Dagblaðið Vísir - DV - 13.11.2020, Blaðsíða 4

MEST LESIÐ
Á DV Í VIKUNNI Í FRÉTTUM ER ÞETTA HELST...
Trump laut í lægra haldi
Á laugardag var því lýst yfir að Joe Biden hefði haft betur
gegn Donald Trump í forsetakosningunum í Bandaríkjunum.
Biden mun því taka við embætti í janúar. Trump hefur þó ekki
viðurkennt ósigur og ætlar að láta reyna á lögmæti kosning-
anna fyrir dómstólum.

Hillir undir bóluefni
Lyfjafyrirtækið Pfizer hefur þróað bóluefni við COVID-19
sem lofar góðu og hefur Ísland þegar tryggt sér kauprétt
að bóluefninu. Fleiri lyfjafyrirtæki eru með bóluefni á loka-
stigum prófunar og því er þess vænst að hægt verði að hefja
bólusetningar hér á landi snemma á næsta ári.
Aðstæður í Arnarholti
Í vikunni var greint frá hræðilegum aðstæðum íbúa á vist-
heimilinu Arnarholti á Kjalarnesi til ársins 1971. Íbúum með
fatlanir var gert að sæta einangrun svo vikum skipti, andlát
voru tíð og vanræksla mikil. Þetta kom fram í vitnaleiðslum
yfir 24 fyrrverandi starfsmönnum vistheimilisins. Borgar-
stjóri ætlar að láta rannsaka starfsemina og forsætisráðherra
hefur boðið fram aðstoð sína.
Leggur skóna á hilluna
Rúrik Gíslason knattspyrnumaður hefur ákveðið að leggja
skóna á hilluna þrátt fyrir að vera aðeins 32 ára gamall. Hann
greindi frá þessu í vikunni. Hann útilokar þó ekki að taka
skóna einhvern tímann fram aftur. Rúrik lék síðast með þýska
B-deildarliðinu Sanhausen en fékk sig lausan þaðan í júní.
Létust vegna COVID-19
Sjö einstaklingar létust í vikunni vegna COVID-19. Alls hafa
því 15 einstaklingar látist í þriðju bylgju COVID-19 og 25 frá
upphafi faraldursins. Margir þeirra sem létust í þessari bylgju
tengdust hópsmitinu sem upp kom á Landakoti.

Stúdentar óánægðir
Stúdentar hafa harðlega gagnrýnt fyrirkomulag lokaprófa við
Háskóla Íslands, en skólinn krefst þess að nemendur mæti í
kennslustofur til að taka prófin, þrátt fyrir að rektor hafi áður
lýst því yfir að lokapróf muni fara fram á netinu sem fjar-
próf. Gerði rektor þó ráð fyrir vissum undantekningum og eru
stúdentar óánægðir með hversu margar undantekningarnar
eru. Stúdentaráð hefur farið fram á að fyrirkomulagið verði
endurskoðað.
Orka náttúrunnar sýknuð
Orka náttúrunnar, dóttur-
félag Orkuveitur Reykja-
víkur, var sýknað í máli
sem Áslaug Thelma Einars-
dóttir höfðaði á hendur fé-
laginu vegna meintrar ólög-
mætrar uppsagnar. Áslaug
hélt því fram að henni hefði
verið sagt upp eftir að hún
kvartaði undan óviðeigandi
hegðun yfirmanns síns,
en samkvæmt niðurstöðu
Héraðsdóms Reykjavíkur
átti uppsögnin sér eðlilega
skýringu.
1 Segir að Melania hafi fengið nóg og vilji skilnað Tvær fyrrverandi
aðstoðarkonur Melaniu Trump halda
því fram að hún ætli að skilja við
mann sinn um leið og hann lætur af
embætti.
2 Aníta Briem um eineltið: „Þær sáu allt en sögðu ekkert“ Leik-
konan Aníta Briem var lögð í einelti
af bekkjarsystur sinni þegar hún var
níu ára.
3 Segist ekki passa í venjuleg föt út af brjóstunum – „Sumir trúa
því ekki“ Fyrirsætan Vikki Lenoli frá
Kanada þarf að fá klæðskera til að
sníða á sig föt því brjóst hennar eru
of stinn.
4 Sóðaskapur við Costco – Sjáðu myndirnar Einnota grímur og
hanskar á víð og dreif við Costco og
fleiri verslanir.
5 Katrín flúði ofbeldissamband í maí – Núna glímir hún við annað
vandamál og leitar hjálpar Katrín
Rut Jóhannsdóttir sendi út hjálpar-
beiðni á Facebook. Hún sér fram á að
enda á götunni með börn sín eftir að
þurfa að flýja leiguíbúð vegna myglu.
6 Vikan á Instagram – „Aðeins meira en bara vinir“ Vikan á
Instagram er fastur liður á mánu-
dagsmorgnum á dv.is.
7 Sigmundur rifjar upp átakanlegt samtal – Varð ekki samur á eftir
og sá líf sitt í öðru ljósi Sigmundur
Ernir Rúnarsson var gestur í hlað-
varpi Sölva Tryggvasonar. Þar rifjaði
Sigmundur upp tíma á Íslandi sem
við erum fljót að gleyma.
8 Villi Vill rifjar upp kostulegar sögur af Einari Erni heitnum –
„Sorgleg og ótrúleg atburðarás“
Vilhjálmur H. Vilhjálmsson lögmaður
rifjaði upp feril sinn sem knattspyrnu-
maður í hlaðvarpinu Draumaliðið.
9 Brostnir draumar á Hvamms-tanga – Stórt gjaldþrot hjá
Gauksmýri Ferðaþjónustufyrirtækið
Gauksmýri er farið á hausinn og
námu kröfur í þrotabúið rúmlega 282
milljónum.
4
0
FERSK, FYNDIN
OG FORVITNILEG
Fyrstu þrjár ljóðabækur Einars Más Guðmunds-
sonar eru nú gefnar út að nýju, þrjár saman í
einni, í tilefni þess að fjörutíu ár eru liðin síðan
skáldið þusti fram á sjónarsviðið.
LANDSINS MESTA ÚRVAL BÓKA Bókabúð Forlagsins | Fiskislóð 39 | www.forlagid.is | Opið alla virka daga 10–18 | laugardaga 11–16
4 FRÉTTIR 13. NÓVEMBER 2020 DV