Dagblaðið Vísir - DV - 13.11.2020, Blaðsíða 36

Gæludýrin
í Hvíta húsinu
Allt frá því að George Washington var forseti
Bandaríkjanna hefur verið rík hefð fyrir því að
gæludýr séu í Hvíta húsinu. Donald Trump er fyrsti
forsetinn í rúmlega hundrað ár til að brjóta hefð-
ina en Joe Biden mun koma henni aftur á í janúar.
D onald Trump Banda-ríkjaforseti var sá fyrsti í meira en
hundrað ár til að vera ekki
með gæludýr í Hvíta húsinu.
Joe Biden, nýkjörinn for-
seti Bandaríkjanna, ætlar að
koma hefðinni á aftur og tveir
þýskir fjárhundar munu mæta
með honum í Hvíta húsið í
janúar, þeir Champ og Major.
Major var ættleiddur frá
dýraathvarfi. Champ er tólf
ára gamall og gekk til liðs við
Biden-fjölskylduna árið 2008.
Fjölskyldan ættleiddi síðan
Major árið 2018.
Gæludýr Hvíta hússins hafa
lengi notið vinsælda meðal al-
mennings. Hundur Warrens
G. Harding, 29. forseta Banda-
ríkjanna, var fyrsta gælu-
dýrið til að fá umfjöllun í fjöl-
miðlum. Það frægasta er þó
örugglega Checkers, hundur
Richards Nixon.
Eins og fyrr segir hefur
verið rík hefð fyrir því að
forsetar eigi gæludýr. Það er
því langur listi að fara yfir
hvert gæludýr og hvern for-
seta, hér má líta á brot af því
fjölbreytta dýralífi sem hefur
verið í Hvíta húsinu.n
Guðrún Ósk
Guðjónsdóttir
gudrunosk@dv.is
36 FÓKUS
BILL CLINTON
Bill Clinton kom með
köttinn Socks í Hvíta
húsið. Seinna eign-
aðist hann hundinn
Buddy, sem var súkku-
laðibrúnn Labrador.
JOE BIDEN
Joe Biden fékk þýska fjárhundinn
Champ árið 2008. Hann nefndi
hundinn Champ því faðir hans
sagði oft við hann þegar lífið
var erfitt: „Stattu upp, kappi (e.
champ).“ Tíu árum seinna ætt-
leiddi Biden-fjölskyldan þýska
fjárhundinn Major, en þet ta
verður fyrsti hundurinn til að vera
ættleiddur úr dýraathvarfi í Hvíta
húsinu.
BARACK OBAMA
Barack Obama eignaðist portú-
gölsku vatnahundana Bo og
Sunny á forsetatíð sinni. Malia
Obama, dóttir hans, er með of-
næmi fyrir flestum hundategund-
um en þessi hundategund er ekki
sérlega ofnæmisvaldandi og varð
því fyrir valinu.
THEODORE ROOSEVELT
Það hefur enginn át t
fleiri gæludýr en 26.
forseti Bandaríkj-
anna, Theodore
Roosevelt. Hann
átti einnig nokkur
ó h e f ð b u n d i n
gæludýr, eins og
lítinn björn sem
hét Jonathan Ed-
wards, eðlu sem
hét Bill, nokkur
marsvín, hest, kan-
ínu, uglu og hýenu.
Roosevelt-fjölskyldan
hélt mikið upp á hundinn
Skip sem má sjá á myndinni.
GEORGE W. BUSH
Það fylgdu mörg dýr forsetaembætti George W. Bush.
Hundurinn Spot „Spotty“ Fetcher og kötturinn India
„Willie“ fylgdu honum í Hvíta húsið, hann eignaðist
seinna hundana Barney og Miss Beazley, sem bæði
voru af tegundinni Scottish Terrier. Svo má ekki
gleyma kúnni hans, Ofelia.
RONALD REAGAN
Það mætti segja að dýragarður
hafi fylgt Ronald Reagan í Hvíta
húsið. Hann átti hundana Lucky,
Rex, Victory, Peggy, Taca og
Fuzzy, nokkra hesta og kettina
Cleo og Söru.
RICHARD NIXON
Richard Nixon hélt ræðu sex
vikum fyrir forsetakosningarnar
árið 1952. Hann svaraði ásök-
unum um spillingu og réðst á and-
stæðinga sína. Hann sagðist ætla
að halda eftir einni gjöf, sama
hver útkoman yrði, hundi sem
börn hans hefðu nefnt Checkers,
og þar með var þessi fræga ræða
nefnd „Checkers Speech“. Í dag
er hugtakið oft notað til að lýsa til-
finningaþrungnum ræðum stjórn-
málamanna.
MYNDIR/GETTY
13. NÓVEMBER 2020 DV