Skessuhorn - 15.01.2020, Blaðsíða 6

MIÐVIKUDAGUR 15. JAnúAR 20206
Kanna hug til sölu
ljósleiðarans
HVALFJ.SV: Á fundi sveitar-
stjórnar Hvalfjarðarsveitar 13.
janúar sl. var samþykkt erindi
þar sem tilkynnt er um fyrirhug-
aða undirskriftasöfnun í Hval-
fjarðarsveit þar sem óskað verði
eftir almennri atkvæðagreiðslu
vegna ákvörðunar sveitarstjórn-
ar um sölu ljósleiðarakerfis í eigu
Hvalfjarðarsveitar. Samþykkt var
á fundinum að undirskriftasöfn-
un skuli hefjast 27. janúar nk.
og verða lokið 24. febrúar nk.
Sveitarstjóra var falið að tilkynna
ábyrgðaraðilum og Þjóðskrá Ís-
lands um niðurstöðuna. -mm
Haldið til
loðnuleitar
MIÐIN: Hafrannsóknarstofn-
un mun greiða útgerðum sem
leggja stofnuninni lið við loðnu-
leit helming þess kostnaðar sem
af úthaldinu hlýst, samtals um
30 milljónir króna. útgerðirn-
ar munu leggja tvö skip til við
loðnuleitina, sem munu leita
ásamt rannsóknarskipi Hafró.
Það er mikilvægt til að hámarka
líkur á að loðna finnist. Rann-
sóknarskipið Árni Friðriksson
hélt til loðnumælinga á mánudag-
inn. Tvö eða þrjú skip útgerðar-
fyrirtækja fara til móts við hann.
Samkvæmt fréttum Stöðvar2 á
mánudaginn verður það Hákon
EA, grænlenska skipið Polar Am-
aroq og fjórða skipið gæti orðið
Bjarni Ólafsson AK, sem nú er á
Seyðisfirði. -mm
Samið um tjald­
svæðisrekstur
REYKHÓLAHR: Á desember-
fundi sveitarstjórnar Reykhóla-
hrepps voru lögð fram tvö tilboð
sem bárust í rekstur tjaldsvæðis-
ins á Reykhólum. Hæsta tilboð-
ið kom frá Jóni Kjartanssyni,
en það hljóðaði upp á 355.500
kr. Landamerki buðu 100 þús.
krónur. Var sveitarstjóra falið að
ganga til samninga við hæstbjóð-
anda um reksturinn. -kgk
Um sextíu
kílóa afurðir
BORGARFJ: Síðastliðið vor
bar ær í eigu Ásdísar Sigurð-
ardóttir, bónda í Brúsholti í
Flókadal, þremur lömbum, sem
í sjálfu sér er algengt í dag. Öll
lömbin gengu undir í sumar
og var tveimur þeirra slátrað í
haust. Fallþungi þeirra reyndist
20,6 kíló og 19 kíló. Ein gimbr-
in var valin til lífs. Alls hefði
fallþungi lambanna því verið
um sextíu kíló sem telst í meira
lagi eftir eina á. -mm
Frístundastyrkur
nýtist einnig
annars staðar
BORGARBYGGÐ: Sveitar-
stjórn Borgarbyggðar samþykkti
á fundi sínum á föstudaginn til-
lögu fræðslunefndar um breyt-
ingar á fyrirkomulagi frístunda-
styrkja. Annars vegar snýst það
um að frístundastyrkinn verð-
ur nú hægt að nýta í frístunda-
starf í öðrum sveitarfélögum
en Borgarbyggð, en margir æfa
íþróttir t.d. á Akranesi og vilja
nýta styrkinn við æfingar þar.
Hins vegar var sú breyting gerð
að frístundastyrkurinn er skil-
greindur sem ein upphæð sem
hægt að að nýta hvenær sem er
á árinu en deilist ekki á vorönn
og haustönn. -mm
Ferðamenn aftur
niður fyrir tvær
milljónir
LANDIÐ: Erlendum ferða-
mönnum hingað til lands fækk-
aði á síðasta ári samkvæmt taln-
ingu Ferðamálastofu. Voru þeir
innan við tvær milljónir tals-
ins, en það er í fyrsta skipti síð-
an 2016 sem þeir fara niður fyr-
ir þá tölu og í fyrsta skipti á níu
árum sem fækkun mælist. Mestu
munar um fækkun bandarískra
ferðamanna og þá hefur gjald-
þrot WOW teljandi áhrif. Sem
fyrr komu flestir til landsins
í júlí og ágúst. Það voru einu
mánuðir síðasta árs þar sem
erlendu ferðamennirnir voru
fleiri en 200 þúsund. Árið áður
rufu fjórir mánuðir 200 þúsund
ferðamanna markið, frá júní til
september, og október var hárs-
breidd frá því. Ferðamönnum
fækkaði mest hlutfallslega í maí
(23,6 prósent) og í september
(20,7 prósent) en minnst í mars
(1,7 prósent). -mm
Fleiri dýralæknar
á bakvakt
NORÐURL.V: Dýralækn-
um á bakvakt á norðurlandi
vestra hefur nú verið fjölgað um
óákveðinn tíma úr einum í tvo.
Þetta er ákvörðun dýravernd-
unarsviðs Matvælastofnunar og
er til komið vegna reynslu und-
anfarinna vikna um að vakt-
svæðið er of víðfeðmt og illfært
á veturna til að einn dýralæknir
geti sinnt öllum útköllum, eink-
um þegar illa viðrar. Tilefnið
var gul viðvörun vegna óveðurs
í síðustu viku. Landinu er skipt
í vaktsvæði til að veita dýraeig-
endum aðgang að dýralæknum
utan hefðbundins vinnutíma.
Bakvaktirnar eru eingöngu fyr-
ir neyðartilfelli sem koma upp
og þola ekki bið. Vaktsvæðin og
fjöldi dýralækna eru skilgreind
í lögum um dýralækna og heil-
brigðisþjónustu við dýr. -mm
Undir kvöld síðastliðinn laugardag
var óskað eftir aðstoð björgunar-
sveita vegna konu sem var í sjálf-
heldu ofarlega í Vífilsfelli, sem er
nálægt þjóðveginum við Sandskeið.
Konan var ein á ferð og óslösuð. Í
fjallinu var snjór og svellbunkar inn
á milli og því þurfti að fara að öllu
með gát. Óskað var eftir björgun-
arsveitarfólki sem er sérþjálfað í
björgun í fjalllendi. Mikil áhersla
var lögð á að tryggja öryggi björg-
unarmanna sem héldu á fjallið laust
fyrir klukkan sjö um kvöldið og eins
konunar þegar henni var bjargað úr
sjálfheldunni. Aðgerðir tókust með
ágætum og komust allir óslasaðir af
fjallinu.
mm/ Ljósm. Landsbjörg.
„Landssamband veiðifélaga mót-
mælir harðlega þeirri fyrirætlan
sjávarútvegs- og landbúnaðarráð-
herra að fella brott ákvæði gildandi
fiskeldisreglugerðar um bann við
sjókvíaeldi á friðunarsvæði við ósa
laxveiðiáa. Ráðherra hefur haldið
því fram að lögfesting áhættumats
erfðablöndunar tryggi vernd laxa-
stofna með sama hætti og reglu-
gerðarákvæðið hefur gert allt frá því
það var sett árið 1988. Það er fyrir-
sláttur,“ segir í bókun stjórnar sam-
bandsins. „Það er augljóst að með
þessari breytingu er ráðherra að
tryggja að ekkert fái stöðvað áform
um laxeldi á gildandi friðunarsvæði
Langadalsár og Hvannadalsár í Ísa-
fjarðardjúpi. Þá opnar þessi breyt-
ing á eldi í næsta nágrenni við árn-
ar i Eyjafirði, svo sem Fnjóská þar
sem þessi fjarlægðarmörk skipta
miklu máli.“
Stjórn landssambandsins bendir
á að hafa verði í huga að áhættu-
mat erfðablöndunar taki að lögum
einvörðungu til mögulegrar erfða-
mengunar af völdum laxeldis. „Aðr-
ir áhættuþættir svo sem sjúkdóma-
hætta og laxalús eru ekki þættir sem
meta á í áhættumati erfðablönd-
unar samkvæmt lögum um fiskeldi.
Vert er að benda á að samkomulag
um fyrirkomulag áhættumatsins var
svikið með því að lögfesta að taka
ætti tillit til mótvægisaðgerða fisk-
eldisfyrirtækjanna en ekki áhrifa af
lús og sjúkdómum. Varðandi þessa
þætti skiptir fjarlægðarverndin
öllu máli. Landssambandið undr-
ast því ummæli sviðsstjóra fiskeld-
is hjá Hafrannsóknarstofnun um að
áhættumatið taki á þessum þáttum.
Landssambandið telur nauðsynlegt
að núverandi regla um bann við
sjókvíaeldi á friðunarsvæðum í ná-
munda við laxveiðiár verði áfram í
nýrri reglugerð um fiskeldi. Það er
augljóst að með þessari breytingu
er ráðherra að veikja varnir þeirra
laxastofna sem friðunarákvæðin
taka nú til í reglugerð og eru yfir-
lýsingar hans um að ekki sé verið
að gefa afslátt af kröfunni um vörn
fyrir villta laxastofna á Íslandi því
fráleitar,“ segir að endingu í bókun
stjórnar LV.
mm
Bjargað úr sjálfheldu
Mótmæla breytingum um
fjarlægðarmörk sjókvíaeldis