Skessuhorn - 15.01.2020, Blaðsíða 12

MIÐVIKUDAGUR 15. JAnúAR 202012
Ráðgjafarmiðstöð landbúnaðarins
heldur meðal annars um skýrslu-
hald í kúabúskap. Í nýlegri frétt
RML er fjallað um hinn aldna
kostagrip Jönu 432 á Ölkeldu 2 í
Staðarsveit á Snæfellsnesi. Kýrin
Jana hefur nú bæst í hóp þeirra af-
reksgripa sem rofið hafa 100 tonna
múrinn í æviafurðum. Um nýliðin
áramót hafði hún mjólkað 100.449
kg mjólkur yfir ævina. Jana er fædd
8. mars 2005, dóttir Stígs 97010 og
Pílu 437 Kaðalsdóttur 94017. Kýr-
in bar sínum fyrsta kálfi 18. septem-
ber 2007 og hefur borið níu sinnum
síðan þá, síðast 28. desember 2017.
Mestum afurðum á einu ári náði
hún árið 2013 þegar hún mjólkaði
10.372 kg en Jana náði einnig árs-
afurðum upp á meira en 10 þús. kg
árið 2018. „Mestu mjólkurskeiðs-
afurðir hennar eru á yfirstandandi
mjólkurskeiði sem er æði langt,
spannar orðið tvö ár. Hún er nú
komin í 15.694 kg frá síðasta burði.
Illa hefur gengið að koma kálfi í
Jönu eftir síðasta burð en hún var
síðast sædd 11. nóvember sl. og
gæti því verið fengin,“ segir í frétt
RML um Jönu á Ölkeldu.
Afkomendur Jönu eru nú fjöl-
margir víða um land en hún skilaði
bola á nautastöð BÍ sem fór í dreif-
ingu sem reynt naut. Þar var Öllara
11066 undan Ófeigi 02016. „Eðli-
lega hefur tímans tönn sett mark
sitt á Jönu enda fáar kýr sem bæði
ná þessum aldri og afurðum. Það
að kýr nái 15 vetra aldri í dag er að
verða afar fátítt og hvað þá að þær
skili slíkum afurðum. Það verð-
ur þó seint sagt annað en að Stíg-
ur 97010 hefur skilað fjölmörgum
endingargóðum kúm. Það er full
ástæða til að óska ábúendum á Öl-
keldu 2 til hamingju með þessa far-
sælu og endingargóðu kú sem Jana
hefur reynst vera,“ segir að endingu
í frétt RML.
Hefur ekki fyrirgefið
honum ennþá
„Hún Jana mín ber aldurinn vel,
hefur fótavist alla daga og not-
ar reynslu sína af nær 15 ára veru
sinni i fjósinu af mikilli snilld og
fagmennsku,“ segir Kristján Þórð-
arson, bóndi á Ölkeldu 2 og er hon-
um hlýtt til Jönu. „Hraustari skepnu
hef ég ekki kynnst á minni starfsæfi,
aldrei fengið súrdoða né doða, allt-
af klárað sinn dagskammt af fóðri
og aðeins einu sinni verið stungin
með nál. Það var fyrir síðasta burð
þegar ég setti í hana eitt kalkglas,
svona til öryggis! Hún hefur ekki
fyrirgefið mér það ennþá. En nú er
illt í efni, ekki hefur tekist að koma
í hana kálfi þrátt fyrir að hún sýni
annað slagið skýr merki um það að
hún sé til í að minnsta einn burð
enn, en kannski reyni ég einu sinni
enn,“ segir Kristján og bætir við að
undan Jöna hafa fæðst þrjár kvígur
en hafa þær því miður ekki komist
með klaufendann þar sem móðirin
hefur hælana í almennum gæðum.
„Síðasta afkvæmi Jönu, hann Ja-
nus, stendur nú bakvaktina í kvígu-
hópnum í Ölkeldufjósinu og hafa
nú þegar fæðst kálfar undan hon-
um. Ég tel sjálfum mér trú um að ef
einhvern tímann sé afsakanlegt að
nota heimanaut, sé það í þessu til-
felli,“ segir Kristján bóndi. mm
Jóhanna María Sigmundsdótt-
ir hefur tekið til starfa hjá sveitar-
félaginu Dalabyggð en hún hef-
ur verið ráðin í starf verkefnastjóra
atvinnu-, markaðs- og ferðamála.
Um er að ræða starf sem er hluti af
nýrri stefnu Dalabyggðar um að efla
markaðsmál, styrkja ímynd sveitar-
félagsins og gera það sýnilegri. Jó-
hanna María kemur til Dalabyggð-
ar frá því að vera framkvæmdastjóri
Landssambands kúabænda auk þess
að starfa sem bóndi. Hún ákvað að
snúa sér alfarið að öðru og koma sér
fyrir á nýjum vettvangi en Jóhanna
María er um þessar mundir að flytj-
ast búferlum í Dalina. „Fyrstu verk-
efnin mín í þessu starfi eru með-
al annars í tengslum við undirbún-
ing opnunar Vínlandssetursins sem
er verið að koma á fót hér í Búðar-
dal. Það er mjög metnaðarfullt og
flott verkefni sem við stefnum á að
opna á sumardaginn fyrsta,“ segir
Jóhanna María í samtali við Skessu-
horn. „Ég byrja í raun bara á fullu
en fer núna í vikunni á Mannamót
markaðsstofa landshlutanna sem
fulltrúi Dalabyggðar. Þar ætla ég að
kynna Vínlandssetrið og Dalina.“
Jóhanna María er Vestfirðingur.
Hún er búfræðingur að mennt auk
þess sem hún hefur lokið BA gráðu
í miðlun og almannatengslum frá
Háskólanum á Bifröst. Hún hefur
komið víða við og sat meðal annars
á Alþingi fyrir Framsóknarflokk-
inn á árunum 2013-2016. Það má
því segja að hún hafi farið um víðan
völl, bæði í eigin rekstri og ýmsum
öðrum verkefnum svo sem kennslu
í framkomu og ræðumennsku. „Ég
ákvað að sækja um þetta starf því
mér þótti það áhugavert og henta
mér vel. Mér þykir mjög jákvætt
þegar byggðir úti á landi fara í
markvissa uppbyggingu og Dala-
byggð á margt inni í þeim efnum
og ég hlakka til að vinna í því,“ seg-
ir Jóhanna María.
arg
Fyrirhugaðri matarveislu og
skemmtilkvöldi Karlakórsins Söng-
bræðra, sem vera átti í félagsheim-
ilinu Þinghamri síðastliði laugar-
dagskvöld, var frestað vegna veð-
urs og færðar. Að sögn Sigurgeirs
Þórðarsonar, stjórnarmanns í kórn-
um, er ný dagsetning ákveðin laug-
ardaginn 29. febrúar, á sama stað
og tíma, þ.e. í Þinghamri klukkan
20. Sem fyrr verður í boði hrossa-
kjöt og svið frá Fjallalambi, söngur
og gamanmál. Áhugasamir mat- og
söngdýrkendur taki því frá hlaup-
ársdagskvöld.
mm
Jóhanna María er nýr
verkefnastjóri hjá Dalabyggð
Jóhanna María er verkefnastjóri atvinnu-, markaðs- og ferðamála hjá Dalabyggð. Ljósm. aðsend.
Söngbræður frestuðu ár­
legri matar­ og sönghátíð
Nýtt lógó Ölkeldubúsins er hannað af Margrétu Elfu Ólafsdóttur, sem bjó um tíma
í Öxl, en nú á Arnarstapa. Engin önnur en Jana prýðir merkið.
Jana á Ölkeldu hefur skilað yfir hundrað þúsund lítrum
Prýðir nú nýtt lógó Ölkeldubúsins
Jana 432. Ljósm. KÞ.