Fjölrit RALA - 15.06.2002, Page 25

17
Kalrannsóknir/Jarðvegslíf 2001
Túnatilraun
Reynt var að búa til svell úti á túni með því að sprauta vatni á reiti innan tréramma. Sumir
reitanna fengu andoxunarefnið askorbínsýru, en aðrir ekki. Hugmyndin var að einangra
svellið með einangrunarplasti gegn þiðnun. Svellun hófst 14. desember en 14. janúar hurfli
svellin að mestu vegna hlýinda og tókst því ætlunarverkið ekki.
Svellþolsprófun háliðagrass.
Veturinn 2000-2001 var gert svellþolspróf á Möðruvöllum á tveimur íslenskum söfnum af
háliðagrasi, (sjá kynbætur á háliðagrasi bls. 29), tveimur erlendum yrkjum og tveimur yrkjum
af vallarfoxgrasi til samanburðar. Taflan hér fyrir neðan sýnir fjölda daga sem það tók að
drepa helming plantnanna. Vallarfoxgrasið lifði lengur en háliðagrasið og einn stofn af
háliðagrasi, Lipex, lifði mun skemur en hinir.
LD50 Fjöldi plantna
dagar í hverri mælingu
Vallarfoxgras Adda 46 12
Nor 1 43 16
Háliðagras Is 2 36 4
Is 1 35 8
Seida 35 8
Lipex 22 8
Jarðvegsdýr í túnum og úthaga (185-9913)
Sumarið 1997 voru 100 einstaklingar af stórána (Lumbricus terrestris) fluttir í tún á Efstumýri
og í úthaga í Beitarhúsaparti á Möðruvöllum. Var svæði þeirra afmarkað með stálramma.
Þann 23. maí 2001 voru stálrammamir teknir og ánamaðkanna leitað. Við uppgröft fannst
enginn ánamaðkur á hvorugum staðnum. í Efstumýri var komið niður á leirlag í 40 cm dýpt
og þar sáust ánamaðkagöng, sem maðkamir gætu hafa myndað er þeir flúðu mýrina, en engir
maðkar komu upp þótt hellt væri formalínblöndu í göngin. Flutningurinn hefur því algjörlega
mistekist.