Skessuhorn - 29.04.2020, Síða 18

MIÐVIKUDAGUR 29. ApRÍL 202018
Íbúar í öllum sveitarfélögum lands-
ins tóku síðastliðinn laugardag
áskorun um að hreinsa rusl úr um-
hverfinu á Stóra plokkdeginum,
sem jafnframt gengur undir heitinu
Dagur umhverfisins. Með litlum
fyrirvara og án miðstýringar náð-
ist að koma hópum af stað í öllum
sveitarfélögum landsins og lyft var
grettistaki í fegrun umhverfisins.
Einar Bárðarson fór í broddi fylk-
ingar og kveikti neista meðal íbúa
hvarvetna á landinu og skilaði það
sannarlega árangri. Tugum ef ekki
hundruðum tonna var safnað með
því að fólk gekk um með poka og
tók upp allskyns rusl sem lá á víð
og dreif í náttúrunni. „Síðustu vik-
ur hafa kennt okkur sem samfélag
að það er allt hægt. Við eigum ekki
að vera meðvirk með sóðaskap og
slæmri umgengni um sorp. Við eig-
um að láta umhverfið okkar varða
og okkur á alls ekki að vera sama,“
segir Einar Bárðarson.
Svo skemmtilega vildi til að á
Akranesi var Stóri plokkdagurinn
jafnframt árlegur umhverfisdagur
ÍA og Akraneskaupstaðar. Harð-
duglegir krakkar og fjölskyldur
þeirra plokkuðu rusl um allan bæ
frá því klukkan tíu um morguninn
og skiluðu góðu dagsverki í frá-
bæru veðri. Svipað var uppi á ten-
ingnum víðsvegar um Vesturland.
Meðfylgjandi eru nokkrar mynd-
ir héðan og þaðan af Vesturlandi.
Íbúar hvarvetna mega sannanlega
vera stoltir. Afraksturinn er fallegri
sveitir og snyrtilegri bæir þar sem
öllum á að geta liðið betur.
mm
Fjölmargir íbúar á Vesturlandi tóku
þátt í plokkdeginum
Salbjörg og Friðgeir plokkuðu
eftir vinsælu gönguleiðinni meðfram
sjónum við Nesveginn í Grundarfirði.
Tveir fullir ruslapokar og ekki allt búið.
Salbjörg sagði samt að það hefði verið
meira þar í fyrravor.
Ljósm. Grundarfjörður.
Móðir og þrjú börn voru að hreinsa framan við Kvikk á Akranesi á laugardaginn, gul og glöð. Sögðust vera í umboði
fótboltans og fimleikanna, en Íþróttabandalag Akraness var samstarfsaðili Akraneskaupstaðar í hreinsun bæjarins.
Rut Rúnarsdóttir í Grundarfirði sagði
að hún og Logi hafi plokkað aðeins
í labbitúrnum, en fallist hendur á
göngustígunum við leikskólann.
Pokinn fór því í næstu ruslatunnu og
þau að leika. Ljósm. Grundarfjörður.
Rannveig Lind og Björg Fríður Freyja dóttir hennar tóku
náttúruhreinsigöngu í bliðskapar veðri í Borgarnesi.
Plokkuðu þær frá Hrafnrakletti og meðfram þjóðveginum til
norðurs. Hreinsuðum þær m.a. plastið af hestagirðingunni
og hrossagaukurinn þakkaði fyrir sig með söng.
Ljósm. Björg Fríður Freyja.
Hér hefur ekki verið slegið slöku við. Frískir krakkar á
Akranesi með ruslið. Ljósm. ÍA.
Hjónin Guðjón og Karen Ösp plokka hér við Akratorg á
Akranesi. Ljósm. ÍA.
Hjónin Dýrfinna Torfa og Guðjón Brjánsson tóku laugardaginn snemma og tóku
virkan þátt í hreinsunarstörfum. „Við hjónin vorum komin á stjá og í fjöruna við
Elínarhöfða um klukkan 8:30 með allar græjur og plokkuðum allt hvað af tók til
hádegis. Fylltum hvern pokann á fætur öðrum af fjölbreytilegum lausamunum,
stórum og smáum, sem höfðu lokið hlutverki sínu,“ sagði Guðjón. Hann segir að
áhugavert hafi verið að sjá hversu mikið af skósólum og gúmmí-skóhælum rötuðu
í pokana. „Góð hreyfing að klöngrast í fjörunni á aðra hönd og svo í móum og
skurðum þess á milli, næg verk að vinna,“ sagði Guðjón. Ljósm. DT.
Hrannar Pétursson hafnarvörður í Stykkishólmi og Símon Már Sturluson fiskuðu
um 70 fríholt upp úr höfninni. Ljósm. sá.
Þetta rusl kom úr fjörunni við Innstavogsnes við Akranes.
Systurnar Valgerður og Elísabet Stefánsdætur tóku sig til
og hreinsuðu fjöruna en þarna er mikil náttúruperla. Ljósm.
Valgerður S á Facebook.
Þessir hressu krakkar á Kríubóli í Snæfellsbæ tóku forskot
á Dag umhverfisins og plokkuðu nágrenni leikskólans á
Hellissandi á föstudaginn. Ljósm. Snæfellsbær.