Skessuhorn - 26.02.2020, Blaðsíða 10

MIÐVIKUDAGUR 26. FEBRúAR 202010
Föstudaginn 14. febrúar síðast-
liðinn gekk Verkalýðsfélag Akra-
ness frá lánagreiðslum til 35 fyrr-
um starfsmanna Ísfisks. Nema lán-
in samtals tæpum tíu milljónum
króna.
Fólkið hafði ekki fengið greidd
laun, né uppsagnarfrest sinn, frá því
í september á síðasta ári. Þegar Ís-
fiskur var tekinn til gjaldþrotaskipta
nú fyrir skemmstu varð endanlega
ljóst að vangoldin laun fengjust
ekki greidd frá fyrirtækinu. „Marg-
ir starfsmenn hafa eðlilega lent í
miklum hremmingum vegna þessa
eins og alltaf gerist þegar fyrirtæki
verða gjaldþrota,“ segir á heimasíðu
VLFA. Í ljósi þessa ákvað stjórn
verkalýðsfélagsins að lána öllum
starfsmönnum Ísfisks sem vildu 250
þúsund króna lán með veði í kröfu á
Ábyrgðasjóð launa. Stór hluti fyrr-
um starfsmanna fyrirtækisins þáði
boðið. „Er stjórn félagsins mjög
ánægð með að geta aðstoðað þessa
félagsmenn sína, sem hafa sumir
hverjir þurft að taka yfirdráttarlán
til að geta framfleytt sér og sínum,“
segir á vef VLFA.
Þar kemur einnig fram að unn-
ið hafi verið að því að útbúa launa-
kröfur félagsmanna sinna á hendur
þrotabúi fyrirtækisins. Nema þær
kröfur samtals um 42 milljónum
króna, að því er fram kemur á vef
VLFA. Fáist kröfurnar ekki greidd-
ar úr þrotabúinu mun Ábyrgða-
sjóður launa ábyrgjast vangreidd
laun starfsfólksins.
kgk
Loðnumælingar rannsóknarskips-
ins Árna Friðrikssonar og fimm
uppsjávarveiðiskipa; Heimaeyjar
VE, Hákons EA, Aðalsteins Jóns-
sonar SU, Barkar NK og Polar
Amaroq, kláruðust nokkurn veg-
in aðfararnótt síðasta fimmtudags.
Einungis lítið svæði út af Húna-
flóa er þá óyfirfarið og stóð til að
Árni Friðriksson lyki við yfirferð
þar um þegar veður leyfði. „End-
anlegar niðurstöður þessara mæl-
inga liggja því ekki fyrir en vegna
þeirra hagsmuna sem eru í húfi
telur Hafrannsóknastofnun rétt
að upplýsa nú að magn hrygning-
arloðnu er vel undir síðustu mæl-
ingu sem framkvæmd var í byrjun
febrúar. Þessi niðurstaða er með
þeim fyrirvara að smá svæði er
eftir og þetta er frumúrvinnsla á
gögnum, en það eru taldar hverf-
andi líkur á að niðurstaðan breyt-
ist verulega hér eftir,“ sagði í til-
kynningu frá Hafrannsóknastofn-
un undir lok síðustu viku.
Brúnin lyftist þó heldur á mönn-
um nú á mánudaginn í byrjun þess-
arar viku þegar þéttar lóðningar af
loðnu fundust skammt frá Pap-
ey, austan við landið. Starfsmenn
Hafró vildu þó ekkert gefa út um
hvort þær torfur breyttu einhverju
um væntanlegt stofnstærðarmat
og hvort veiðar yrðu mögulega
heimilaðar. Rannsaka þyrfti hvað-
an sú loðna væri að koma og áætla
magnið.
mm
Starfshópur sem Kristján Þór Júlí-
usson sjávarútvegsráðherra skipaði
síðasta vor til að endurskoða með-
ferð og ráðstöfun 5,3% aflaheimilda
sem ríkið fer með forræði yfir, hef-
ur lokið störfum og skilað skýrslu
til ráðherra. Hópnum var gert að
endurskoða meðferð og ráðstöf-
un aflaheimilda sem lög um stjórn
fiskveiða kveða á um að skulu tekn-
ar frá til sérstakra verkefna og hér
eru nefndir atvinnu- og byggða-
kvótar. Starfshópurinn bendir á
að umtalsverðir hagsmunir felist í
hvernig dreifðar sjávarbyggðir eru
skilgreindar og að þrýstingur stærri
byggðakjarna kunni að hafa leitt til
þess að byggðakvótinn hafi farið
víðar en til þeirra byggða sem eru
veikastar fyrir.
Samandregið eru helstu
tillögur starfshópsins
eftirfarandi:
Tilgangur og markmið atvinnu- •
og byggðakvóta verði betur
skýrð í lögum og árangur þeirra
metinn.
Áhersla verði lögð á stuðning við •
smærri sjávarbyggðir í samræmi
við stjórnarsáttmála ríkisstjórn-
arinnar.
Að ótvírætt sé að 5,3% aflaheim-•
ilda eru dregin frá heildarafla í
hverri tegund vegna atvinnu- og
byggðakvóta áður en aflaheim-
ildum er úthlutað á einstök skip.
Innbyrðis skipting þeirra 5,3% •
aflaheimilda sem dregin eru frá
heildarafla í hverri tegund vegna
atvinnu- og byggðakvóta verði
fest til sex ára.
Almennum byggðakvóta verði •
úthlutað til sex ára í samræmi
við meðaltal fyrri ára og svigrúm
aukið til að nýta hann í samræmi
við aðstæður á hverjum stað.
Ónýttri línuívilnun verði úthlut-•
að sem almennum byggðakvóta í
samræmi við hlutdeild einstakra
byggðarlaga á undangengnum
árum.
Gert verði upp við handhafa •
skel- og rækjubóta og þær afla-
heimildir renni í varasjóð til að
bregðast við óvæntum áföllum í
sjávarbyggðum.
Mikilvægt að styrkja
minnstu sjávarbyggðir
Jafnframt gerir starfshópurinn
ýmsar tillögur um minni breyting-
ar á fyrirkomulagi almenns byggða-
kvóta, sértæks byggðakvóta, línu-
ívilnunar, strandveiða og frístunda-
veiða í tengslum við ferðaþjónustu.
Starfshópurinn leggur sérstaka
áherslu á þá ábyrgð sem fólgin er
í ráðstöfun ríkisins á þeim umtals-
verðu verðmætum sem felast í 5,3%
heildaraflamarks. Því telur hópur-
inn mikilvægt að slíkur stuðning-
ur hafi skýr og mælanleg mark-
mið, eftirfylgni sé fullnægjandi og
árangur metinn með reglubundn-
um hætti. Í lokaorðum skýrslunn-
ar segir að áætlað aflaverðmæti sé
5,5 til 7,6 milljarðar króna á ári
hverju. Það séu mikil verðmæti og
afar mikilvægt að markmiðin með
úthlutun þeirra séu skýr. Skýrslu-
höfundar segja mikilvægt að styrkja
minnstu sjávarbyggðirnar sem
hafa átt erfiðast með að aðlagast
stórfelldum breytingum í íslensk-
um sjávarútvegi. Jafnframt eigi að
stuðla að fjölbreytni og nýliðun í
greininni.
mm
Það gat verið galsi í mannskapnum þegar vel veiddist af loðnu. Ljósm. úr safni Skessuhorns frá veiðum á Víkingi AK vestan
við Garðskaga. Ljósm. FH.
Hverfandi líkur taldar á að
loðnukvóti verði gefinn út
Úr vinnslu Ísfisks á Akranesi skömmu eftir að starfsemi fyrirtækisins hófst þar í
bæ. Ljósm. úr safni/ kgk.
Fengu lán frá
verkalýðsfélaginu
Kristján Þór Júlíusson ráðherra tekur við skýrslunni frá Þóroddi Bjarnasyni formanni starfshópsins.
Leggja til að skerpt verði á áherslum
við úthlutun byggðakvóta