Skessuhorn - 14.10.2020, Blaðsíða 27
MIÐVIKUDAGUR 14. oKTÓBeR 2020 27
Leikmannasamtök Íslands í knatt-
spyrnu sendu síðastliðinn fimmtu-
dag út netkönnun til allra leik-
manna í Pepsí Max deildum karla
og kvenna. Þar voru leikmenn
spurðir hvort þeir vildu blása Ís-
landsmótið í knattspyrnu af á þess-
ari leiktíð, eða ljúka keppni, í ljósi
ástandsins í þjóðfélaginu. Þetta var
gert í framhaldi af því að hertar
sóttvarnaaðgerðir voru settar fyr-
ir höfuðborgarsvæðið vegna þriðju
bylgju Covid-19 þar sem mælst var
til að íþróttastarfsemi á höfuðborg-
arsvæðinu yrði aflögð til 19. októ-
ber.
Niðurstaða könnunnarinnar
var sú að meirihluti þeirra sem af-
stöðu tók vildi stöðva keppni í ljósi
ástandsins. 41,4% svöruðu spurn-
ingunni játandi, 38,7% neitandi
en 19,8% voru hlutlaus. „Niður-
stöður könnunarinnar voru á þá
leið að erfitt er að hundsa þær,“
segir í frétt Leikmannasamtakanna
á Facebook. „Það þarf að eiga sér
stað samtal um þær og sjá hvernig
megi tryggja öryggi leikmanna enn
betur en hefur verið gert, ef að það
á að spila áfram yfirhöfuð. Það er
ljóst að leikurinn fer ekki fram án
leikmanna og því er það gríðarlega
mikilvægt að þetta samtal eigi sér
stað,“ segir í fréttinni.
ef mótið yrði slegið af nú, þeg-
ar tveimur þriðju þess er lokið, tæki
reglugerð KSÍ um Covid-19 við um
sætaröðun. Regla um meðalfjölda
stiga á hvern leik tæki gildi og það
gæti haft áhrif á sæti liðanna.
mm
Lögregla hefur að undanförnu orð-
ið vör við að skúrkar reyni að mis-
nota erfiða tíma í faraldrinum til að
stela frá íþróttahreyfingunni. Lög-
reglan á höfuðborgarsvæðinu varar
við auknum fjölda netglæpa af þessu
tagi. Til að koma í veg fyrir að fólk
í íþróttahreyfingunni lendi í svika-
neti hefur lögreglan búið til yfirlit
um helstu aðferðir netglæpamanna
og tekið saman lista yfir helstu ráðin
gegn þeim.
Nú þegar hafa nokkur íþrótta-
félög í landinu orðið fyrir barðinu á
svindli sem þessu og tapað talsverðu
fé. Svik með tölvupóstum og beiðni
um millifærslur er algengasti net-
glæpurinn. Hann veldur fjárhags-
legum skaða bæði hér heima og er-
lendis. Heildartjón á Íslandi vegna
netglæpa er talið nema nærri einum
og hálfum milljarði króna á síðast-
liðnum þremur árum.
Auður Inga Þorsteinsdóttir, fram-
kvæmdastjóri UMFÍ, segir í samtali
við RÚV svikaleiðina líkasta þessu:
Póstur virðist koma frá annað hvort
gjaldkera eða formanni félags til
framkvæmdastjóra eða starfsmanns
eða sjálfboðaliða. Viðkomandi er
beðinn um að upphæð verði milli-
færð yfir á erlendan reikning. Þetta
þurfi alltaf að gerast mjög hratt og
af þeim sökum hafi margir stigið í
gildruna. „Það virðist vera að þeir
sem standa að baki þessu séu með
mjög ítarlegar upplýsingar því félög
með litla veltu hafa fengið tölvupóst
með lágum upphæðum og félög
með meiri veltu hafa fengið tölvu-
póst með hærri upphæðum,“ segir
Auður Inga. mm
Nýlega endurnýjuðu þrjár ungar og
efnilegar knattspyrnukonur samn-
inga sína við ÍA. Þetta eru þær Védís
Agla Reynisdóttir, Hrafnhildur Arín
Sigfúsdóttir og Dagný Halldórsdótt-
ir. Allar eru þær uppaldar hjá Skaga-
liðinu og allar sömdu þær út keppnis-
tímabilið 2021.
Védís Agla er fædd árið 2003 og á
að baki 18 leiki með meistaraflokki í 1.
deild kvenna. Í þeim hefur hún skorað
tvö mörk. Auk þess hefur hún spilað
fjóra leiki í bikarkeppninni og skorað í
þeim eitt mark.
Hrafnhildur Arín er fædd 1998 og
hefur leikið 36 leiki með meistara-
flokki í næstefstu deild og skorað í
þeim tvö mörk. Auk þess hefur hún
leikið fimm leiki með ÍA í bikarkeppn-
inni.
Dagný er fædd árið 2002 og á að
baki 24 leiki með ÍA í 1. deild kvenna
og þrjá leiki í bikarnum. Í þeim leikj-
um hefur hún skorað eitt mark. kgk
Meirihluti knattspyrnufólks vill
blása Íslandsmótið af
Frá leik ÍA og KA í efstu deild karla síðastliðið sumar. Ljósm. úr safni/ gbh.
Védís Agla Reynisdóttir, Hrafnhildur Arín Sigfúsdóttir og Dagný Halldórsdóttir.
Ljósm. KFÍA.
Þrjár skrifuðu undir hjá ÍA
Netsvikarar herja
á íþróttafélög
Mikil umræða var um helgina í fjöl-
miðlum og á samfélagsmiðlum um
þá ákvörðun sóttvarnayfirvalda að
láta loka golfvöllum á höfuðborg-
arsvæðinu til 19. október næst-
komandi. Þau tilmæli voru gefin
út vegna víðtæks smits Covid-19
á höfuðborgarsvæðinu. Golfvell-
ir í nágrenni höfuðborgarsvæðis-
ins takmörkuðu flestir skráningar
á velli sína við félagsmenn sem bú-
settir eru á viðkomandi svæði, en á
því voru þó undantekningar. Ljóst
er að ákvörðun um lokun golf-
valla á höfuðborgarsvæðinu hefur
sætt gagnrýni, sem og sú ákvörðun
stjórna nokkurra golfvalla á lands-
byggðinni um að loka ekki völlum
sínum fyrir aðra en íbúa á svæðinu,
eins og mælst hafði verið til. Á hinn
bóginn telja margir golfiðkend-
ur að lítil hætta sé á að golfspilari
smiti aðra, beri þeir sjúkdóminn, sé
allra varúðarráðstafana gætt. engu
að síður var það ákvörðun Golf-
sambands Íslands að verða við til-
mælum sóttvarnayfirvalda um að
leggja af alla íþróttastarfsemi á höf-
uðborgarsvæðinu til 19. október og
þar með talið golfiðkun.
mm
Tilmæli um lokun
golfvalla komu
frá sóttvarnayfirvöldum
Ljósm/Ómar Örn Ragnarsson