Skessuhorn - 29.04.2020, Síða 12

MIÐVIKUDAGUR 29. ApRÍL 202012
Til að efla nýsköpun og þróun í
innlendri matvælaframleiðslu verð-
ur settur á fót svokallaður Mat-
vælasjóður og verður 500 milljón-
um króna varið til stofnunar hans á
þessu ári. Stofnun sjóðsins er hluti
af öðrum áfanga aðgerða til að
bregðast við áhrifum COVID-19.
Matvælasjóður mun hafa það hlut-
verk að styrkja þróun og nýsköp-
un við framleiðslu og vinnslu mat-
væla úr landbúnaði og sjávarútvegi.
Sjóðurinn mun styrkja verðmæta-
sköpun við framleiðslu, vinnslu og
markaðssetningu matvæla og verð-
ur við úthlutun sérstök áhersla
lögð á nýsköpun, sjálfbærni, verð-
mætasköpun og almennar aðgerð-
ir til að bæta samkeppnishæfni ís-
lenskrar matvælaframleiðslu. Þessi
nýi sjóður verður til með samein-
ingu Framleiðnisjóðs landbúnaðar-
ins og AVS-rannsóknasjóðs í sjáv-
arútvegi. Við úthlutun þeirra fjár-
muna sem lagðir verða í sjóðinn í
upphafi verður þess gætt að skipt-
ing fjármagns til landbúnaðar og
sjávarútvegs verði með sambæri-
legum hætti og verið hefur, að því
er fram kemur í tilkynningu frá at-
vinnuvegaráðuneytinu.
mm
Við sögðum frá því snemma í
febrúar þegar fjársöfnun hófst fyr-
ir stólalyftu til að setja í ferða-
þjónustubíl fatlaðra og eldri borg-
ara í Borgarbyggð. Það var Snjó-
laug Soffía Óskarsdóttir sem vakti
máls á þörfinni fyrir slíka lyftu og
fékk fjölmarga í lið með sér við
söfnunina. Soffía hefur undanfar-
in tvö ár leyst af við akstur á bíln-
um og segir að brýn þörf hafi ver-
ið fyrir að koma lyftu í bílinn til að
auðvelda aðgengi fatlaðra og aldr-
aðra sem ferðast með honum jafnt
að sumri sem vetri. Nú er söfnunni
lokið, stólalyftan komin í bílinn og
var tekin í notkun í liðinni viku.
Íkomin kostaði stólalyftan um
eina milljón króna. Soffía seg-
ir marga hafi lagt málefninu lið
og nefnir kvenfélögin í héraðinu,
Lionsklúbbinn, fleiri félög, ein-
staklinga og fyrirtæki. Það var svo
Kvenfélag Borgarness sem lagði til
söfnunarreikning. „Þjónustubíll-
inn er frekar hár og gat verið erf-
itt að komast upp í hann með góðu
móti og tekið á í ýmsum aðstæðum.
Lyftan mun því sannarlega létta
fólki lífið,“ sagði Soffía. Haukur
Valsson bílstjóri á ferðaþjónust-
bílnum tekur undir með Soffíu og
segir lyftuna kærkomna. Hann seg-
ir að farnar séu að jafnaði 10-12
ferðir á bílnum í viku hverri, þegar
bæði er ekið með fólk í hjólastólum
og aðra. Soffía vill koma á framfæri
kæru þakklæti til allra sem lögðu
söfnuninni lið.
Gjafir og stuðningur við söfn-
unina komu frá eftirtöldum: Kven-
félagi Borgarness, Kvenfélaginu 19.
júní, Kvenfélagi Álftarneshrepps,
Kvenfélaginu Liljunni, Kvenfé-
lagi Stafholtstungna, Lionsklúbbi
Borgarness, Lionsklúbbnum Öglu,
Útfararþjónustu Borgarfjarðar auk
framlaga frá einstaklingum sem
verulega munaði um. mm
Efling nýsköpunar, fjármögnun
sprota- og nýsköpunarfyrirtækja í
samvinnu við fjárfesta og aðgerðir
fyrir ferðaþjónustu til framtíðar eru
meðal áhersluatriða stjórnvalda í
viðspyrnu vegna áhrifa COVID-19
heimsfaraldursins. Þessir liðir, auk
almennra aðgerða, munu nýtast
ferðaþjónustunni, nýsköpunarfyr-
irtækjum og öðrum rekstraraðil-
um til framtíðar. Þórdís Kolbrún R
Gylfadóttir ferðamála,- iðnaðar- og
nýsköpunarráðherra segir að í við-
spyrnunni nú sé sérstaklega mik-
ilvægt að efla atvinnugreinar sem
byggja á nýsköpun og hugviti. „Við
höfum þegar tekið til fjölmargra
úrræða og núna stígum við skref til
framtíðar og sækjum fram með ný-
sköpun að leiðarljósi,“ segir Þórdís
Kolbrún.
Sértækar aðgerðir stjórnvalda í
þágu ferðaþjónustu sem kynntar
voru í fyrsta aðgerðapakka bein-
ast að því að halda uppi innlendri
fyrirspurn, auka atvinnu, byggja
upp innviði og ráðast í alþjóðlegt
markaðsátak. Allt mun þetta nýt-
ast við uppbyggingu öflugrar at-
vinnugreinar þegar réttar aðstæður
skapast á ný. Vinna er nú hafin við
kynningu og markaðssetningu er-
lendis og innanlands. Í þeim mikla
samdrætti sem ferðaþjónustan
stendur nú frammi fyrir blasir við
að almennar aðgerðir í þágu fyrir-
tækja munu ekki síst nýtast ferða-
þjónustunni, auk þeirra sértæku að-
gerða sem þegar hefur verið gripið
til og kynntar voru í mars. Lausa-
fjárvandi ferðaskrifstofa vegna end-
urgreiðslukrafna er einnig veru-
legur og munu stjórnvöld leggja til
lagabreytingu þess efnis að heimilt
verði að endurgreiða neytendum
með inneignarnótum.
Efling nýsköpunar
Sérstök áhersla er nú lögð á að
styðja við skapandi lausnir í heil-
brigðis- og velferðarþjónustu sér-
staklega á sviði fjarheilbrigðisþjón-
ustu á landsvísu. Þegar hafa ver-
ið lagðar til 150 milljónir til verk-
efnisins.
Gert er ráð fyrir að framlög til
endurgreiðslu á rannsóknar- og
þróunarkostnaði verði aukin um
3.200 milljónir króna og leitast við
að flýta endurgreiðslum vegna árs-
ins 2019. Hlutfall endurgreiðslu
verði hækkað úr 20% í 25% og
heildarþak á greiðslur til einstakra
aðila fer úr 600 til 900 milljóna
króna.
Tækniþróunarsjóður hefur ver-
ið efldur um 700 milljónir króna
og ferli umsókna hefur verið flýtt.
Þessi auknu framlög munu skila sér
í fleiri styrkúthlutum og fleiri aðilar
munu geta fengið styrk við úthlut-
un í haust.
Alls munu 50 milljónir renna
í Hönnunarsjóð Íslands og 120
milljónir til Kvikmyndasjóðs Ís-
lands. Um er að ræða útfærslu á
áður ákveðnu fjármagni til skap-
andi greina.
Fjármögnun sprota- og
nýsköpunarfyrirtækja
Til að bregðast við aðstæðum í ný-
sköpunarumhverfinu hefur verið
ákveðið að framlag stjórnvalda til
Kríu – sprota- og nýsköpunarsjóðs,
verði strax 1.300 milljónir króna á
þessu ári sbr. frumvarp til laga um
opinberan stuðning til fjárfestinga í
sprota- og nýsköpunarfyrirtækjum
sem var lagt fram í mars. Kría hef-
ur það hlutverk að fjárfesta í öðrum
sérhæfðum sjóðum sem fjárfesta í
sprota- og nýsköpunarfyrirtækjum,
svokölluðum vísisjóðum eða vent-
ure capital sjóðum. Sjóðnum er
ætlað að stuðla þannig að uppbygg-
ingu, vexti og aukinni samkeppn-
ishæfni atvinnulífsins með því að
hér á landi verði til heilbrigt um-
hverfi áhættufjármagns til fjárfest-
ingar í sprota- og nýsköpunarfyrir-
tækjum. Með þessum breytingum
getur Kría fyrr lagt til mótframlag
til nýrra sjóða sem stofnaðir væru
árið 2020. Þetta myndi hafa jákvæð
áhrif á fjárfestingarumhverfið strax
á þessu ári.
Til að bregðast við vanda lífvæn-
legra sprotafyrirtækja sem langt
voru komin varðandi fjármögnun
og fjárfestingasamninga, sem nú
eru í uppnámi, munu stjórnvöld
tímabundið bjóða mótframlag til
fjárfestinga í sprotafyrirtækjum að
ákveðnum skilyrðum undir heitinu
Stuðnings Kría. Þessi aðgerð nýt-
ist bæði sprotafyrirtækjum og fjár-
festum í því ótrygga ástandi sem
nú ríki og nýtist sem upptaktur að
þeirri auknu samvinnu stjórnvalda
sem stefnt er að með Kríu.
mm
Vestlenskur matur. Ljósm. Skessuhorn/gbh.
Matvælasjóður kemur í stað
Framleiðnisjóðs og AVS
Haukur Valsson ökumaður og Soffía Snjólaug Óskarsdóttir við nýju stólalyftuna.
Stólalyfta komin í
ferðaþjónustubíl Borgarbyggðar
Þórdís Kolbrún R Gylfadóttir ferðamála-, iðnaðar og nýsköpunarráðherra.
Ýmsar aðgerðir í þágu nýsköpunar í aðgerðarpakka tvö