Skessuhorn - 14.10.2020, Blaðsíða 4

MIÐVIKUDAGUR 14. oKTÓBeR 20204
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.590 krónur með vsk. á mánuði. Elli- og örorkulífeyrisþegar greiða
kr. 3.100. Rafræn áskrift kostar 2.815 kr. Rafræn áskrift til elli- og örorkulífeyrisþega er 2.595 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Finnbogi Rafn Guðmundsson frg@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Vér hinir tækniheftu
Við lifum tíma örra breytinga. Þau okkar sem komin eru yfir miðjan ald-
ur eigum orðið í fullu fangi með að tileinka okkur þær nýjungar sem bók-
staflega hellast yfir okkur og taldar eru lífsnauðsynlegar. enda eru milljónir
manna um heim allan sem vinna við að finna upp tækninýjungar sem leysa
skulu mannshöndina af hólmi í skjóli hagræðingar. Fyrirbrigði þetta er í
samanteknu máli kallað fjórða iðnbyltingin.
Í stuttu máli fjallar fjórða iðnbyltingin um þá tækni sem leysa mun
mannshöndina af hólmi. Í fjarlægri framtíð er stefnan sú að fólk þurfi lítið
sem ekkert að vinna. Hafi hins vegar möguleika á að mæta á einhvers konar
vinnustaði til að hafa félagslegt samneyti við annað fólk hluta úr degi, svona
meira til að láta daginn líða hraðar. ekki verða gerðar kröfur um framlegð
í vinnu. Störf framtíðarinnar verða auk þess fábreyttari en við þekkjum.
einhverjir munu jú starfa við forritun og tækniþróun og aðrir fylgjast með
tölvubúnaðinum sem pantar hráefni fyrir sjálfvirku verksmiðjurnar svo þær
geti bunað á færiböndin út vörum þar sem mannshöndin kemur hvergi
nærri. Sjálfvirkir bílar eða jafnvel mannlaus flygildi muni svo skila vörunni
á áfangastað þar sem vélmenni taka á móti þeim og koma þeim fyrir. Smám
saman munu heilu atvinnugreinarnar hverfa eins og dögg fyrir sólu. en
þetta er löngu byrjað. Velkist menn í vafa um það er nægjanlegt að líta til
tækniframfara í kúabúskap. Nú eru bændur á því sviði komnir undir 500,
róbótar mjólka kýrnar, sjálfvirkir áburðardreifarar hafa tekið yfir og meira
að segja róbótar sópa að kúnum. Það er einna helst að sauðfjárbændur haldi
í horfinu, enda lítur ónefndur ráðherra á það hlutskipti sem lífsstíl.
Í rauninni er gott og blessað að verið sé að byggja upp samfélög þar sem
fólk þarf ekki að vinna. ekki amast ég við því blóðlatur maðurinn. Ég ótt-
ast hins vegar að það muni taka meira en einn mannsaldur að breyta þeirri
grunnþörf fólks að hafa eitthvað fyrir stafni. Genatískt líður fólki nefnilega
betur að kvöldi góðs starfsdags.
Stórverslanir eru nú að þjófstarta næstu iðbyltingu, hvort sem hún er sú
fjórða eða fimmta. Nú hverfa nefnilega mannaðir afgreiðslukassar í þeim
hraðar en hönd á festir. Reynt er að kenna okkur gamla fólkinu að nota vél-
menni í stað þess að þiggja aðstoð verslunarfólks. Við erum semsé óvænt
orðnir ólaunaðir starfsmenn stórfyrirtækja, óumbeðið. Þarna finnst mér
lífeyrissjóðirnir vera að koma fremur snautlega fram við okkur eigendur
sína. Fæstir eru nefnilega með grunnþekkingu í afgreiðslustörfum og því er
tíminn sem fer í afgreiðslu í matvörubúð að taka lengri tíma en hæfir mín-
um smekk. Nú bíð ég nokkuð spenntur eftir að sjá kaótískt ástand í jólaös-
inni sem framundan er, þegar við fólkið sem komið er yfir miðjan aldur,
bögsum við að leita að vörunúmerinu á spænska avokatinu, eða brasilíska
aspasinum, sem lítur nákvæmlega eins út og sá ítalski eða ameríski sem var
í körfunni við hliðina. Þá verður síðasti afgreiðslumaðurinn horfinn af vett-
vangi, sennilega kominn heim á bætur. Kannski í besta falli hægt að stóla
á að einar gamli í einarsbúð standi enn vaktina með brosi á vör. Verður
kannski sá síðasti sem enn kann að bjóða fólk velkomið á íslensku. Í þeirri
búð er maður nefnilega ekki að leggja neinn aðskotahlut á pokasvæðið,
heldur að ræða um landsins gagn og nauðsynjar við kaupmanninn meðan
hann rennir vörunni smurt yfir strikamerkjaskannann.
eins og sést á þessum skrifum er ég augljóslega kominn yfir miðjan aldur.
en hagfræðin í þessu öllu saman liggur liggur hins vegar ekki í augum uppi.
Allavega hefur fram til þessa afgreiðslufólk í stórmörkuðum ekki verið sá
hópur launþega þessa lands sem skorað hefur hæst í tekjublöðunum. engu
að síður þykir sjálfsagt mál að fækka þessu fólki, senda það heim, og því
borið við að í gangi séu skipulagsbreytingar! Nú fæ ég býsna margar frétta-
tilkynningar frá fyrirtækjum á hverju ári, en enga hef ég ennþá séð þess efn-
is að verslanakeðja boði lækkun vöruverðs vegna kerfisbundinnar fækkunar
starfsfólks. Kannski á hún eftir að berast? Á reyndar síður von á því.
Magnús Magnússon
Síðastliðinn föstudag voru opnuð tilboð hjá Ríkiseign-
um í breytingar og endurbætur á Þjóðbraut 13 á Akra-
nesi. Lögreglustöðin á Akranesi er staðsett í hluta
hússins en áformað er að hún stækki og færist í það hús-
næði sem síðast hýsti Vínbúðina. Öll tilboð sem bárust,
utan eitt, voru undir kostnaðaráætlun sem hljóðaði upp
á 70.733.118 krónur. Lægsta tilboðið sem barst reynd-
ist vera frá GS Import ehf. en það hljóðaði upp á 83%
af kostnaðaráætlun.
Listi yfir tilboðsgjafa:
Ístak kr. 69.800.194 99%
Heggur ehf kr. 77.303.862 109%
eSigurðsson ehf kr. 65.748.130 93%
Skagaver ehf kr 68.987.912 98%
SF Smiðir ehf kr 64.057.269 91%
GS Import ehf kr. 58.396.311 83%
frg
Veiran illskæða geisar nú sem aldrei
fyrr og hafa sóttvarnalæknir og yfir-
völd boðað hertari aðgerðir á höf-
uðborgarsvæðinu. Ragnar Þór Ing-
ólfsson, formaður VR og Lands-
sambands íslenzkra verzlunar-
manna, skrifar í pistli til landsmanna
áminningu þess efnis að mikilvægt
sé að viðskiptavinir í verslunum sýni
afgreiðslufólki tillitsemi vegna veir-
unnar. „Tveggja metra reglan hefur
tekið gildi á ný og viðskiptavinum
verslana er skylt að bera grímur ef
ekki er hægt að tryggja að minnsta
kosti tveggja metra fjarlægðarmörk.
Þó aðgerðirnar eigi aðeins við um
höfuðborgarsvæðið, eins og staðan
er í dag, þá væri það sterkur leikur
hjá landsmönnum öllum að herða á
eigin sóttvörnum.“
Ragnar Þór biðlar því til allra við-
skiptavina verslana og annarra þjón-
ustuaðila að gæta ýtrustu varkárni og
fylgja í hvívetna þeim reglum sem
hafa verið settar, bæði fyrir þeirra
eigin hag og þeirra sem standa
vaktina fyrir okkur hin í verslun-
um og þjónustu; „enda verður illa
komið fyrir okkar samfélagi ef við
getum ekki verslað nauðsynjar. Þá
er einnig mikilvægt að atvinnurek-
endur tryggi öryggi í starfsumhverfi
verslunarfólks og fólks í þjónustu.
Nú sem aldrei fyrr er brýnt að við
verndum verslunarfólkið okkar,“
skrifar Ragnar Þór.
mm
Ríkisstjórnin samþykkti fyrir helgi
að leggja fyrir Alþingi breytingar
á lögum um fjárstuðning til minni
rekstraraðila vegna heimsfarald-
urs kórónuveiru með það fyrir aug-
um að tryggja framhald á lokunar-
styrkjum til rekstraraðila sem gert
er að sæta lokun á starfsemi eða
stöðva hana frá 18. september síð-
astliðnum. Lögin eru hluti af að-
gerðum ríkisstjórnarinnar til að
draga úr tjóni vegna heimsfarald-
urs kórónuveirunnar og skapa öfl-
uga viðspyrnu í kjölfar hans.
Stærsta breytingin með frum-
varpinu varðar fjárhæðir lokunar-
styrkja sem sæta nú ekki sömu há-
mörkum og áður en samanlagt há-
mark lokunarstyrkja var 3,6 milljón-
ir í vor. Óbreytt er að fjárhæð styrks
skal vera jafnhá rekstrarkostnaði á
tímabili lokunar. Hún getur þó ekki
orðið hærri en 600 þús. kr. á hvern
launamann hjá rekstraraðila fyrir
hverja samtals 30 daga lokun.
„Í ljósi þess að óvissa ríkir um
þróun farsóttarinnar er lagt til að
heimild til framlengingar verði ekki
einskorðuð við þá rekstraraðila sem
þegar hefur verið gert að loka starf-
semi sinni tímabundið nú í haust.
Þannig er lagt til að úrræðið hafi
gildistíma fram á mitt ár 2021 og
verði tekið til endurskoðunar á
fyrsta ársfjórðungi 2021 m.t.t. að-
stæðna og þróunar faraldursins,“
segir í tilkynningu frá Stjórnar-
ráðinu. Loks segir að skilyrði styrk-
veitinga í frumvarpinu séu í öll-
um meginatriðum sambærileg og
vegna fyrri lokunarstyrkja. mm
Undanfarið hafa staðið yfir fram-
kvæmdir við grunnskólalóðina á
Hvanneyri. Fyrir helgi var búið að
helluleggja hluta skólalóðarinn-
ar og koma öryggismottum fyrir
undir rólunum á leiksvæðinu. Það
voru starfsmenn áhaldahúss Borg-
arbyggðar sem önnuðust verkið.
Sömuleiðis hefur umferðarör-
yggi verið bætt á svæði skólans. Há-
markshraði á Túngötu hefur verið
lækkaður í 30 km/klst. og búið er
að setja upp öryggisspegil við gang-
brautina við Hvanneyrarbraut.
kgk
Sýna þarf verslunarfólki
sérstaka tillitsemi
Hluti grunnskólalóðarinnar á Hvanneyri. Ljósm. Borgarbyggð.
Grunnskólalóðin lagfærð
Framhald verður á lokunarstyrkjum
Lögreglustöðin á Akranesi. Ljósm. kgk.
Tilboð opnuð í stækkun
lögreglustöðvar á Akranesi