Morgunblaðið - 23.07.2020, Blaðsíða 37

LJÓSI PUNKTURINN
Dóra Júlía Agnarsdóttir
dorajulia@k100.is
Það er fátt sem mér þykir skemmti-
legra en að valhoppa um. Valhoppinu
fylgir mikil frelsistilfinning og mér
finnst eiginlega betra að valhoppa út
í búð en ganga, þótt það sé stundum
ósjálfráð hegðun og ég gleymi því að
fólk sé kannski að fylgjast með. Ekki
að það skipti neinu máli, því það eru
mikil forréttindi að geta valhoppað
og ég er virkilega þakklát fyrir það.
Ég rakst á ótrúlega fallega frétt
um átta ára gamlan dreng að nafni
Ryan sem langaði mikið að geta val-
hoppað.
Ryan, sem er búsettur í Banda-
ríkjunum, er með Downs-heilkenni
og hefur í gegnum lífið þurft að
glíma við alls kyns heilsufarsleg
vandamál sem hafa gert það að verk-
um að hann á til að mynda erfitt með
að valhoppa. Nú á dögunum náði
móðir hans myndbandi af honum
ásamt pabba sínum að valhoppa nið-
ur götuna þar sem þau eru búsett.
Þetta var mikilvægt og stórt skref
fyrir Ryan og veitti honum greini-
lega mikla gleði.
Í myndbandinu segir Ryan við
pabba sinn að hann sé ótrúlega stolt-
ur af honum, þó svo að hann gagn-
rýni pabba sinn örlítið fyrir að taka
aðeins of stór skref. Ryan segir
betra að taka minni skref í valhopp-
inu eins og strákarnir í Dude Per-
fect, sem er hópur af frægum
youtube-íþróttastjörnum. Það er svo
gaman að sjá hvað getur veitt gleði
og þetta er ótrúlega vel gert hjá
þessum unga og flotta dreng.
Hægt er að sjá myndbandið af
Ryan að valhoppa ásamt föður sín-
um á K100.is.
Náði loks
að valhoppa
DJ Dóra Júlía finnur ljósa punktinn í tilverunni og flytur
góðar fréttir reglulega yfir daginn í útvarpinu og á K100.is.
Gleði Það var mikið afrek fyrir
Ryan að geta loks valhoppað.
MORGUNBLAÐIÐ FIMMTUDAGUR 23. JÚLÍ 2020
Rósa Margrét Tryggvadóttir
rosa@mbl.is
Liðsmenn Kolsýru, Bergsveinn Arilíusson,
Sturlaugur Jón Björnsson og Óli Rúnar Jóns-
son, mættu í viðtal í morgunþættinum Ísland
vaknar á K100 í gær og ræddu þar um tónlist-
ina, lífið, nýja lagið Ísafold og komandi tíma.
„Hljómsveitir eru bara eitthvað sem gerist.
Það er ekki eitthvað sem þú sest niður og teikn-
ar á blað. Hljómsveit er að minni reynslu eitt-
hvað svona: Maður hittir mann undir ein-
hverjum kringumstæðum og út úr því kemur
eitthvað. Við bætist annar maður. Þetta er oft
algjör hending,“ sagði Bergsveinn um stofnun
hljómsveitarinnar.
„Ég held að Kolsýra sé algjört skólabókar-
dæmi um það. Maður hittir mann á förnum vegi,
rekur tána í, bölvar og út um gluggann kemur
þá annar maður. Það er þessi „faktor“. Svona
verða hljómsveitir til að mínu viti, í svona hend-
ingum,“ sagði hann.
Óvart helpoppað lag
Óli Rúnar bætti við að í raun væri það svipað í
sambandi við tónlistarstefnu hljómsveita sem
hann sagði oft erfitt að stjórna. Tók hann sem
dæmi Ísafold, nýjasta lag hljómsveitarinnar.
„Maður fer að ræða eitthvað hvernig þetta á að
vera. Eins og maður hafi einhverja stjórn á því.
Við ætlum mögulega að gera eitthvert lag sem
er einhvers konar and-popp-gjörningur. En við
missum auðvitað stjórn á þessu öllu og þetta
verður mjög helpoppað lag. Þetta er mjög lýs-
andi dæmi um það hvað maður hefur litla stjórn
á því hvað hljómsveitin manns gerir,“ sagði Óli
Rúnar.
Bergsveinn tók undir þetta og bætti við að
hans reynsla af lagasmíðum væri sú að um ein-
hvers konar flæði væri að ræða, sem byrjaði oft
og tíðum á spjalli en endaði svo „einhvers staðar
sem enginn veit“.
„Akkúrat eins og hann er að segja. Maður
sest niður og maður leggur af stað með eitt-
hvert plan en svo endar þú með eitthvað allt
annað,“ sagði Bergsveinn. „Ég held að Kolsýra
sé svona. Þarna kemur fyrsti „singúll“ með
bandinu. Næsta lag gæti þess vegna verið rapp-
lag.“
Bergsveinn sagði hljómsveitarmenn alla vera
úr afar ólíkum kreðsum tónlistar og kvað það
vera svolítið athyglisvert að setja svo ólíka aðila
saman í pott og hræra í.
„Það eru yfirgnæfandi líkur á að listrænn
ágreiningur verði það sem sprengir upp þetta
band,“ sagði Óli Rúnar kíminn.
Þegar Sturlaugur, þriðji liðsmaður hljóm-
sveitarinnar, sem er með þykkt og mikið skegg,
var spurður út í það hvort hljómsveitin sæki
áhrif frá öðrum hljómsveitum eins og ZZ Top,
sem þekkt er meðal annars fyrir skeggjaða liðs-
menn, sagði hann að áhrifin kæmu í raun alls
staðar að. „En ZZ Top eru náttúrulega alveg
klassamenn,“ sagði hann kíminn.
Sagði Sturlaugur aðspurður að það mætti vel
vera að samræður skeggjaðra manna væru
öðruvísi en á milli óskeggjaðra og skeggjaðra
manna. „Það er nú samt mjög mikið þannig að
menn sem hafa áhuga á því að vera með sítt
skegg en eru ekki með það eru þeir sem tala
mikið,“ sagði hann og uppskar hlátur í stúdíó-
inu.
Fjallar um glímu lífsins
Lagið Ísafold er samkvæmt Óla Rúnari sett
fram sem ættjarðaróður en er undir niðri texti
um glímu lífsins við sjálft sig og sjálfsóttann.
„Svo að lokum um heimkomuna sem er svona
stef sem við höfum sérstakan áhuga á. Hvers-
dagsleg glíman við satan sem hvert og eitt okk-
ar þarf að glíma við,“ sagði Óli Rúnar.
Liðsmenn sveitarinnar staðfesta að þeir séu
með mun fleiri lög í vinnslu og búast við mikilli
útgáfu í vetur.
„Það er gerjun, það er að myndast kolsýra í
þessu,“ sagði Óli Rúnar.
Viðtalið má í heild sinni heyra á K100.is en
lagið Ísafold með Kolsýru er að finna á Spotify
og öllum helstu streymisveitum.
Lítið hægt að
stjórna tónlistinni
Hljómsveitin Kolsýra er ung að
árum en með mikið fyrir stafni
á næstunni. Hljómsveitin gaf
út sína fyrstu smáskífu á
dögunum, lagið Ísafold.
Kolsýra Lagið Ísafold er fyrsta smáskífa hljómsveitarinnar Kolsýru sem samanstendur af Óla
Rúnari, Bergsveini og Sturlaugi en lagið fjallar meðal annars um glímu lífsins og sjálfsóttann.