Víkurfréttir - 29.07.2020, Page 36

Makríllinn kíkti við í Keflavík

Makríllinn mætti í sína fyrstu heimsókn sumarsins til Keflavíkur og fyrstu
fiskarnir komu á land þriðjudaginn 21. júlí. Veiðimenn á bryggjunni voru
fljótir að taka við sér og fyrsti báturinn sem kom með smá afla að landi var
Votabergið úr Keflavík.
Votabergið fór í prufutúr seinni
partinn þann dag og fékk ágætan
slatta af makríl við ströndina í
Helguvík. Þegar þetta er skrifað í
lok júlí hefur ekkert gerst í mak-
rílgöngu. Sjómenn á Votaberginu
segja að þetta hafi bara verið smá
innlit hjá makrílnum því ekkert
hefur veiðst síðan. Makrílveiðar
gengu ekki mjög vel síðustu tvö
árin en mjög vel árin á undan.
Óvissa er með makrílveiðar í
sumar.
Það myndast oft mikill fjöldi
veiðimanna með stangir í Kefla-
víkurhöfn og þegar Víkurfréttir litu
þar við voru nokkrir með stöngina
úti og nokkrir fiskar komu á land.
Beitan var misjöfn, allt frá bleikum
gúmmíspúnum yfir í eitthvað
fiskmeti. Þetta er mjög vinsælt
sport hjá mörgum inflytjendum á
svæðinu en einnig eru þó heima-
menn innan um en þeir eru ekki
eins duglegir að borða makrílinn.
Þessi ungi peyi náði
nokkrum fiskum á land.
Páll Ketilsson
pket@vf.is
Smelltu á myndskeiðið til að horfa og hlusta
36 // víkurFrÉttir á SuðurNESjuM í 40 ár
Miðvikudagur 29. júlí 2020 // 29. tbl. // 41. árg.