Morgunblaðið - 18.09.2020, Blaðsíða 11

FRÉTTIR 11Innlent
MORGUNBLAÐIÐ FÖSTUDAGUR 18. SEPTEMBER 2020
Bláu húsin Faxafeni ◊ S. 588 4499 ◊ Opið mán.-fös. 11-18, lau. 11-16 ◊ www.mostc.is
Vefverslun
komin í loftið!
mostc.is
Gerið verðsamanburð
FULL BÚÐ
AF NÝJUM OG
FALLEGUM
VÖRUM
6.990 kr.
Kjólar
Sýslumanninum í Vestmannaeyjum,
Arndísi Soffíu Sigurðardóttur, hefur
verið falið að stýra tilraunaverkefni
sem gengur út á að efla og þróa sam-
vinnu sýslumanna, lögreglu, félags-
þjónustu og barnaverndar í málum
er lúta að velferð og högum barna,
með áherslu á vernd barna sem búið
hafa við heimilisofbeldi.
Verkefnið hefur fengið fimm millj-
óna króna styrk frá félags- og barna-
málaráðherra og dómsmálaráðherra
og var það innsiglað með athöfn í
Landlyst í Vestmannaeyjum í gær.
Þann dag hófst jafnframt vinnustofa
í Eyjum, og lýkur í dag. Þar er sam-
an komið fagfólk til ræða hvað betur
megi fara í verkferlum og sam-
skiptum á milli stofnana ríkis og
sveitarfélaga sem höndla með mál-
efni barna.
Á vinnustofunni flytja erindi m.a.
þær Eliza Reid forsetafrú, Eyrún
Guðmundsdóttir, sviðsstjóri fjöl-
skyldusviðs hjá sýslumanninum á
höfuðborgarsvæðinu, Berglind Ósk
Filipusdóttir, sérfræðingur á ráð-
gjafar- og fræðslusviði Barnavernd-
arstofu, og Sigríður Björk Guðjóns-
dóttir ríkislögreglustjóri.
Morgunblaðið/Óskar Pétur Friðriksson
Vestmannaeyjar Arndís Soffía Sigurðardóttir tekur við styrknum frá ráð-
herrunum Áslaugu Örnu Sigurbjörnsdóttur og Ásmundi Einari Daðasyni.
Styrkja verkefni um
aukna vernd barna
Margrét Þóra Þórsdóttir
Akureyri
„Við erum ánægð með viðtökur, þátt-
taka á kynningarfundi og göngu var
mikil og við merkjum að fólk almennt
er spennt fyrir þessu nýja íbúða-
svæði. En eins og títt er þegar eitt-
hvað nýtt kemur fram eru skoðanir
skiptar og þeir eru vissulega til sem
telja svæðið ekki vel til þess fallið að
byggja á því íbúðir,“ segir Pétur Ingi
Haraldsson, sviðsstjóri skipulags-
sviðs Akureyrarbæjar.
Áform eru uppi um nýja íbúða-
byggð norðaustan við Krossanes-
braut, ofan við smábátahöfnina í
Sandgerðisbót. Þar stendur til að
byggja allt að 280 íbúðir í blandaðri
byggð fjölbýlishúsa, raðhúsa, par-
húsa og einbýlishúsa. Með því er ver-
ið að taka ónotuð svæði innan núver-
andi byggðar og skipuleggja þau.
„Skipulag þessa nýja íbúðahverfis
hefur verið í vinnslu frá árinu 2017 en
við erum núna að kynna drög að til-
lögu um þetta svæði,“ segir Pétur
Ingi. Bæjarbúum gafst kostur á að
kynna sér drögin í Menningarhúsinu
Hofi en þar var tillagan sett fram á
myndrænan og aðgengilegan hátt.
Starfsfólk bæjarins og skipulagsráð-
gjafi voru á svæðinu, sögðu frá og
svöruðu spurningum, auk þess sem
íbúar gátu komið sjónarmiðum sínum
á framfæri. Þá var boðið upp á
gönguferð með leiðsögn um nýja
hverfið þar sem greint var frá helstu
hugmyndum og uppbyggingu á
svæðinu.
Um 65 og 70 manns mættu í göng-
una og áhugi göngufólks fyrir svæð-
inu var greinilega mikill. „Við leggj-
um mikla áherslu á að kynna
tillöguna vel og fara fjölbreyttar og
sumpart óvenjulegar leiðir til þess að
eiga samtal við íbúa um framtíðar-
uppbyggingu. Við erum mjög ánægð
með þennan áhuga íbúa og skynjum
ekki annað en að fólk taki því fagn-
andi að fá þarna nýtt íbúðasvæði. Það
er langt síðan boðið hefur verið upp á
slík svæði í norðurhluta Akureyrar,
áherslan hefur undanfarna nær tvo
áratugi verið í Nausta- og Haga-
hverfi í suðurhluta bæjarins,“ segir
Pétur Ingi ennfremur.
Hann bendir einnig á að land sé
mikilvæg auðlind. „Þétting byggðar
er líka vistvænn kostur, fellur t.d.
betur að umhverfissjónarmiðum en
að dreifa byggðinni og taka landbún-
aðarland undir nýtt hverfi.“
Holtahverfi norður verður skipt
upp í alls fimm áfanga og hefur þegar
verið hafist handa við einn þeirra, en
nú stendur yfir smíði á litlum ein-
býlishúsum sem reist verða á lóð ofan
smábátahafnar þar sem býlið Byrgi
stóð áður. Fyrstu tvö húsin af fjórum
eru nú í smíðum og væntir Pétur Ingi
þess að þeim verði komið fyrir eins
fljótt og auðið er. Húsin eru ætluð
sem tímabundið úrræði fyrir heim-
ilislausa og segir hann mikilvægt að
horfa til þess að allir hópar sam-
félagsins séu velkomnir á nýtt svæði.
Morgunblaðið/Margrét Þóra
Akureyri Bæjarbúar mættu í Hof og kynntu sér nýja Holtahverfið, ofan við smábátahöfnina í Sandgerðisbót.
Kynna nýtt hverfi
 280 íbúðir verða í blönduðu Holtahverfi á Akureyri
 Skipt niður í fimm áfanga  Fyrstu húsin eru í smíðum
Kynning Farinn var göngutúr um
hverfið í fylgd Péturs Inga.
Viðar Guðjónsson
vidar@mbl.is
Mikil eftirvænting er meðal þeirra
sem hafa ánægju af tölvuleikja-
ástundum eftir að Playstation
kynnti nýjasta útspil sitt, leikjatölv-
una Playstation 5, í fyrradag. Play-
station 4 kom út árið 2013 og að
sögn Ólafs Jóelssonar fram-
kvæmdastjóra Senu, sem heldur ut-
an um sölu á tölvunum hérlendis,
hafa selst um 50 þúsund Playstation
4-tölvur á Íslandi.
Sony framleiðir Playstation og
kemur fram í kynningu frá fyrir-
tækinu að tölvan komi á markað 19.
nóvember í Evrópu. „Síminn hefur
ekki stoppað hjá mér eftir kynn-
inguna og í spjallsamfélögum á ís-
lenskum samfélagssíðum finnur
maður fyrir gríðarlegri spennu.
Þetta er því stórviðburður og mað-
ur finnur það á eigin skinni,“ segir
Ólafur.
Í kynningunni komu m.a. fram
tilmæli um að tölvan með diskadrifi
myndi kosta um 500 evrur eða sem
nemur 81 þúsund krónum. Tölva án
diskadrifs, sem er fyrir þá sem
nálgast tölvuleiki sína eingöngu á
netinu, mun hins vegar kosta nær
400 evrum eða sem nemur 64 þús-
und krónum.
Dýrara á Íslandi
Aðspurður segir Ólafur að um
sé að ræða einhvers konar meðal-
verð í kynningunni. Líkur séu á að
verðið verði hærra hér á landi sök-
um þess að virðisaukaskattur er
hærri á Íslandi en víðast hvar ann-
ars staðar. „Í þessum tölvuleikja-
iðnaði er gjarnan mikið stríð á milli
XBox og Playstation og XBox var
búið að leggja línurnar með útgáfu-
degi og verði og nú kemur Sony í
kjölfarið,“ segir Ólafur.
Að sögn hans hefur Playstation
verið með markaðsráðandi stöðu í
Evrópu og Asíu. Hins vegar hefur
XBox átt Bandaríkjamarkað.
„Microsoft, sem framleiðir XBox,
hefur til að mynda algjörlega huns-
að Ísland sem markaðssvæði og sú
tölva er ekki seld hér,“ segir Ólafur.
Hann segir að meginbreytingin sem
verður með Playstation 5 sé mun
raunverulegri grafík í leikjunum en
í eldri tölvum og vinnslan sé hraðari
en áður. „Biðin eftir því að leikir
hefjist þegar kveikt er á tölvunni er
engin og hægt verður að hefja leik
samstundis á sama stað og hætt var
áður,“ segir Ólafur.
Finna fyrir atvikum
í leiknum
Að sögn hans er því spáð að
Playstation muni einnig höfða betur
til næstu kynslóðar en XBox. „Play-
station 5 verður með nýja stýri-
pinna þar sem leikmenn finna fyrir
atvikum í leiknum. T.a.m. ef þú ert
að skjóta úr byssu og svo hættir
hún að virka þá mun takkinn á fjar-
stýringunni einnig standa á sér. En
svo losnar hann aftur um leið og
búið er að laga byssuna,“ segir
Ólafur.
Nýja tölvan
frá Playstation
veldur spenningi
 50 þúsund Playstation 4-tölvur á Íslandi
AFP
Playstation Spenna er vegna út-
gáfu Playstation 5-leikjatölvunnar.