Morgunblaðið - 30.06.2020, Blaðsíða 32

hafi náð háum aldri. „Einn bróðir minn varð 100 ára svo
ég er að ná honum.“ Hún bendir líka á að frændfólk hafi
farið yfir 100 árin og nýlega hafi Sigfríður Nieljohníus-
dóttir, frænka hennar á Íslandi, orðið 100 ára. „Ég geng
töluvert, fylgist með fréttum og eftir að ég fékk spjald-
tölvu á dögunum fer ég á netið og er í samskiptum í
gegnum Zoom.“
Ísland og Íslendingar eru ofarlega í huga Helgu. Jó-
hann var forseti þjóðræknisfélagsins í Lundar í 10 ár og
Helga í 15 ár og sem slík tóku þau á móti gestum, ekki
síst Íslendingum, sem heimsóttu Lundar. „Það var und-
arleg tilfinning að koma til Íslands og vera á sömu slóð-
um og mamma og pabbi höfðu verið,“ rifjar hún upp. „Ég
þakka Íslandi fyrir að hafa gefið mér foreldra mína og ég
er hreykin af því að vera Íslendingur enda var mér kennt
að heima væri á Íslandi.“
Steinþór Guðbjartsson
steinthor@mbl.is
Íslendingar settust að í Kanada undir lok 19. og í byrjun
20. aldar, meðal annars í Lundar við þjóðveg númer 6
austan við Manitoba-vatn, um 100 km fyrir norðan
Winnipeg. Þar fæddist Guðrún Helga Júlía Sigurdson
(helgasigurdson@icloud.com) og býr þar enn, 100 árum
síðar. „Ég ætlaði mér aldrei að giftast Íslendingi og aldr-
ei að setjast að í Lundar en samt fór það nú svo eftir að
ég bjó í Vancouver og Winnipeg um stund,“ segir hún
kímin.
Foreldrar Helgu voru Sigurður Daníelsson Hólm frá
Hólmlátri á Skógarströnd, sem flutti með foreldrum sín-
um til Vesturheims, og Sigríður Guðný Jóhannesdóttir
Borgfjörð frá Reykjavík, sem fór 16 ára vestur með syst-
ur sinni 1901. Foreldrar þeirra komu síðar. Sigurður og
Sigríður kynntust í Winnipeg og bjuggu sér heimili í
Lundar, þar sem þau eignuðust sjö börn. Helga fæddist
á sjöundu kvöldstundu sjöunda dags sjöunda mánaðar
ársins, 7.7. 1920, hefur sjö sinnum farið „heim til Ís-
lands“ eins og hún segir og verður 100 ára eftir sjö daga.
Íslenska var málið
„Íslenska var málið og ég ólst upp við að heyra sögur
frá Íslandi,“ leggur Helga áherslu á. Hún talar enn
ágæta íslensku og skrifar málið furðuvel. „Mamma var í
Kvennaskólanum í Reykjavík og sagði mér frá mörgu,
meðal annars fuglalífinu á Tjörninni. Pabbi þreyttist
aldrei á því að segja mér frá sveitinni, þegar hann sat yf-
ir kindunum og hvað fjöllin voru blá og yndisleg. Hann
bað mig um að teikna þau og mála en ég náði aldrei rétta
litnum, himinblámanum, fyrr en ég sá þau sjálf.“
Eiginmaður Helgu var Jóhann Straumfjörð Sigurd-
son, formaður Þjóðræknisfélags Íslendinga í Vestur-
heimi 1979-1985. Þau ólu upp fjögur börn í Lundar, tóku
þátt í íslenska samfélaginu og meðal annars er það fyrst
og fremst Helgu að þakka að bókin um sögu Lundar,
Wagons to Wings, kom út, en hún vann við hana í fimm
ár, safnaði efni, prófarkalas og teiknaði myndina á bók-
arkápu. „Mér var sýndur mikill heiður þegar ég var út-
nefnd fjallkona Íslendingadagsnefndar Manitoba 1988,“
segir hún, en Linda, dóttir hennar, gegndi sama hlut-
verki 2015.
Helga er mikill listamaður og teiknar og málar enn,
meðal annars á gler, en hún var keramikkennari í Lund-
ar í um hálfa öld og hefur unnið til margra verðlauna fyr-
ir verk sín. Kanadagæsin er einkenni Lundar og segja
má að gæsin hafi verið vörumerki hennar. Verk hennar
hafa verið vinsælir verðlaunagripir og gjafir. Þegar
Kristján Eldjárn var forseti heimsótti hann Lundar 1975
og fékk gæsir eftir hana. Þær hafa síðan verið á Bessa-
stöðum.
„Góð heilsa og langlífi er í ættargenunum,“ segir
Helga og vísar til þess að foreldrar hennar og systkini
Var kennt í Kanada
að Ísland væri heima
 Guðrún Helga Júlía Sigurdson þakklát fyrir upprunann
Mæðgur Linda F. Sigurdson Collette og Helga Sig-
urdson í fyrra. Þær hafa báðar verið fjallkonur.
ÍSLAND
Fjörutíu ár voru á dögunum síðan Ísbjarnarblús Bubba
Morthens kom út en hún er án efa ein áhrifamesta
plata íslenskrar rokksögu með lög á borð við Stál og
hnífur, Ísbjarnarblús og Hrognin eru að koma. Bubbi
fékk fyrir helgi afhenta platínuplötu fyrir sölu Ísbjarn-
arblúss gegnum árin en platínuplata er viðurkenning
sem Félag hljómplötuframleiðenda veitir fyrir plötur
sem seljast í yfir 10.000 eintökum. Hér hampa þeir
plötunni, Bubbi og útgefendur hans hjá Öldu Music,
Sölvi Blöndal og Ólafur Arnalds.
Fjörutíu árum eftir útgáfu Ísbjarn-
arblúss fékk Bubbi platínuplötu
ÞRIÐJUDAGUR 30. JÚNÍ 182. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
Óttar Magnús Karlsson skoraði þrennu í gærkvöld þegar
Víkingar unnu sinn fyrsta sigur á tímabilinu í fótbolt-
anum og lögðu FH að velli á sannfærandi hátt. Breiðablik
er á toppi deildarinnar eftir þriðja sigurinn í jafnmörgum
leikjum, 3:1 gegn Fjölni, og Fylkir fékk sín fyrstu stig með
því að sigra nýliðana í Gróttu, sem þar með sitja eftir án
stiga og marka á botni deildarinnar. »27
Þrenna frá Óttari þegar Víkingar
skelltu FH-ingum
ÍÞRÓTTIR MENNING