Víkurfréttir - 29.07.2020, Page 57

„Þrátt fyrir allt sem gengið hefur á undanfarna mánuði hefur sumarið
leikið mig vel. Ég hef notið þess að sóla mig á pallinum heima, reitt arfa úr
tveimur af þremur blómabeðum (bið nágranna minn hér með afsökunar á
því að vera ekki búin með allt), lagað til í skápum og notið þess að ferðast
innanlands,“ segir Berglind Kristinsdóttir, framkvæmdastjóri Sambands
sveitarfélaga á Suðurnesjum, SSS.
„Við hjónin fórum m.a. yfir Kjöl í júní í tuttugu stiga hita og upplifðum ansi
stóran jarðskjálfta þegar við vorum stödd á Akureyri. Skjálftinn sá var nú
samt aðeins minni en þessi sem við fundum fyrir á Reykjanesi nú í júlí. Ég
hef líka verið duglegri núna en oft áður að gista á hótelum innanlands, notið
frábærrar þjónustu og enn betri matar.“
– Hvaða staðir á Íslandi hafa
heillað þig?
„Ég ætla að reyna að halda mig
við stuttu útgáfuna en á Íslandi
eru margir staðir sem hafa heillað
mig. Fyrst ber að nefna Lamba-
fellsgjá, eða Lambafellsklofa, í
nágrenni Keilis, svo finnst mér
litirnir við Seltún ægifagrir. Mér
finnst nágrenni Reykjanesvita
mjög heillandi og hef afar gaman
að skella mér í göngutúr þar. Ef ég
færi mig aðeins út fyrir Reykja-
nesskagann þá er Ásbyrgi ævin-
týralegur staður og Hallormstaða-
skógur er dásemdin ein.“
– Hvað ætlar þú að gera um
verslunarmannahelgina?
„Það fer nú svolítið eftir veðrinu
en við ætlum alla vega eina nótt
upp í bústað til tengdaforeldra
minna.“
– Hver er eftirminnilegasta
verslunarmannahelgin þín?
„Ef ég ætti að velja bara eina
þá er það sennilega þegar ég kom
fyrst í Atlavík sem barn um Versl-
unarmannahelgi. Það var mikil
upplifun að gista í skógi, mæta á
brennu og sulla í Lagarfljótinu.“
– Hvað finnst þér mikilvægt
að hafa um verslunarmanna-
helgina?
„Mikilvægast að öllu er að hafa
góðan félagsskap, þá helst í formi
fjölskyldunnar! Til að fullkomna
góða verslunarmannahelgi þá
skemmir ekki fyrir að hafa sól, of-
næmislyf, gott á grillið og bland í
poka.“
Berglind
Kristinsdóttir
hefur heimsótt
Ísland, gist á
hótelum og notið
góðs matar og
þjónustu í sumar.
Stemmning heima
í sumarfíling.
Gunnuhver á
Reykjanesi.
Með Georg
bónda sínum í
sólgleraugna-selfí.
Miðvikudagur 29. júlí 2020 // 29. tbl. // 41. árg.
víkurFrÉttir á SuðurNESjuM í 40 ár // 57