Skessuhorn - 15.01.2020, Blaðsíða 15

MIÐVIKUDAGUR 15. JAnúAR 2020 15
Vörubifreið út af
BORGARBYGGÐ: Vöru-
flutningabifreið með tengi-
vagn var ekið út af við Sveina-
tungu í norðurárdal aðfararnótt
föstudags. Bíllinn og tengivagn-
inn var þar allur utan vegarins.
Engin slys urðu á fólki og engar
skemmdir sem vitað er um. Lög-
regla kom að bíl utan vegar við
Hafnarfjall aðfararnótt fimmtu-
dags. Af skriðförum að dæma
hefur ökumaður misst bílinn út
af veginum. Enginn var á staðn-
um og haft var samband við eig-
anda, sem kvaðst ætla að reyna
að koma bílnum upp á veg þegar
veðrið lagaðist. -kgk
Þakplötur að fjúka
VESTURLAND: Lögregla var
kölluð að íbúðarhúsi við Þor-
steinsgötu í Borgarnesi að kvöldi
þriðjudagsins í síðustu viku. Þar
hafði illa verið gengið frá stæði
af þakplötum við innkeyrslu að
húsi og þær farnar að fjúka. Var
brugðið á það ráð að fergja þær
með steinum. Hálftíma síðar
fór lögregla ásamt liðsmönnum
Björgunarfélags Akraness að húsi
við Akurgerði þar sem þak var
að fjúka og á miðvikudagskvöld
þurfti að bregðast við þakplötum
að fjúka á Hellisbraut á Hellis-
sandi. -kgk
Lögreglubíll
fauk út af
GRUNDARFJ: Tvær bifreiðar
sátu fastar á miðri Kolgrafafjarð-
arbrú um kaffileytið á föstudag.
Kallað var eftir aðstoð Björgun-
arsveitarinnar Klakks og bæði
hún og lögregla fluttu fólk af
vettvangi. Á leiðinni fauk lög-
reglubifreiðin út af veginum og
festist. Vegfarendur á jeppa náðu
að aðstoða lögreglu og losa bíl-
inn. Aðeins 300 metrum vestar
kom lögregla að húsbíl sem hafði
ekið út af og fests þar. Ökumaður
hafði samband við bílaleiguna og
fólkið afþakkaði aðstoð. Aðeins
100 metrum lengra voru björg-
unarsveitarmenn að reyna að losa
pallbíl sem hafði farið út af vegin-
um. Það var því í nógu að snúast
þennan dag vegna veðurs, eins og
reyndar fleiri daga í síðustu viku.
Föst með
ungabarn
EYJA­ OG MIKL: Beiðni barst
um aðstoð frá fólki sem hafði fest
bíl sinn á Snæfellsnesvegi skammt
austan við Vegamót á föstudag-
inn. Fólkið var á jeppa en hafði
engu að síður fest sig og ákvað
að kalla eftir aðstoð þar sem þau
voru með dagsgamalt ungbarn í
bílnum. Björgunarsveit var ræst
út og kom fólkinu til hjálpar.
-kgk
Árekstur í blindbyl
BORGARBYGGÐ: Árekst-
ur þriggja bifreiða varð á Holta-
vörðuheiði laust eftir kl. 15 á
föstudag, þar sem bílstjóri drátt-
arbifreiðar lenti í árekstri við
aðra. Kyrrstæð vörubifreið þver-
aði akbrautina. Mjög blint var
á staðnum þegar óhappið varð.
Ökumaður sá kyrrstæðan bíl,
reyndi að hemla en hafði ekki er-
indi sem erfiði og lenti á tveimur
öðrum bifreiðum. -kgk
Rétt fyrir jól var garnaveiki stað-
fest í kind á bænum Reykjum í
Húnavatnshreppi. Garnaveiki hef-
ur greinst í sauðfé á tveimur öðr-
um bæjum í Húna- og Skagahólfi
síðastliðin tíu ár. Garnaveiki er
ólæknandi smitsjúkdómur í jórt-
urdýrum, en með bólusetningu er
hægt að verja sauðfé og geitur fyr-
ir sjúkdómnum og halda smitálagi í
lágmarki. Á bæjum sem garnaveiki
greinist á gilda ýmsar takmarkanir
sem lúta að því að hindra smitdreif-
ingu, segir í tilkynningu frá Mat-
vælastofnun. Tilfellið uppgötvaðist
eftir að bóndi, í samráði við dýra-
lækni, lét héraðsdýralækni Mat-
vælastofnunar vita. Kindin, sem
var rúmlega fimm vetra, sýndi ein-
kenni sjúkdómsins og var aflífuð.
Sýni voru tekin og send til grein-
ingar á Tilraunastöð HÍ í meina-
fræði að Keldum. Þau reyndust já-
kvæð m.t.t. garnaveiki. Einnig voru
sýni tekin til rannsóknar á riðuveiki
en þau voru neikvæð. mm
Björgunarsveitir landshlutans
höfðu í nógu að snúast um miðja
síðustu viku og reyndar seinna í vik-
unni líka, þó víðast hvar hafi verið
mest að gera á þriðjudag og mið-
vikudag. Færð spilltist víða á veg-
um í síðustu viku og í byrjun þess-
arar vegna veðurs og lentu vegfar-
endur víða í vandræðum á ferð um
landshlutann.
Bátur losnaði
frá bryggju
Björgunarsveitin Berserkir var köll-
uð til þegar smábátur losnaði frá
bryggju í Stykkishólmshöfn síðast-
liðinn miðvikudagsmorgun í vest-
an óveðri sem þá gekk yfir land-
ið. Landfestar bátsins slitnuðu um
hálf átta leytið og stóð útkallið yfir í
meira en klukkustund. Vonskuveð-
ur var í Hólminum þegar óhapp-
ið varð. „Það var leiðinda vest-
an þræsingur, en útkallið gekk vel.
Auðvitað tekur svona lagað tíma en
þetta gekk bara fínt og ekkert tjón
hlaust af,“ segir Einar Þór Strand,
formaður Berserkja, í samtali við
Skessuhorn.
Ófært á Snæfellsnesi
Einar er jafnframt formaður svæð-
isstjórnar Slysavarnafélagsins
Landsbjargar á svæði fimm. Hann
segir björgunarsveitir á Vestur-
landi hafa tekist á við ýmis verk-
efni frá því veður tók að versna á
þriðjudagskvöldið. „núna upp úr
klukkan tíu [á miðvikudagsmorg-
un, innsk. blm.] fóru Berserkir að
athuga með tré sem hafði losnað
frá rótum í Stykkishólmi og ég veit
að aðrar sveitir hafa haft nóg að
gera líka í hinum og þessum verk-
efnum. Aðstoða þurfti ökumenn
sem lentu í vandræðum í Búlands-
höfðanum í nótt og þá lenti öku-
maður í vandræðum á Skógar-
strönd. Álftarfjörðurinn er alveg
lokaður og fóru Dalamenn í það
verkefni og síðan á Laxárdalsheið-
ina líka,“ segir hann.
Það voru björgunarsveitarmenn
í Lífsbjörgu í Snæfellsbæ og Klakki
í Grundarfirði sem aðstoðuðu veg-
farendur í Búlandshöfða. Þurfti að
skilja einhverja bíla eftir og koma
fólkinu til síns heima, að því er
fram kemur á Facebook-síðu Lífs-
bjargar. Stórhríð var á svæðinu og
vegurinn ófær.
Félagar í Björgunarsveitinni
Ósk í Dölum máttu berjast lengi
við veðrið á leið sinni í Álftar-
fjörðinn, en þeir fóru á vettvang
þar sem ófært var úr Stykkishólmi
og dráttarbíll komst ekki á stað-
inn, skv. upplýsingum frá lögreglu.
Barst þeim útkallið rétt fyrir klukk-
an 1:00 aðfaranótt miðvikudags og
aðgerðinni lauk ekki fyrr en upp úr
kl. 5:00. „Sex menn fóru á tveim-
ur bílum og sóttist ferðin afar hægt
í þungu færi. Þegar á staðinn var
komið var bíllinn spilaður upp á
veg og fólkið tekið í bíl björgun-
arsveitarinnar og farið með það í
Búðardal,“ segir á Facebook-síðu
Óskar.
Einar segir að veðrið hafi ver-
ið slæmt, hvassviðri og snjór víð-
ast hvar á Snæfellsnesinu á þriðju-
dagskvöld og fram á miðvikudag.
„Það snjóaði fullt í gær, þriðjudag,
og síðan fór að blása og þá varð
ófært eins og skot,“ segir Einar,
en klukkan ellefu á miðvikudags-
morgun þegar Skessuhorn ræddi
við Einar voru nánast allar leiðir á
Snæfellsnesi ófærar.
Kallaðir á Langjökul
en snúið við
Félagar í Björgunarfélagi Akra-
ness og Björgunarsveitinni Oki í
Borgarfirði voru sendir af stað á
Langjökul aðfararnótt miðviku-
dags, í leit að ferðafólki sem lenti
í hrakningum í vélsleðaferð á jökl-
inum. Þegar séð var að hægt væri
að komast að fólkinu hinum megin
frá var þeim þó snúið við. Fjallað
er um þá björgun í annarri frétt í
blaðinu.
Snemma á miðvikudagsmorg-
un fóru síðan félagar í Lífsbjörgu
í útkall vegna veikinda á sunnan-
verðu Snæfellsnesi. Tveir björgun-
arsveitarmenn fóru ásamt tveimur
sjúkraflutningamönnum á Ford
Excursion bíl björgunarsveitarinn-
ar suður fyrir jökul. Hríðarbylur
var og vegurinn illfær. „Vel gekk
að sinna sjúklingi og flytja undir
læknishendur,“ segir á Facebook-
síðu Lífsbjargar.
kgk
Veðrið hefur sett mikinn svip á
verkefni Lögreglunnar á Vestur-
landi undanfarna viku. Fjölmargir
þurftu á aðstoð viðbragðsaðila að
halda vegna slæmrar færðar, veg-
um var lokað eða þeir urðu ófær-
ir. Þá urðu einhver umferðaróhöpp
sem rekja má til veðurs og nokkur
dæmi um að fólk hafi slasað sig í
hálkunni. En þrátt fyrir slæm akrst-
ursskilyrði, bæði innanbæjar og úti
á þjóðveginum, voru allt of margir
sem óku of hratt, að sögn lögreglu.
Sér lögregla það bæði af umferðar-
eftirlitinu og á þeim fjölmörgu mál-
um sem koma inn í gegnum hraða-
myndavélar í umdæminu.
Ökumaður var stöðvaður á Borg-
arbraut í Borgarnesi á sunnudag,
þar sem hann ók á 47 km/klst. þar
sem leyfilegur hámarkshraði er
30 km/klst. Á hann yfir höfði sér
20 þúsund króna sekt. Á miðviku-
dag kl. 14:00 var ökumaður stöðv-
aður á 116 km/klst. á Vesturlands-
vegi við Geldingaá. Maðurinn neit-
aði sök og verið er að vinna í mál-
inu, að sögn lögreglu. Þá var fjöldi
ökumanna kærður fyrir of hraðan
akstur í gegnum myndavélabíl lög-
reglu undanfarna viku, eins og seg-
ir í annarri frétt hér í blaðinu. Seg-
ir lögregla ástæðu til að ítreka við
ökumenn að akstur verði alltaf að
miða við aðstæður.
kgk
Lítið skyggni var víða á vegum og götum. Þessi mynd var tekin í kófinu á Akranesi
í síðustu viku.
Vont veður áberandi í vikunni sem leið
Næg verkefni björgunarsveita
Félagar í Björgunarsveitinni Berserkjum voru kallaðir til þegar bátur losnaði frá bryggju í Stykkishólmshöfn á miðvikudags-
morgun. Ljósm. sá.
Garnaveiki greindist í Húnavatnshreppi