Dagblaðið Vísir - DV - 18.12.2020, Side 22

ÞETTA KOSTA JÓLIN Í ÁR
Er líða fer að jólum er ekkert sem dregur meira úr hátíðarskapi fólks
en stress og áhyggjur. Það sem eykur hvað mest á streitu og van-
líðan eru oft fjárhagsáhyggjur en kostnaðurinn við jólin er töluverður.
B laðamaður DV þræddi verslanir í leit að verð-miða á jólin fyrir meðal
fjögurra manna fjölskyldu.
Þessi meðalfjölskylda heldur
ágætlega fast utan um budd-
una, passar sig að eyða ekki
of miklu í eitt en spreðar án
þess að hugsa um það í annað.
Meðalfjölskyldan saman-
stendur af tveimur foreldrum
sem eru löngu hættir að njóta
jólanna og tveimur börnum
sem elska jólin af öllu hjarta
því þau þurfa ekki að standa í
öllu veseninu.
Jólagjafir
Það er misjafnt hvað fólk
eyðir í gjafir handa sínum
nánustu, meðalfjölskyldan
okkar tók stöðuna á fólkinu í
kringum sig og náði að útbúa
lista með áætluðum útgjöldum
í gjafirnar. Foreldrarnir gefa
hvort öðru gjöf sem kostar um
það bil 15 þúsund krónur. Þá
gefa foreldrarnir báðum börn-
unum gjafir á svipuðu verði.
Systkini foreldranna, sam-
tals 4, fá gjafir sem kosta
um 7.000 krónur hver. Börn
systkinanna eru 8 talsins og
fá gjafir fyrir um 4.000 krón-
ur. Annað foreldrið gefur for-
eldrum sínum gjöf sem kostar
7.000 krónur en hitt foreldrið
hefur ekki talað við sína for-
eldra í fjögur ár svo þau fá
enga gjöf. Kannski símtal en
ekkert endilega.
Börnin gefa bæði einum
vini sínum gjöf, kostnaður-
inn við þessar tvær gjafir
er samtals 6.000 krónur.
Þá koma jólasveinarnir til
byggða og rukka foreldrana
500 krónur fyrir hverja heim-
sókn. Kertasníkir er aðeins
veglegri og heimtar 3.000
krónur frá foreldrunum.
Þegar allt þetta er tekið
saman eyðir fjölskyldan sam-
tals um 142 þúsund krónum í
jólagjafir.
Jólamaturinn
Meðalfjölskyldan okkar borð-
ar heima hjá sér um jólin.
Hún hefur ákveðið að bjóða
engum gestum, ekki vegna
heimsfaraldursins heldur
einfaldlega því þau nenna því
ekki. Fjölskyldan skellti sér
í Bónus og keypti það sem
þeim fannst vera ómissandi
yfir hátíðirnar. Þau fá sér
hamborgarhrygg á aðfanga-
dag og innbakaða nautalund
á jóladag. Þau kaupa meðlæti
með kjötinu, kartöflur, baunir
og rauðkál, rjóma í sósuna og
síðan kaupa þau eftirrétt, ís-
tertu og konfekt.
Þá kaupa þau líka ýmsa
hluti sem þeim finnst vera
ómissandi yfir hátíðirnar eins
og Mackintosh dollu, malt og
appelsín, piparkökur, jóla-
tertu, laufabrauð, Cocoa Puffs
og gott kaffi í hátíðlegum um-
búðum.
„Það gera þá 28.632 krón-
ur,“ segir starfsmaðurinn og
foreldrarnir draga upp vesk-
ið. Þá muna foreldrarnir að
þau verða líka að fá fullorð-
Hvað kosta jólin á þínu heimili ? MYND/GETTY
Máni Snær
Þorláksson
manisnaer@dv.is
ins-djúsinn sinn til að halda
sönsum um jólin svo þau gera
sér ferð í ríkið. Þar kaupa þau
sér rútu af Tuborg Julebryg,
eina ódýra rauðvínsflösku og
2 dýra jólabjóra til að gera vel
við sig. Fyrir þetta borga þau
7.968 krónur.
Jólafötin
„Þau stækka allt of hratt,“
hugsa foreldrarnir með sér
og bölva kynlífinu sem þau
stunduðu fyrir 9 og 6 árum
síðan. Þau elska börnin sín
heitt, það fer bara í taugarnar
á þeim að þau geti ekki notað
sömu fötin lengur en í eitt
ár. Annað barnið vill vera í
skyrtu og buxum um jólin en
hitt kýs að vera í kjól. Fjöl-
skyldan ákveður að kaupa
jólafötin í Lindex, þar fá þau
fínan kjól á 5.999 krónur en
skyrtan og buxurnar kosta
samtals 7.198.
Jólatréð
Foreldrarnir í fjölskyldunni
hafa sterkar skoðanir á gervi-
jólatrjám. Í stuttu máli má
einfaldlega segja að það kem-
ur ekki til greina að vera ekki
með lifandi jólatré í stofunni.
Ilmurinn af greninu er ómiss-
andi og plássið í geymslunni
fyrir meira drasl sem er notað
einu sinni á ári er ekkert.
Fjölskyldan fer því í leið-
angur sem endar í Garðheim-
um. Eftir að hafa grandskoðað
hvert eitt og einasta tré í búð-
inni komast þau loksins að
niðurstöðu og velja 175 sentí-
metra háan Normannsþin.
Fyrir tréð borga þau 7.350
krónur. Þau versla síðan eina
langa ljósaseríu sem kostar
8.950 krónur því húsmóðirin
henti hinni óvart með trénu í
fyrra í hreingerningaræði.
Heildarkostnaðurinn
Áður en heildarkostnaðurinn
er tekinn saman þarf að gera
ráð fyrir að eitthvað sé að
gleymast. Vantar eina gjöf
fyrir vin barnanna eða eru
birgðirnar af jólapappír síðan
í fyrra að klárast? Kannski
vantar fínni servíettur eða
nýjan hátalara til að hlusta
á jólatónlistina. Fjölskyldan
gerir að minnsta kosti ráð
fyrir því að eitthvað vanti svo
þau setja 15.000 krónur til
hliðar sem getur verið notað í
að redda því sem kemur upp á.
Þegar allt þetta er síðan
tekið saman, gjafirnar, mat-
urinn, fötin, tréð og eitthvað
sem gleymist, er heildar-
kostnaðurinn við jólin í ár
223.097 krónur fyrir meðal-
fjölskylduna okkar. Þetta er
stór biti fyrir foreldrana að
kyngja en þau ná þó að kyngja
honum með dýrari jólabjórn-
um og kreditkortum.
Langstærsti hluti jólakostn-
aðarins snýr að gjöfunum eða
um 64% af heildarkostnaðin-
um. Fjölskyldan gæti því gert
jólin sín mun ódýrari með því
að eyða minni peningum í
gjafir. Annað foreldrið hugsar
að á næsta ári gefi þau eitt-
hvað fallegt og skemmtilegt
sem þau búa til, frekar en að
eyða svona miklum peningum
í eitthvað sem verður hvort eð
er líklegast skilað. n
„Þau stækka allt-
of hratt,“ hugsa
foreldrarnir með
sér og bölva kyn-
lífinu sem þau
stunduðu fyrir 9
og 6 árum síðan.
Sundurliðun
Jólagjafir 142.0000 kr.
Jólamaturinn 36.600 kr.
Jólafötin 13.197 kr.
Jólatréð 16.300 kr.
Annað 15.000 kr.
Heildarkostnaðurinn 223.097 kr.
22 FÓKUS 18. DESEMBER 2020 DV