Ægir - 2019, Blaðsíða 13

13
Fiskvinnslan
Ferskafurðaframleiðslan þrýsti
á breytingar
„Fyrir um fjórum árum vorum við farin
að sjá þess merki að gamla húsið væri að
ganga úr sér og ýmislegt í vinnslunni
uppfyllti ekki lengur kröfur, gera þyrfti
lagfæringar á ýmsum búnaði sem yrðu
kostnaðarsamar. Þess vegna voru bara
tveir valkostir í stöðunni, þ.e. að byggja
nýtt eða hætta starfseminni. Fyrsti val-
kostur okkar í nýbyggingu var að
byggja nýtt hús frá grunni við höfnina
en þegar til kom var ekki nægjanlega
stór lóð á lausu til að koma starfseminni
fyrir með ásættanlegum hætti. Þá var
næsti valkostur að byggja við eldra hús-
ið og niðurstaðan var þetta stóra og
mikla hús sem er í alla staði glæsileg
fiskvinnsla á nútíma vísu. Það sem líka
knúði okkur til að ráðast í breytingar er
sú þróun hjá okkur á síðustu fimm árum
að færa aukinn þunga í vinnslunni yfir í
ferskar afurðir og til þess horfðum við
með útfærslu á vinnslulínum í nýja hús-
inu. Framleiðslan fyrir ferska markaðinn
hefur stöðugt vaxið og var mikil handa-
vinna í gamla húsinu en er til muna
tæknivæddari í nýju vinnslunni,“ segir
Guðmundur Smári.
Fyrsta skóflustungan að nýja húsinu
var tekin í júní árið 2017 og nú er húsið
komið í fulla notkun, rösku hálfu öðru
ári síðar. Stöðva þurfti vinnslu í fyrir-
tækinu í tvo og hálfan mánuð í lok fram-
kvæmdanna meðan gengið var frá
tækjabúnaði og öðrum þáttum til að
hægt væri að hefja vinnslu.
Tvær sjálfstæðar vinnslulínur
Eigendur og stjórnendur G.Run lögðu vel
niður fyrir sér hvernig byggja ætti
vinnsluna upp í húsinu og fengu síðan
Marel að borðinu með sínar tæknilausnir
og sérþekkingu.
„Við vorum því sjálf mjög virk í hönn-
unarvinnunni frá upphafi en Marel
■ Ýsuflök koma úr lausfrystingu.
■ Sjálfvirknin í móttöku og innmötun er mikil. Þessi búnaður er frá Skaganum 3X.