Morgunblaðið - 11.08.2020, Blaðsíða 27

ÍÞRÓTTIR 27
MORGUNBLAÐIÐ ÞRIÐJUDAGUR 11. ÁGÚST 2020
Ég verð seint þekktur sem
mikill kylfingur. Ég hef aldrei á
ævinni spilað golf og ekki man
ég eftir því að hafa viljandi
kveikt á Golfrásinni í sjónvarp-
inu. Síðustu mánuði hefur áhugi
minn á íþróttinni hins vegar
aukist til muna.
Lítið var um keppnisíþróttir
hér á landi framan af sumri, en
þar sem golf býður upp á
keppni án snertingar og að-
stæður sem gera keppendum
kleift að fylgja tveggja metra
reglunni fóru sterk mót fram
hér á landi.
Hafa mótin hér á landi verið
sterkari í ár en nokkru sinni fyrr,
þar sem bestu kylfingar lands-
ins hafa verið klárir í slaginn.
Lítið var keppt erlendis framan
af ári vegna kórónuveirunnar.
Til þessa hefur keppnin verið
sérstaklega spennandi í kvenna-
flokki þar sem kylfingar á borð
við Ólafíu Þórunni Krist-
insdóttur, Guðrúnu Brá Brjög-
vinsdóttur og Valdísi Þóru Jóns-
dóttur hafa mætt til leiks.
Ragnhildur Kristinsdóttir
kom svo sterk inn á Íslands-
mótið um helgina en varð að
lokum að játa sig sigraða gegn
Guðrúnu Brá, sem er búin að
sanna það síðustu mánuði að
hún gefur Valdísi Þóru og Ólafíu
Þórunni ekki tommu eftir.
Í karlaflokki hafði Bjarki
Pétursson mikla yfirburði um
helgina og var svo skemmtilega
auðmjúkur í viðtölum eftir að
hafa slegið mótsmet. Má segja
að keppni í karlaflokki í sumar
hafi verið óútreiknanleg og
sterkir kylfingar hafa skipst á að
bera sigur úr býtum. Íslenska
golfsumarið hefur verið afar vel
heppnað til þessa og aldrei að
vita nema ég kveiki á Golfrás-
inni bráðum þar sem ég vil
meira golf í líf mitt.
BAKVÖRÐUR
Jóhann Ingi
Hafþórsson
johanningi@mbl.is
GOLF
Kristján Jónsson
kris@mbl.is
Þegar blaðamaður tók Bjarka
Pétursson, Íslandsmeistara í golfi,
tali á Hlíðavelli í Mosfellsbæ á sunnu-
dag, barst í tal hvort Bjarki hefði sof-
ið vel fyrir lokahringinn á mótinu en
hann hafði þá forystuna. Bjarki virt-
ist ráða vel við taugastríðið sem fylgt
getur því að vera efstur á fjögurra
daga móti þar sem keppendur eru úti
á velli í liðlega tuttugu klukkustundir
samtals.
Bjarki sagðist ekki hafa sofið neitt
sérstaklega vel en þó miklu betur en
hann gerði við svipaðar aðstæður á
árum áður. Upp úr krafsinu kemur
að Bjarki glímdi við keppniskvíða
sem var á alvarlegu stigi. Með hjálp
íþróttasálfræðings hefur hann tekist
á við vandann með ágætum árangri.
„Ég get talað af hreinskilni um það
að ég svaf ekki jafn vel í nótt og síð-
ustu nætur. Ég átti rosalega erfitt
með svefn fyrir mót á árum áður. Ég
er að vinna með íþróttasálfræðingi,
Paul Dewland, sem býr í Flórída og
hef unnið með honum í fimm ár. Þeg-
ar hann tók við mér þá svaf ég eigin-
lega ekki neitt fyrir mót. Fyrir hring-
ina ældi ég á morgnana. Ég var bara
í tómu tjóni og ákvað að leita mér
hjálpar. Ég vissi að þetta var ekki
eðlilegt. Samvinna okkar hefur verið
ótrúlega góð,“ sagði Bjarki og hann
var í sambandi við Dewland meðan á
Íslandsmótinu í Mosfellsbæ stóð.
„Okkar samstarf nú orðið er með
þeim hætti í dag að ég hef samband
við hann og segi honum hvernig mér
líður. Einnig lýsi ég fyrir honum í
hvernig í aðstæðum ég er og hvernig
ég bregst við. Hann segir mér þá sína
skoðun og ráðleggur mér. Hann á
hrós skilið fyrir það hversu yfirveg-
aður ég var á lokahringnum og missti
aldrei einbeitinguna,“ sagði Bjarki
sem náði að sofa í nokkra tíma að-
faranótt sunnudags. „Já já ég svaf til
svona sex og náði að sofa í sex tíma
eða svo. Ég gat hins vegar ekki sofið
meira þar sem ég var með fiðrildi í
maganum,“ útskýrði Bjarki.
Þolinmæði og jákvæðni
Kylfingarnir á Íslandsmótinu
fengu ýmsar útgáfur af veðri meðan
á mótinu stóð. Aðstæður voru krefj-
andi þrátt fyrir að Bjarki hafi náð að
spila samtals á 13 höggum undir pari.
Sálrænt fékk Bjarki góðan meðbyr
inn í mótið því nokkrum dögum fyrir
mótið, eða helgina áður, lék hann á 64
á mótum bæði á Selfossi og í Borg-
arnesi. Þótt hann hafi ekki leikið þar
á meistaraflokksteigum þá er slíkt
skor sterk vísbending um að púttin
og stutta spilið sé gott og gefur aukið
sjálfstraust.
Þegar að Íslandsmótinu kom var
þolinmæði lykilatriði að sögn Bjarka.
„Þolinmæði og jákvæðni var lykillinn
að sigrinum. Margir kylfingar gefast
upp þegar veðrið er ekki ákjósanlegt
en það á ekki við um bestu íslensku
kylfingana sem eru öllu vanir. Það
getur verið lærdómur fyrir alla að
maður á aldrei að gefast upp á golf-
vellinum. Á 5. holu á fyrsta hringnum
í mótinu sló ég út fyrir vallarmörk og
fékk víti. [Lék holuna á 7 höggum og
fékk skramba]. Þar hefði maður get-
að farið í fýlu og velt sér upp úr því
hversu lélegt þetta var. En viðhorfið
breyttist ekkert hjá mér heldur
minnti ég sjálfan mig á að halda
áfram að vera jákvæður og þolin-
móður,“ sagði Bjarki sem lék fyrsta
hringinn á pari vallarins. Hann byrj-
aði með látum á öðrum keppnisdegi
og fékk þá fugla á fyrstu fjórum hol-
unum. Eftir það virtist hann ávallt
líklegur til að vinna mótið.
Arnar Már og Sigurður
Eins og fram kom í blaðinu í gær
ákvað Bjarki að elta þjálfarann Arnar
Má Ólafsson í Golfklúbb Kópavogs og
Garðabæjar þótt Bjarki búi áfram á
æskuslóðunum í Borgarnesi. Hann
hefur starfað með Arnari í mörg ár
rétt eins og Paul Dewland og uppskar
ávöxt erfiðisins á sunnudag þegar
hann varð Íslandsmeistari á nýju
mótsmeti.
„Ég hef unnið með Arnari Má í sex
eða sjö ár. Ég fór til Þýskalands á
sumrin í fjögur ár þegar Arnar var
þar. Þá keppti ég fyrir Berlín-
Wannsee en Arnar þjálfaði hjá þeim
klúbbi. Þegar hann flutti heim kom
aldrei annað til greina en að elta
hann. Áherslur Arnars henta mér
rosalega vel og kennsluaðferðir hans
eru einfaldar. Hann er með ákveðnar
áherslur og vill ná þeim fram. Hann
leggur áherslu á það en að öðru leyti
er hann ekki að flækja hlutina,“
sagði Bjarki og blaðamaður þykist
vita að Sigurður Hafsteinsson golf-
kennari eigi eitthvað í Bjarka.
„Já, Sigurður Hafsteinsson á klár-
lega eitthvað í mér líka sem kylfingi.
Ég var hjá honum í nokkur ár áður
en ég fór til Arnars Más. Það var frá-
bær tími. Siggi hjálpaði mér að kom-
ast út til Islandtilla á Spáni og þá gat
ég æft þar á veturna. Ég verð einnig
að þakka Peter Salmon sem rekur
golfdeildina hjá Vita. Þeir voru til-
búnir til að hjálpa mér,“ sagði Bjarki
Pétursson.
Ráðist að vandanum
 Íslandsmeistarinn í golfi glímdi við sjúklegan keppniskvíða á árum áður
 Leitaði sér hjálpar hjá fagmanni erlendis með ágætum árangri
Ljósmynd/GSÍ
Fugl Bjarki Pétursson setur pútt niður á 72. holu Íslandsmótsins eftir frábært högg og slær mótsmetið.
Knattspyrnumaðurinn Andri Rúnar
Bjarnason hefur gert tveggja ára
samning við Esbjerg í Danmörku.
Kemur hann til félagsins frá Kais-
erslautern í Þýskalandi.
Ólafur Kristjánsson tók við Es-
bjerg á dögunum og mun framherj-
inn því spila fyrir landa sinn, en
Esbjerg féll úr dönsku úrvalsdeild-
inni á síðustu leiktíð og niður í B-
deildina. Keppni í deildinni hefst
10. september.
Andri er 29 ára og lék hann tíu
leiki með Kaiserslautern í C-deild
Þýskalands á síðasta tímabili.
Ólafur fær Andra
Rúnar til sín
Ljósmynd/Kaiserslautern
Esbjerg Andri Rúnar Bjarnason
spreytir sig í Danmörku.
Bikarkeppni Frjálsíþrótta-
sambands Íslands hefur verið frest-
að um tvær vikur en hún átti að
fara fram í flokkum fullorðinna og
15 ára og yngri á Selfossi næsta
laugardag, 15. ágúst. Þetta kemur
fram í tilkynningu FRÍ sem segist
hafa tekið ákvörðunina í samráði
við formenn félaganna sem skráð
eru til leiks.
Bikarkeppni FRÍ í þessum flokk-
um mun því að öllu óbreyttu fara
fram laugardaginn 29. ágúst en
gæti þó verið frestað frekar eða af-
lýst með stuttum fyrirvara.
Bikarkeppninni
frestað hjá FRÍ
Ljósmynd/Skapti Hallgrímsson
Frjálsar Sjöþrautarkonan María
Rún Gunnlaugsdóttir í langstökki.
hafnaði í 2. sæti úrvalsdeild-
arinnar á síðustu leiktíð. Norska
liðið mætti Völsurum í eftir-
minnilegu einvígi fyrir tveimur ár-
um þar sem Valsmenn unnu óvænt-
an 1:0-sigur á Hlíðarenda og voru
svo hársbreidd frá því að fara
áfram en fengu á sig vítaspyrnu í
uppbótartíma í Þrándheimi, töp-
uðu 3:1.
Blikar tóku einnig þátt í fyrstu
umferðinni í fyrra og féllu þar úr
leik við fyrstu hindrun gegn Vaduz
frá Liechtenstein. Liðin gerðu
markalaust jafntefli á Kópavogs-
velli áður en Vaduz vann 2:1 á
heimavelli sínum. Þetta er í sjötta
sinn sem Blikar taka þátt í Evr-
ópukeppni, gerðu það fyrst 2010
þegar þeir féllu úr keppni gegn
Motherwell frá Skotlandi.
Víkingar aftur til Slóveníu
Víkingur fer til Slóveníu og
mætir þar Olimpija Ljubljana sem
hafnaði í þriðja sæti í efstu deild
þar í landi á síðustu leiktíð. Vík-
ingar spiluðu sömuleiðis við and-
stæðing frá Slóveníu, síðast þegar
þeir tóku þátt í keppninni sumarið
2015, mættu þá Koper í sínum
fyrsta Evrópuleik í 23 ár.
Víkinga skorti herslumuninn
það skiptið, voru síst lakari aðilinn
í 1:0-tapi í Fossvoginum og áttu
svo stórleik úti viku síðar, gerðu
2:2-jafntefli og voru nálægt því að
komast áfram. Þeir hafa sjö sinn-
um tekið þátt í Evrópukeppni í
sögu félagsins. Sigurvegarar
leikjanna fara áfram í aðra um-
ferð.
Morgunblaðið/Árni Sæberg
Evrópa Úr leik Breiðabliks og Vaduz frá Slóveníu á Kópavogsvelli í fyrra.
Bandaríkjamað-
urinn Collin Mo-
rikawa tryggði
sér sigur á PGA-
meistaramótinu í
golfi sem lauk að-
faranótt mánu-
dags. Morikawa
er einungis 23
ára gamall en
hefur unnið tvö
mót með stuttu
millibili. Hann sigraði einnig á
Workday Charity Open um miðjan
júlí.
Morikawa hafði betur gegn mörg-
um af þekktustu kylfingum heims
en Dustin Johnson hafði forystuna
fyrir lokadaginn. Þá höfðu þeir Bro-
oks Koepka, Bryson DeChambeau,
Justin Rose, Tony Finau og Paul
Casey verið í toppbaráttunni lengi
vel í mótinu en Morikawa tókst að
vinna með tveggja högga mun.
Þýtur hann upp í 5. sæti heims-
listans en var í 12. sæti á listanum
fyrir mótið. Spánverjinn Jon Rahm
endurheimti efsta sæti listans og
Justin Thomas var því aðeins í viku í
efsta sæti í þetta skiptið.
Morikawa er í öðru sæti á pen-
ingalistanum sem stendur en úrslit-
in í FedEx Cup-úrslitakeppninni
ráðast í byrjun september. Fyrir
sigurinn fékk hann um 270 milljónir
íslenskra króna. sport@mbl.is
Þýtur upp í 5.
sæti heims-
listans í golfi
Collin
Morikawa