Fjölrit RALA - 10.03.1981, Page 129

117
tíma vex lúpínan lítið. Aðalvöxtur einæru lúpínustofnanna fer því fram
eftir þann tíma, eða upp úr miðju sumri.
4. Sáðmagn og áburður.
Fræframleiðendur mæla með því að notuð séu 200 kg af fræi á hektara.
Gerðar voru sáðmagnstilraunir á Korpu og Skógasandi og voru stofnarnir
Barpine og Kubesa notaðir í tilraunirnar. Fræmagn var á bilinu frá 100
kg/ha upp í 233 kg/ha. Meðaluppskera beggja stofnanna var á bilinu 32
til 49 hkg/ha á Korpu en 16 til 28 hkg/ha á Skógasandi. Breytileiki var
mikill í tilraununum og því erfitt að átta sig á niðurstöðum þeirra en
þó virtist það sáðmagn sem framleiðendur mæla með koma einna best út.
Gerðar voru nokkrar athuganir með notkun N, P og K. Dreifing
köfnunarefnis hafði lítil sem engin áhrif. Svörun fyrir P og K var breyti-
leg og sumsstaðar engin.
III. LOKAORÐ.
Niðurstöður tilraunanna benda tvímælalaust til þess að rétt sé að
halda rannsóknum á einærum lúpínum áfram, því hér gæti hugsanlega verið
um ódýra fóðuröflunarleið að ræða. Þess ber þó að gæta að lausleg kostn-
aðaráætlun hefur leitt í ljós að fræið er nokkuð dýrt og gæti verð þess
upphafið hinn litla áburðarkostnað.
Á næstu sumrum þarf að reyna bestu stofnana við fjölbreyttari aðstæður
og halda áfram leit að nýjum og betri stofnum. Kanna þarf hvaða stofn af
Rhizobium lupini smiti gefi bestan árangur. Gera þarf nákvæmari kostnaðar-
kannanir og sannreyna fóðurgildi lúpínustofnanna með beitar- og fóður-
tilraunum. Jarðræktardeild mun taka við þessu verkefni af gróðurrannsókna-
deild 1981.