „Þú skalt ekki eiga samlag við nokkra
skepnu, svo þú saurgist af."
Þarna, og ekki fyrr, man Guð skyndilega eftir konum sem
gerendum. Þær fá eina setningu í öllum kynlífskaflanum og hún
er svona: „Né heldur skal kona standa fyrir skepnu til
samræðis við hana. Það er svívirðing."
Þetta kveikir óneitanlega spurular hugsanir. Hvernig gat
Guð, sem skapaði konuna, jafnvel þótt það væri aðeins úr
leyfum úr Adam, hvernig gat hann gleymt því að konan hefur
líka kynhvöt og heila sem hún getur notað til að láta sér detta
ýmislegt dónalegt í hug? Það er ekki eitt einasta bann við neinu
fyrir konur. Nema þetta með skepnurnar. Og það hljómar
meira eins og: Stattu ekki þarna eins og þvara í fjárhúsinu!
Tekurðu ekki eftir því, kona, að hrútarnir eru að riðlast á þér?
Eða, og þessi hugmynd er áleitin: Segir kaflinn þá sorglegu
sögu, að hjónaband Móse hafi verið afleitt þegar til sængur
var komið og hann hafi ekki haft hugmynd um að konur hafa
kynhvöt?
Og hver samdi þá textann? Alvitur en afspyrnu gleyminn
Guð, eða Móse sem var kvæntur dauðyfli?
Ekki má gleyma góðum spretti í Móselögunum um það
hvenær á að drepa stúlkur og konur. Það er bara sem oftast,
ef þær týna meydómnum einhvers staðar áður en réttmætur
kaupandi hans kemur höndum yfir hann. Þó má í einu tilviki
gefa stúlkum líf. Það er þegar þeim er nauðgað fjarri
mannabyggð og ekki hægt að sanna að þær hafi ekki hrópað
á hjálp. I þeim kafla er einn sólargeisli: Nauðgarann á að
grýta í hel. Islenska dómskerfið gæti lært mikið af fimmtu
Mósebók, 22. kafla, 25. versi.
I kaflanum á undan er fjallað um foreldravaldið. Ef við
tökum þau lög upp þá verða hundruð ráðgjafa atvinnulausir.
Þar segir í stuttu máli að eigi maður ódælan son og þrjóskan
sem hlýðir ekki þó hann sé hirtur, þá geti foreldrarnir tekið
hann, fært hann að borgarhliðinu og klagað hann í
öldungana. Skulu þá allir borgarbúar lemja hann með grjóti til
bana. Þetta er varanleg lausn á unglingavandamálinu. Nóg
eigum við grjótið á Islandi, en grjót er einmitt mikilvægur
þáttur í því að lifa siðlegu lífi samkvæmt Móselögunum.
Kemur svo loks að þar sem lesið hefur verið þvílíkt yfir
hausamótum Israelsmanna í óvissuferðinni þeirra um Sinaí, að
Móse og Drottinn ákveða að hafa sáttmálshátíð. Hún hefur
líklega farið hljóðlega fram og lítið verið dansað því hátíðin
hefst á bannfæringum. Þar eru mannsmorð lögð að jöfnu við
að bregða fæti fyrir blinda, en í miðri þulu er bannfæring sem
framverðir Móse ættu kannski að skoða. Hún segir: Bölvaðir
eru þeir sem halla rétti útlendinga, munaðarleysingja og
ekkna.
Þeir eru sem sé bölvaðir sem vilja að rétti barna sam-
kynhneigðra sé hallað, því þau eru munaðarleysingjar að
hálfu þar til lögin leyfa ættleiðingar.
Fyrstu vikuna í júlí verður alþjóðleg hátíð samkyn-
hneigðra, Gay Pride, haldin í Róm. Það hittist svo ótrúlega
undarlega á að hátíðahöldin lenda á heilögu ári. Þau munu
einnig fara fram undir gluggum Vatíkansins, önnur tilviljun.
Páfa ku ekki vera skemmt. Ég ætla að fara og vera viðstödd
bæði, árið heilaga, sem ég ætla að ná á einni viku, og hátíð
samkynhneigðra, sem ég næ í sömu vikunni. Ferðina fer ég
með fólki sem mér þykir vænt um og bind nokkrar vonir við að
enginn afgerandi fótboltaleikur fari fram um sama leyti því
bullurnar gætu grýtt hátíðagesti. Ekki vegna þess að þær hafi
kynnt sér Móselögin, heldur af því að steinar hafa allar aldir
legið vel í hendi mannsins.
Að hátíð lokinni ætla
ég að hafa samband við
skipuleggj-
endur
hennar
og stinga
upp á
að næsta
alþjóðlega
hátíð samkyn-
hneigðra verði
haldi
SAMTAKAFRETTIR 21