Dagblaðið Vísir - DV - 18.12.2020, Page 24

24 FÓKUS
JÓLAGJAFIR
TIL MÓTHERJA
Jólin eru hátíð ljóss og friðar sem þýðir
að þeir sem að jafnaði eru mótherjar
geta slíðrað sverðin um stund og tekist í
hendur. DV leitaði til nokkurra aðila sem
að jafnaði teljast mótherjar – eða sem DV
gat ímyndað sér að væru mótherjar og
spurði þá hvað þeir gætu hugsað sér að
gefa mótherja sínum í jólagjöf.
18. DESEMBER 2020 DV
BÆJARSTJÓRARNIR
LÖGREGLUÞJÓNARNIR
BÍÓ-ARNIR
Löngum hefur sú saga gengið manna á milli að það andi
köldu á milli sveitarfélaganna Árborgar og Ölfuss. Því hafði
DV samband við bæjarstjórana. Elliði Vignisson, bæjarstjóri
Ölfuss, hrakti þó flökkusöguna og sagði sveitarfélögin mikla
samherja.
Þó svo að Víðir Reynisson og Rögnvaldur Ólafsson hjá al-
mannavarnadeild ríkislögreglustjóra séu nú álitnir samherjar
þá vissi DV betur. Rögnvaldur væri örugglega að reyna að
steypa Víði af stóli og taka stöðu hans í þríeykinu.
Hrönn Sveinsdóttir, framkvæmda-
stjóri Bíó Paradísar, og Árni Samú-
elsson, forstjóri Sambíóanna, eru í
samkeppni þó svo að framboð kvik-
myndahúsanna sé ólíkt.
ELLIÐI VIGNISSON,
BÆJARSTJÓRI ÖLFUSS
„Ef ég ætti að gefa Gísla Hall-
dóri vini mínum jólagjöf þá myndi
ég kaupa handa honum ævisögu
Einars Ben. sem lauk sínu magn-
aða lífi, saddur lífdaga, í Herdísar-
vík hér í Ölfusi.Ég myndi síðan fá
sameiginlegan vin okkar, Gunnar
Egilsson oddvita minnihlutans
í Árborg, til að fara í jólasveina-
búning og færa Gísla gjöfina. Við
það tækifæri myndi hann leiklesa
ljóðið „Brim“ með þeim hætti sem
hann einn getur.“
RÖGNVALDUR ÓLAFSSON
„Ég gæfi honum líklega „kósí-
galla“, gott teppi og góðan kakó-
bolla svo hann geti vanist því enn
betur að horfa á mig í sjónvarpinu
á upplýsingafundum almanna-
varnadeildar ríkislögreglustjóra
og Embættis landlæknis, með
Þórólfi og Ölmu.”
HRÖNN SVEINSDÓTTIR
„Ég myndi vilja sjá til þess að Árni
vinur minn hefði það örugglega
toppnæs yfir hátíðarnar og myndi
því gefa honum fótanuddtæki sem
er líka hægt að poppa í, allt Bad
Boys safnið eins og það leggur sig
á Blu-ray og kippu af pepsí max.”
GÍSLI HALLDÓR HALLDÓRSSON,
BÆJARSTJÓRI ÁRBORGAR
„Helst af öllu vildi ég gefa honum
eins og tvo milljarða í uppbygg-
ingu hafnarmannvirkja í Þorláks-
höfn til að skapa höfninni þann
sess sem henni ber, sem inn- og
útflutningshöfn og þannig að
betur megi taka á móti farþega-
skipum.”
VÍÐIR REYNISSON
„Ég myndi gefa honum flíspeysu
því hann á bara stutterma löggu-
skyrtur og það er svo kalt í fjöl-
miðlaaðstöðunni. Síðan myndi ég
bæta við fallegri húfu því hárið
gæti farið að þynnast við allar
hárreytingarnar af álagi.”
ÁRNI SAMÚELSSON
Ekki fengust svör frá Árna áður
en blaðið fór í prent. En reikna
má fastlega með að Árni geri vel
við Hrönn og færi henni gjafabréf
fyrir tvo í V.I.P salinn í Álfabakka
og stóran popp.
MYND/ÁRBORG MYND/ERNIR
MYND/ALMANNAVARNIR
MYND/ÖLFUS MYND/DV
MYND/VILHELM