Morgunblaðið - 20.06.2020, Blaðsíða 16
16 FRÉTTIRInnlent
MORGUNBLAÐIÐ LAUGARDAGUR 20. JÚNÍ 2020
Helgi Bjarnason
helgi@mbl.is
„Þetta er mat á ástandinu í dag, að
vísu að hluta til byggt á 25 ára göml-
um gögnum. Það
svarar ekki því
hvað hefur gerst
með nýtingu beit-
arauðlindarinnar
síðustu tuttugu
árin en er þó upp-
hafið að vöktun
sem við hefðum
þurft að vera
komin lengra
með,“ segir Unn-
steinn Snorri
Snorrason, framkvæmdastjóri
Landssamtaka sauðfjárbænda, um
fyrstu niðurstöður og kortavefsjá
verkefnisins GróLindar sem kynnt
var í fyrradag.
Landssamtökin áttu frumkvæðið
að verkefninu fyrir þremur árum.
„Okkur skorti upplýsingar um land-
notkunina. Það háði verulegra allri
umræðu og sýn á það hvernig landið
væri að þróast. Þeirri spurningu hef-
ur ekki verið svarað,“ segir Unn-
steinn um tildrög þess að sauðfjár-
bændur beittu sér fyrir þessu átaki.
Hann tekur fram að þótt ekki sé
unnt að sjá þróunina í þessum gögn-
um séu þau grunnur vöktunar til
framtíðar.
Bæta þarf gögn
Unnsteinn segir að nákvæmari
gögn vanti, til dæmis um það hvar
féð gengur. Þá séu beitarsvæði á lág-
lendi ekki skilgreind nógu vel. Til
dæmis séu sandarnir á Suðurlandi
skilgreindir sem beitarsvæði sem og
fjárlausar jarðir. „Einhvers staðar
þarf að byrja og þetta er fyrsta
skrefið.“
Hann segir að verkefnið styðji við
það verk sem þegar er unnið að. Það
hjálpi til við að meta hvernig best sé
að skipuleggja landnýtingu og gera
vinnu við að friða landsvæði eða
breyta landnotkun markvissari.
Bendir hann á að mörg svæði séu
þegar friðuð í gegn um gæðastýr-
ingu í sauðfjárrækt og fleiri verk-
efni. Þannig gangi engar kindur á
svæðinu milli Vatnajökuls og Hofs-
jökuls og norður af Vatnajökli. Að
hluta til gerist það með ákveðnum
aðgerðum bænda en ekki girðingum
því fé sem þangað fer sé ekki sleppt
aftur úr heimahögum.
Stór svæði fjárlaus
Spurður hvort hann telji að fyrstu
niðurstöður GróLindar geti leitt til
þess að þrengt verði frekar að sauð-
fjárbeit segir Unnsteinn að verkefn-
ið sé ekki ætlað til slíks. Það sé verk-
færi til að nota við mat á stöðu og
þróun. Það fari meira eftir því hvern-
ig lögum og reglugerðum um land-
græðslu verði fylgt eftir hvort gripið
verði til aðgerða í einhverjum tilvik-
um.
„Ég á von á því að haldið verði
áfram vinnu á þeim grunni sem við
stöndum á og uppgræðslustarf verði
eflt. Svo gengur þetta í báðar áttir, í
sumum tilvikum má hefja nýtingu
lands sem nú er komið í betra
stand,“ segir Unnsteinn.
Framkvæmdastjóri sauðfjárbænda bendir á að gögn GróLindar sýni ekki þróun beitar sl. 20 ár
Verkefnið sé upphaf vöktunar sem hefði þurft að vera komin lengra Bæta þurfi gögnin
Styður við verk sem unnið er að
Morgunblaðið/Golli
Vatnsdalur Þótt stór og viðkvæm svæði hafi verið friðuð fyrir sauðfjárbeit
telst meirihluti landsins, eða 62% lands, beitarland, samkvæmt GróLind.
Unnsteinn Snorri
Snorrason
Lilja Hrund Ava Lúðvíksdóttir
liljahrund@mbl.is
Tónlistarmaðurinn Örn Elías Guð-
mundsson, betur þekktur sem Mug-
ison, hefur síðustu árin farið hring-
inn um landið á sumrin og haldið
tónleika á leiðinni. Heimsfaraldur
kórónuveiru hefur sett strik í reikn-
inginn hjá fjölmörgum listamönnum,
en Örn deyr þó ekki ráðalaus. Hann
ætlar í sumar að ferðast um landið,
elta veðurspána og halda tónleika
undir berum himni við íslenskar
náttúruperlur og í skrúð- og lysti-
görðum. „Mig hefur langað að gera
þetta í nokkuð mörg ár. Svo ýtti það
aðeins við mér í þessum faraldri að
þetta væri kannski bara málið,“ seg-
ir Örn. „Þetta verðum bara við Rúna
og kassagítarinn, ekkert vesen.
Kannski nikkan ef við nennum að
halda á henni.“
Örn segir undirbúninginn hafa
gengið ágætlega. „Ólíkt því sem hef-
ur verið undanfarin ár ætla ég ekki
að gefa út fastar dagsetningar held-
ur elta bara veðurspána. Ég fékk
hugmyndir að örugglega hátt í 300
stöðum til að spila á. Ég setti þetta
allt saman inn á kort og svo þegar ég
fer í gang eftir svona tvær vikur ætla
ég bara að skoða veðurspána, opna
kortið og svo bara rúnta. Sennilega
læt ég vita með svona dagsfyrirvara
hvar ég verð,“ segir Örn.
Náttúran vinnur með manni
Örn hefur síðustu 17 ár haldið tón-
leika um land allt. „Ég er búinn að
fara svo marga hringi og það er al-
veg magnað hvað er hægt að lenda
alltaf í leiðinlegu veðri. Í fyrra var ég
fastur í þoku og rigningu í nærri
þrjár vikur á Suður- og Austurlandi
á meðan það var sól og blíða hérna á
Vestfjörðum,“ segir Örn, sem er bú-
settur á Súðavík. „Það var eins þeg-
ar ég fór hringinn um landið á bát
einu sinni. Þá vorum við 20 daga á
leiðinni og það rigndi hvern einasta
dag. Mig langar ekkert að lenda í því
aftur. Núna fer ég þangað sem sólin
og stuðið er.“ Örn hefur áður spilað
undir berum himni og segir það allt
aðra upplifun en að spila innandyra.
„Að fara á svona fallega staði, óhefð-
bundna staði, það getur unnið svo
með manni einhvern veginn að vera
einhvers staðar í svona spes fíling.
Þá er sigurinn eiginlega unninn áður
en maður byrjar að spila, það verður
svo kósí eitthvað og þægilegt,“ segir
hann. Þó að Örn ætli að elta veðrið í
sumar segist hann hafa í huga
nokkra draumastaði til að halda tón-
leika. „Eins og að spila í fjörunni í
Skálavík er mjög gamall draumur.
Eins hefur mig dreymt ótrúlega
lengi að spila hjá Hljóðaklettum, það
er svo skrítið og skemmtilegt endur-
kastið þar. Svo leynast fjölmargir
sætir og vannýttir skrúðgarðar í
litlum þorpum úti á landi sem væri
gaman að spila í,“ segir Örn.
Morgunblaðið/Golli
Tónleikar Mugison fer um landið í sumar með kassagítarinn og heldur tónleika ásamt Rúnu konu sinni.
Fer með fjölskylduna,
gítarinn og nikkuna
Mugison heldur tónleika undir berum himni á vel völd-
um stöðum víða um landið í sumar Ætlar að elta veðrið
Menningarnótt í Reykjavík verður
með breyttu sniði í ár, til að stefna
ekki of miklum mannfjölda saman í
samræmi við tilmæli almannavarna
vegna Covid-19-ástandsins, eins og
það er orðað í tilkynningu frá
Reykjavíkurborg. Hátíðinni verður
dreift yfir 10 daga og mun fara fram
dagana 13. til 23. ágúst nk.
Af þessu tilefni hefur borgin kall-
að eftir hugmyndum og tillögum að
atriðum á Menningarnóttunum.
Veittir verða styrkir á bilinu 100 til
500 þúsund krónur, til þeirra sem
dregnir verða upp úr Menningar-
næturpottinum svonefnda.
Að sögn Elfu Bjarkar Ellerts-
dóttur, upplýsingafulltrúa hjá
Reykjavíkurborg, er óljóst hvort
flugeldasýning verði í ár vegna
fjöldatakmarkana á samkomum. Það
muni skýrast þegar nær dregur. Nú
sé búið að auka framlög til listafólks
um helming og hvetur hún alla
áhugasama til að sækja um í pottinn.
„Listafólk, íbúar, rekstraraðilar,
félagasamtök og allir áhugasamir
geta sótt um styrki. Allt er þetta
gert til að lífga upp á miðborgina í
nafni menningarnætur,“ segir m.a. í
tilkynningu borgarinnar, en hægt er
að sækja um til 3. júlí.
Menningarnæturpotturinn er
samstarfsverkefni Reykjavíkur-
borgar og Landsbankans. Fastur
liður á menningarnótt hefur verið
Reykjavíkurmaraþon Íslandsbanka.
Það er enn fyrirhugað laugardaginn
22. ágúst, en með breyttu sniði mið-
að við afléttingar á samkomubanni.
Ræst verður út í nokkrum ráshópum
til að virða hámarksfjölda hlaupara,
en þá verður ræsingin yfir lengri
tíma en áður hefur verið. Rássvæði
verður í Sóleyjargötunni og mark-
svæði í Lækjargötu.
Menningarnótt
haldin í 10 daga
Tekið við umsóknum um atriði
Óvissa um flugeldasýninguna
Morgunblaðið/Eggert
Menningarnótt Hátíðin verður með
allt öðru sniði vegna veirunnar.
Halla
Lögg. fast.
659 4044
Ólafur
Sölu- og
markaðsstjóri
690 0811
Ellert
Sölustjóri
661 1121
Sigþór
Lögg. fast.
899 9787
Hafrún
Lögg. fast.
848 1489
Bárður
Sölustjóri
896 5221
Elín Urður
Lögg. fast.
690 2602
Elín Rósa
Lögg. fast.
773 7126
Lilja
Sölufulltrúi
820 6511
Kristján
Sölufulltrúi
691 4252
Grensásvegur 13 - 108 Reykjavík - Sími 570 4800 - gimli.is - gimli@gimli.is