Morgunblaðið - 11.08.2020, Blaðsíða 18

18 MINNINGAR
MORGUNBLAÐIÐ ÞRIÐJUDAGUR 11. ÁGÚST 2020
✝ Kristín LiljaGunnsteins-
dóttir fæddist í
Reykjavík 4. mars
1990. Hún lést á
gjörgæsludeild
Landspítalans í
Fossvogi 14. júlí
2020.
Foreldrar Krist-
ínar Lilju eru Sól-
veig J. Ásgeirs-
dóttir, gift Boga
Th. Bragasyni, og Gunnsteinn
Sigurðsson, kvæntur Ingigerði
Stefánsdóttur. Systkini Krist-
ínar Lilju eru Sigurður Fannar
Gunnsteinsson, Lárus Th. Boga-
son, Dagný Rós Gunnsteins-
dóttir, Unnur Birna Gunnsteins-
dóttir og Ásgeir Th. Bogason.
Kristín Lilja lætur eftir sig
soninn Fenri Flóka
Fjölnisson, f. 16.
febrúar 2013, faðir
hans er Fjölnir
Geir Bragason.
Unnusti Kristín-
ar Lilju er Böðvar
Ingvi Jakobsson.
Kristín Lilja bjó
fyrstu árin með
foreldrum sínum á
höfuðborgarsvæð-
inu en lengst af bjó
hún hjá móður sinni og stjúpa í
Stykkishólmi. Síðustu árin bjó
hún með Böðvari í Reykjavík.
Hún vann við afgreiðslustörf
í verslunum og á veitinga-
stöðum.
Útför Kristínar Lilju fór
fram í kyrrþey frá Lindakirkju
28. júlí 2020.
Litli vængbrotni fuglinn minn
elsku hjartagullið mitt
vængir þinir voru brotnir.
Lífið lék þá grátt, það fór ekki um þá
mjúkum höndum.
Grágæsamóðir gæti léð þér nýja vængi,
ég veit hún gerir það fyrir þig með glöðu
geði.
Svo þú gætir flogið upp til himin
tungla.
Út fyrir fjöllin sjö.
Út fyrir allt sem er.
Leiðin er greið, Það er engill
sem vísar þér veginn. Þú þarft
ekkert að óttast, ferðin mun
ganga snurðulaust fyrir sig eins
og undurfagurt ævintýri sem aldr-
ei tekur enda. Þú ert elskuð, þú
mátt vera viss um það, hjartað
mitt. Svo þegar þú ert komin á
leiðarenda þá ertu komin til fyrir-
heitna landsins eða til himnaríkis,
hvað sem þú kýst að kalla það. Þar
áttu eftir að vera eins og blómi í
eggi. Þar er góður staður og þú
færð glænýja vængi beint úr búð-
inni í hæstu hæðum, sem þú getur
státað þig af. Þú mátt alveg vera
dálítið montin með þig og bera
höfuðið hátt. Þú hefur fullan rétt á
því. Þeir munu fara þér svo vel
eins og allt annað. Mömmuhjartað
skildi aldrei hvernig hún fór að því
að eiga svona fallega stúlku. Ég
elska þig líka af öllu hjarta og ég
veit að þú veist. En lífið í henni
veröld getur stundum verið fallegt
og gott og þú skildir eftir þig fal-
legar minningar. Bullið í þér elsku
barn, þú gast endalaust bullað um
allt og ekkert og hlóst svo mest að
því sjálf og öll fallegu ljóðin sem
þú skildir eftir þig. Ég skal lofa að
halda vel utan um allt þetta fallega
og hjartnæma. Þannig er einmitt
hann Flóki litli, alveg eins og þú,
augasteinninn þinn. Ég skal líka
gæta hans vel, um ókomna tíð. Þó
veit ég að þú ert nú þegar búin að
vitja hans í draumi, þar sem þú
hjólaðir til hans, elsku ljúfan mín.
Meira veit ég ekki hvað gerðist
ykkar á milli - maður þarf heldur
ekki að vita allt - en hann var alla-
vega sáttur við komu þína. Þú átt
alltaf stað í hjarta hans engillinn
minn. Góða ferð elsku fallega
hjartagull. Elsku vængjaða vera,
dóttir góð.
Sólveig J. Ásgeirsdóttir.
Elsku yndislega frænka mín.
Mikið var ég spennt og stolt þegar
þú komst í heiminn; þótt tuttugu
ár væru á milli okkar var það svo
afstætt. Tengsl okkar fyrir mér
hafa alltaf verið tímalaus. Það
kom snemma í ljós hvað þú varst
klár. Þegar ég byrjaði í hjúkrun-
arnámi varstu oftar en ekki í verk-
efnum mínum sem sneru að
þroska barna, í öllum þeim varstu
langt yfir viðmiðunarmörkum
undantekningarlaust. Þú hafði svo
mikla hæfileika en umfram allt
svo ljúf, viðkvæm og góð, með
húmor sem ég geymi í minning-
unni og gleymi aldrei. Ég trúi því
að þér líði vel þar sem þú ert en í
hjarta mínu verður þú að eilífu.
Mig langar að kveðja þig með þín-
um eigin orðum en þetta ljóð hef
ég alltaf geymt innrammað. Það
var samið af þér þegar þú varst
níu ára gömul og varst svo hjálp-
söm og stolt að passa litla frænda
þinn sem var rétt fimm mánaða.
Lítið barn í vöggu lá
en hvað það var sætt að sjá
borða dót hann ekki má
á teppi liggur hann nú á.
Hann voðalega kátur er
og hefur dót í för með sér
aldrei ég frá honum fer
sætari strák hef ég ekki séð.
Í hvítum fötum klæðist hann
að tala og tyggja ekki hann kann
brosið kann að gleðja mann
núna snuðið sitt hann fann.
Nú fer hann í háttinn og sefur rótt
af því nú er komin nótt
á nóttunni er alltaf hljótt
og heim til sín það er svo sótt.
Litla barnið heim er farið
nú fer barnið beint í baðið
mamma skrifar svo á blaðið
það sem að hún sá um hafið.
(Kristín Lilja Gunnsteinsdóttir)
Við sendum ástvinum okkar
innilegustu samúðarkveðjur.
Eydís, Sigursveinn
(Svenni) og börn.
Kristín Lilja
Gunnsteinsdóttir
✝ Sturla JóhannStefánsson
fæddist á Ólafs-
völlum á Skeiðum
16. apríl 1951.
Hann lést á Land-
spítalanum 2. ágúst
2020.
Foreldrar hans
voru Steinunn
Sturludóttir frá
Fljótshólum, f. 22.
nóvember 1920, d.
11. ágúst 1987, og Stefán Júl-
íusson frá Hítarnesi, f. 26. sept-
ember 1915, d. 9. desember
1980. Systkini Sturlu eru Sigríð-
ur, f. 3. júní 1945, Kristín, f. 26.
nóvember 1946, Ástríður Elsa, f.
8. júlí 1948, Helga, f. 2. sept-
ember 1953, Júlíus Rafn, f. 25.
febrúar 1955, d. 2. mars 1976,
Björn, f. 25. apríl 1956, og Að-
og Linus, f. 17. ágúst 2017. Guð-
mundur Páll, f. 13. ágúst 1973.
Eiginkona hans er Birna Hlín
Guðjónsdóttir, f. 2. nóvember
1979. Börn þeirra eru Sigfús
Páll, f. 28. mars 2002, Gróa, f.
11. febrúar 2006, og Guðjón, f.
13. nóvember 2011.
Sturla fór snemma að vinna
við bústörf. Hann hóf búskap
með Ásgerði í Álftártungu árið
1970 en árið 1980 tóku þau við
búi að Arnarstapa og hafa rekið
það allar götur síðan. Meðfram
hefðbundnum bústörfum vann
Sturla ýmis störf utan heimilis.
Hann var til sjós í nokkur ár og
ók flutningabílum. Í um þrjá
áratugi hefur Sturla rekið sjálf-
stætt eigin rútuútgerð og hefur
annast skólaakstur og ók ferða-
mönnum um allt land allt til
dánardags.
Útför Sturlu verður gerð frá
Borgarneskirkju 11. ágúst 2020
klukkan 14. Vegna aðstæðna í
samfélaginu er gestafjöldi tak-
markaður en útförin verður í
streymi.
www.kvikborg.is.
alsteinn, f. 6. des-
ember 1960.
Eftirlifandi eig-
inkona Sturlu er
Ásgerður Páls-
dóttir frá Álft-
ártungu, f. 29. júní
1953.
Þau eignuðust
tvo syni. Stefán
Már, f. 13. mars
1971, eiginkona
hans er Guðrún
Jónsdóttir, f. 24. ágúst 1976.
Eiga þau tvo syni. Sturla Már, f.
26. mars 2002, og Jón Logi, f. 24.
september 2010. Frá fyrra sam-
bandi á Stefán tvo syni. Þeir eru
Reynir Örn, f. 26. október 1987,
og Elís, f. 5. nóvember 1991.
Eiginkona Reynis er Hedda
Steen, f. 11. mars 1989. Þeirra
börn eru Malin, f. 30. júní 2011,
Elsku hjartans tengdapabbi, ég
hélt við hefðum tíma.
Ég var sannfærð um að við
ættum eftir að spjalla aftur sam-
an í eldhúsinu á Stapa – kannski
ekki á næstu vikum en ég trúði
því að þú kæmir aftur heim með
tíð og tíma. Við vorum ekki alltaf
sammála um menn og málefni en
það var hægt að tala við þig og þú
varst tilbúinn að hlusta á skoð-
anir mínar þótt þú værir mér
ekki sammála. Þú gast alveg haft
sterkar skoðanir og jafnvel æst
þig en það stóð ekki lengi yfir því
það var alltaf svo stutt í brosið og
hláturinn hjá þér.
Ég minnist þín sem góðs, hlát-
urmilds manns með skemmtileg-
an húmor. Stundum er talað um
að augun séu gluggar sálarinnar
– í minningu minni ljómuðu þín af
forvitni og glettni.
Þú snertir líf svo margra sem
á vegi þínum urðu með góðvild og
húmor að vopni – þú gast spjallað
við alla og þá skipti aldur ekki
máli, það er eiginleiki sem ekki
allir eru gæddir.
Þú varst yndislegur afi og
langafi. Þakka þér fyrir hvað þú
sinntir þeim öllum vel og hvað
þér var umhugað um þau öll fram
á síðustu stundu. Þau munu
varðveita góðar og skemmtilegar
minningar um þig alla ævi.
Það er sárt og skrýtið til þess að
hugsa að við hittumst ekki aftur –
þú verður ekki í sætinu þínu þegar
við komum næst. Fjarvera þín er
svo áþreifanleg. Sérstaklega á
kvöldin þegar ró er komin í húsið.
Þögnin er svo skerandi, það heyr-
ist ekkert nema klukkurnar sem
tifa hvor á sínum taktinum í eld-
húsinu og ómur frá útvarpinu í
svefnherberginu – þú ert ekki
lengur hér.
Sumir hverfa fljótt úr heimi hér
Skrítið stundum hvernig lífið er
Eftir sitja margar minningar
Þakklæti og trú.
(Ingibjörg Gunnarsdóttir)
Þín verður sárt saknað en
minning þín mun lifa í hjörtum
okkar um ókomna tíð. Við elskum
þig.
Takk fyrir allt – sjáumst síðar
Guðrún (Gudda),
Stefán Már, Reynir,
Elís, Sturla Már og
Jón Logi, Malin, Linus.
Á lífsleiðinni kynnumst við
mörgum einstaklingum og eigum
marga samferðamenn af ýmsum
stærðum og gerðum með ólík
tengsl og hlutverk. Hlutverk Stulla
(eins og við krakkarnir kölluðum
hann alltaf) gagnvart mér var bara
býsna stórt og hann sinnti því vel,
af kostgæfni og alúð. Það var nefni-
lega nokkuð mikilvægt hlutverk,
eiginlega mjög mikilvægt. Stulli
keyrði nefnilega skólarútuna í
sveitinni. Það vita það allir, sem
hafa alið upp ungling eða muna eft-
ir sínum eigin unglingsárum, að
það er oftar en ekki erfitt að dratt-
ast á lappir fyrir allar aldir í kulda,
myrkri og jafnvel snjó og eiga að
dröslast í skólann og hugsanlega
vaða snjó upp í hné á móti rútunni.
Það er ekki óalgengt að ólund sé í
unglingum snemma morguns og
ekki er skólinn alltaf nægileg
freisting til að galdra fram bros og
gera skrefin létt. Mér fannst ekki
alltaf gaman í skólanum og ég
þurfti að vakna vel fyrir sjö,
mamma og pabbi voru ekki einu
sinni farin á fætur til að mjólka.
Aldrei átti ég þó erfitt með að
vakna og aldrei fylltist ég ólund eða
kvíða heldur tilhlökkun og gleði.
Jú, af því að Stulli var að koma að
sækja okkur. Við Steini bróðir vor-
um fyrst í rútuna á morgnana
ásamt Ásu og Gígju á Álftárósi. Við
vorum jafnframt síðust út í lok
dags. Á hverjum morgni hlakkaði
maður til að eiga þessar dýrmætu
mínútur með þessum yndislega
manni sem var svo skrafhreifinn
við okkur og skemmtilegur. Stund-
um kom fyrir að ég var bara ein í
rútunni síðasta spölinn og þá var
oftar en ekki lagt á ráðin, eitthvert
smá prakkarastrik skipulagt, að
hans frumkvæði, hvort sem það
var síðar sett í framkvæmd eða
ekki, hlegið og spjallað. Hann
ræddi við okkur um heima og
geima og var vinur okkar. Síðasta
skóladaginn að vori var stoppað í
Hyrnunni í Borgarnesi og keypti
Stulli ís handa öllum krökkunum.
Margar góðar minningar á ég frá
þessum tíma.
Stulli var einstakt ljúfmenni,
glaðvær og hjartahlýr og alltaf
með húmorinn við völd. Hann var
sannkallaður „gentle giant“ eins og
stundum er sagt, því hann var þar
að auki rammur að afli. Stulli var
einn sá allra besti og yndislegasti
maður sem ég hef kynnst. Ætli
hann sé ekki búinn að fá mömmu
og aðra fallna Mýramenn með sér í
lið þarna fyrir handan, farinn að
grínast í öðrum vistmönnum hand-
an heima og fylla þau saman him-
inhvolfin af hlátrasköllum.
Ég kveð þig Stulli með tárum
og sting finn í hjarta.
Minningar frá liðnum árum
ylja því þú gerðir dagana bjarta
fyrir mig og krakkana alla
en í sveitinni finnst víst varla
annar maður eins og þú.
Með söknuði ég kveð þig nú.
(Bjarney Grendal)
Hugur minn er hjá ykkur, elsku
Ásgerður, Stefán, Guðmundur og
fjölskylda.
Bjarney Grendal Jóhannes-
dóttir, Krossnesi.
Elsku besti Sturla, við kveðjum
þig með söknuði, en með þakklæti í
huga fyrir allar góðar og skemmti-
legar stundir.
Blessuð sé minning þín.
Þótt að þú hverfir nú héðan á brott.
Þér munum við aldrei, aldrei gleyma.
Því hlýlega öllum gerðir þú gott,
Já góðar minningar hjörtun geyma.
(S.H.)
Innilegar samúðarkveðjur til
Ásgerðar, Stefáns, Guðmundar og
fjölskyldna.
Elsa, Guðrún og Krister.
Sturla Jóhann
Stefánsson
Elskuleg eiginkona mín, móðir okkar,
tengdamóðir, amma og langamma,
GERÐUR STEFANÍA ELIMARSDÓTTIR
frá Hólmum í Austur-Landeyjum,
Stóragerði 7, Hvolsvelli,
lést laugardaginn 8. ágúst.
Útför hennar fer fram frá Stórólfshvolskirkju laugardaginn
15. ágúst og hefst klukkan 13. Vegna samkomutakmarkana
geta aðeins allra nánustu aðstandendur verið í kirkjunni, en
athöfninni verður útvarpað fyrir þá sem verða í bílum á staðnum.
Kristján Ágústsson
Ágúst Kristjánsson Gunnhildur Edda Kristjánsd.
Hrafnhildur Rósa Kristjánsd. Fannar Jónasson
Haukur Guðni Kristjánsson Guðmunda Þorsteinsdóttir
barnabörn, barnabarnabörn og fjölskyldur
Ástkær móðir okkar, tengdamóðir,
stjúpmóðir, amma og langammma,
RAGNHEIÐUR ÁSTA PÉTURSDÓTTIR,
fyrrverandi útvarpsþulur,
verður jarðsungin frá Fríkirkjunni í Reykjavík
miðvikudaginn 12. ágúst klukkan 15.
Vegna takmarkana á samkomuhaldi er athöfnin aðeins opin
nánustu fjölskyldu og vinum en streymi verður á vefslóðinni
www.rap.is.
Eyþór Gunnarsson Ellen Kristjánsdóttir
Birna Gunnarsdóttir Árni Daníel Júlíusson
Sólveig Anna Jónsdóttir Magnús Sveinn Helgason
Anna Margrét Ólafsdóttir
Ragnheiður Gyða Jónsdóttir
Oddrún Vala Jónsdóttir
Hólmfríður Jónsdóttir
barnabörn og barnabarnabörn
Elskuleg móðir okkar, tengdamóðir, amma
og langamma
INGVELDUR ANNA PÁLSDÓTTIR
hússtjórnarkennari,
lést fimmtudaginn 6. ágúst.
Útför mun fara fram frá Egilsstaðakirkju
fimmtudaginn 13. ágúst klukkan 14.
Vegna fjöldatakmarkana á samkomum mun útförinni verða
streymt í mynd fyrir aðra en nánustu fjölskyldu og boðsgesti.
Aðgang að streyminu verður hægt að fá hjá fjölskyldu.
Jón Þráinsson Íris Margrét Þráinsdóttir
Sigríður Sigmundsdóttir Þór Ragnarsson
Anna Birna Þráinsdóttir Sigurður Jakob Jónsson
Þórhalla Sigmundsóttir Þorgils Torfi Jónsson
barnabörn og barnabarnabörn
Ástkær eiginmaður minn, faðir okkar,
stjúpfaðir, tengdafaðir, afi og langafi,
HAUKUR BERG,
Fífilgerði, Eyjafjarðarsveit,
lést á heimili sínu að morgni 7. ágúst.
Í ljósi aðstæðna í samfélaginu mun útför
hans fara fram í kyrrþey.
Þeim sem vilja minnast hans er bent á Minningarsjóð
Heimahlynningar á Akureyri.
Hildur Sigursteinsdóttir
Birgir Hauksson Kristín S. Bjarnadóttir
Bea Berg Peter Andersson
Hörður Edvinsson
Hjördís Ásta Edvinsdóttir Jónas Reynisson
barnabörn og barnabarnabörn
Ástkær eiginmaður, faðir, tengdafaðir, afi
og langafi,
EYSTEINN BERGMANN
GUÐMUNDSSON,
lést á lungnadeild Landspítalans
miðvikudaginn 5. ágúst.
Útförin fer fram frá Lindarkirkju 14. ágúst klukkan 15.
Vegna aðstæðna í samfélaginu verður athöfnin í kyrrþey en
verður streymt á Facebook-síðunni
www.facebook.com/groups/eysteinn
Sólveig Auður Friðþjófsdóttir
Friðþjófur Bergmann Lilja Bergmann
Bergdís Eysteinsdóttir Haraldur Haraldsson
barnabörn og langafabarn