Dagblaðið Vísir - DV - 06.11.2020, Blaðsíða 2

Burt með jólabjöllurnar
S varthöfði er ekki frá því að þjóðarsálin sé haldin geðhvörfum.
Eftir nokkrar vikur af bull-
andi þunglyndi og farsóttar-
kvíðaröskun eru Íslendingar
upp til hópa skyndilega orðnir
bullandi manískir. Húsmæður
og -feður í fjötrum ofvirks of-
lætis marsera um heimili sín
með tuskuna í einni og Bing
& Grøndahl jólapostulínið í
hinni að græja og gera fyrir
jólin milli þess sem slurkur
er drukkinn af einum af þeim
skrilljón jólabjórum sem nú
flæða yfir samfélagið. Það
liggur við að jafn margir jóla-
bjórar standi til boða og Ís-
lendingar eru margir.
Á sem sagt bara að hafa
tveggja mánaða jólahátíð?
Strax má líta æsta grímu-
klædda Íslendinga á þönum
um matvöruverslanir með
körfur fullar af reyktu kjöti.
Líklega verður erfitt að
kjaga fram úr rúminu á að-
fangadag með þessu fram-
haldi. Allir svo illa haldnir af
bjúg að heildar vatnssöfnunin
gæti séð heilu héraði í Afríku
fyrir nægjanlegu drykkjar-
vatni mánuðum saman. Og
hvernig sjá menn fyrir sér
að sinna fjarvinnunni þegar
bjúgaðir fingurnir eru orðnir
of stórir fyrir lyklaborðin?
Sem betur fer ætti hver ein-
asti Íslendingur að eiga núna
hið minnsta eina ketilbjöllu.
Svona miðað við það að Costco
hefur ekki undan að fylla á
birgðir sínar og ganga ketil-
bjöllur nú sölum í undirheim-
um Íslands líkt og um heróín
af hreinustu sort væri að ræða.
Ef einhver á heimili Svart-
höfða svo mikið sem gerir sig
líklegan til að byrja að raula Ef
ég nenni, þá stingur Svarthöfði
á hljóðhimnur sínar.
Rétt er að taka það fram að
Nóa-konfekt læknar ekki COV-
ID-19 líkt og sumir virðast
farnir að halda og ef menn
ætla að safna hátíðarmör í
heila tvo mánuði þá skulu þeir
ekki láta sér detta í hug að því
verði reddað um leið og Bjössi
í World Class fær að opna fyrir
spinningtímana aftur.
Á meðan suða í sjónvarpinu
uppfærslur af kosningavæli
frá allt annarri þjóð sem er
heilan hafsjó í burtu frá okkur.
Þar er kosið á milli kúks og
skíts eða öllu heldur fávita eða
elliærs. Af hundruðum millj-
óna íbúa eru frambærilegustu
mennirnir til forsetaembættis-
ins svo ógeðslega óspennandi
að marga dreymir um að
annar þeirra geispi golunni
eftir að hann verður svarinn
í embætti sem forseti til að
hleypa fyrstu konunni í emb-
ættið. Líklega er þetta fram-
bærilegasta raunveruleika-
sjónvarpið sem er í boði í dag.
Ótrúverðugar persónur samt
sem haga sér eins og persónur
í Heilsubælinu í Gervahverfi
og þetta eiga að vera leiðtogar
eins stærsta stórveldis í heim-
inum.
Það er erfitt fyrir Svart-
höfða að halda í gleðina á
þessum tímum. Helst vill hann
skreyta jólatréð á hádegi á að-
fangadag og vera laus við allt
stúss og vesen þangað til. Og
engan veginn vill hann bæta
við vaxandi lista af áhyggjum
einhverjum elliærum for-
seta hinum megin við hafið.
Góðir þjóðarleiðtogar eiga í
það minnsta tíu buff og Svart-
höfði skal hundur heita ef Joe
Biden eða Donald Trump eiga
eitt einasta. n
SVART HÖFÐI
Aðalnúmer: 550 5060
Auglýsingar: 550 5070
Ritstjórn: 550 5070
FRÉTTA SKOT
550 5070
abending@dv.is
Búningadrama
É
g er svo heppin að eiga frábæra ná-
granna og börnin okkar eru bestu vinir.
Við búum í þremur húsum hlið við hlið
og hjálpumst að í blíðu og stríðu. Það er
ómetanlegt á tímum sem þessum.
Við ákváðum í gegnum allt COVID
að leyfa börnunum okkar að leika sér saman en að
sama skapi að vera ábyrg sjálf og vanda okkur í sótt-
vörnum svo börnin gætu fengið að njóta samvistanna.
Hugmyndin um að horfa á bestu vinkonu sína út um
gluggann en geta ekki leikið sér með var einfaldlega
of erfið fyrir sex ára gömul hjörtu.
„Hún er uppáhaldsmanneskjan mín. Við ætlum að
eiga saman ísbúð, BestÍs, þegar við verðum stórar,“
tilkynnti dóttir mín mér og það var því ljóst að þeim
yrði ekki stíað í sundur nema í allra ýtrustu neyð.
Hrekkjavaka er eitt mesta ævintýri lífsins þegar þú
ert sex ára. Að fá að klæða sig upp í alls konar flipp-
aða búninga, nota tryllt mikið af málningu
og háma í þig sælgæti hlýtur að vera
hátíð.
Nágrannarnir – eða Mellinn eins og
við köllum okkur (Melrose Place)
– ákváðu að sjálfsögðu að halda
hrekkjavöku saman án utanað-
komandi aðila. Búningar, chillí con
carne og barnadiskó.
Svo komu fregnir af hertum sótt-
varnaaðgerðum.
Með öndina í hálsinum horfði
nágrannakona mín á mig.
„Nú verður þetta eins og í
alvöru raunveruleikaþætti.
Ef samkomutakmörkin
verða tekin niður úr 20 í
fimm þurfum við að kjósa
einn út. Svo vikuna á eftir
verður annar kosinn út.“
Ég fann munnvikin
síga.
Í fjarska heyrðist barn
gráta. Önnur nágranna-
kona hafði föndrað búning fram
á nótt en fékk tölvupóst seint um
kvöld – kvöldið fyrir búninga-
daginn í skólanum – að allur 3.
og 4. bekkur í skólanum færi
í sóttkví. Drengurinn færi því ekki í búningnum í
skólann daginn eftir, né nokkuð annað. Hann var
kominn í viku sóttkví.
Mér varð hugsað til vinkonu minnar sem ætlaði að
gifta sig daginn eftir að hertar aðgerðir voru boð-
aðar. Enginn átti að vera viðstaddur nema foreldrar
hennar og tilvonandi eiginmannsins. Börn teljast
víst ekki með í takmarkanatölunni svo þau fengu að
hanga inni. Svo vel vill til að tengdamóðir vinkonu
minna er prestur. Engu að síður hefði það orðið til
þess að ef takmörkin færu niður í fimm þýddi það að
eitt foreldri yrði að standa fyrir utan stofugluggann á
meðan. Hrikalega rómantískt.
Hvernig velur maður hvaða foreldri fær ekki að
vera í brúðkaupinu manns?
En þetta reddaðist allt – takmarkið hélst við 10 sem
er í seinni tíð alveg rosalega mikið af fólki. n
UPPÁHALDS
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Þorbjörg Marinósdóttir, tobba@dv.is
FRÉTTASTJÓRI: Erla Hlynsdóttir, erlahlyns@dv.is AUGLÝSINGAUMSJÓN: Sigurbjörn Richter,sigurbjorn@dv.is PRENTUN: Torg prentfélag DREIFING: Póstdreifing
DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds.
Öll viðtöl blaðsins eru hljóðrituð. Notkun á efni blaðsins er óheimil án samþykkis. DV, Kalkofnsvegi 2, 101 Reykjavík Sími: 550 7000.
Búningadrama er hressandi. MYND/TM
Erna Hrund Hermanns-
dóttir, vörumerkjastjóri hjá
Ölgerðinni, deilir hér sínum
uppáhaldsveitinga- og kaffi-
húsum, sem ljúft er að hugsa
til á tímum samkomutak-
markana.
1 Matbar
Er uppáhaldsstaðurinn minn
til að fara út að borða á, elska
stemninguna á staðnum,
maturinn er góður og mat-
seðillinn skemmtilega settur
fram, þannig að maður getur
smakkað fleiri en færri rétti.
2 Pad Thai
Lítill staður í Álfheimum
sem er besti take away-stað-
urinn og leynd perla í 104.
Ódýrt, einfalt og ljúffengt.
3 Duck and Rose
Ég hef ekki ennþá sest þar
inn en hef þó tekið take away
og ef upplifunin af að borða á
staðnum er jafn æðisleg og í
gegnum take away þá hlakka
ég til að setjast þar inn og
borða. Hæpið á allavega rétt
á sér!
4 Te og kaffi
Ég hef alla tíð verið mikill Te
og kaffi aðdáandi, en Suður-
landsbraut er að koma sterk
inn sem aðalfundarstaðurinn
minn þessa dagana. Alltaf
góð þjónusta og góður andi
þar inni.
5 Heima hjá ömmu og afa
Þar er alltaf besti maturinn
og nóg til af kaffi. Stund-
irnar og samtölin sem við
eigum eru ennþá dýrmætari
í dag, því ástandið hefur
kennt manni að taka engu
sem sjálfsögðum hlut því allt
getur breyst á morgun.
VEITINGASTAÐIR
2 EYJAN 6. NÓVEMBER 2020 DV