Morgunblaðið - 29.08.2020, Blaðsíða 13

FRÉTTIR 13Erlent
MORGUNBLAÐIÐ ÞRIÐJUDAGUR 29. SEPTEMBER 2020
Fyrir
líkama
og sál
L augarnar í Reykjaví k
w w w. i t r. i s
Stefán Gunnar Sveinsson
sgs@mbl.is
Donald Trump Bandaríkjaforseti
sagði í fyrrinótt að það væri af og frá
að hann hefði ekki greitt nema 750
bandaríkjadali, eða sem nemur um
100.000 íslenskum krónum, í tekju-
skatt til bandaríska alríkisins árin
2016 og 2017, eftir að bandaríska
dagblaðið New York Times sagðist
hafa skattskýrslur forsetans frá um
tuttugu ára tímabili undir höndum.
Í fréttaskýringu blaðsins um efni
skattskýrslnanna var einnig greint
frá því að Trump hefði á tíu árum af
fimmtán ára tímabili, frá 2000-2015
ekki greitt neina tekjuskatta til al-
ríkisins, þar sem framtöl hans sýndu
að hann hefði tapað meiri peningum
en hann hafði grætt þau árin.
Þá hélt blaðið því fram að Trump
hefði einnig náð að minnka skatt-
byrði sína hjá bandarískum yfirvöld-
um með því að sækja um endur-
greiðslu upp á 72,9 milljónir
bandaríkjadala, en sú greiðsla er nú
til rannsóknar hjá alríkisskattstofu
Bandaríkjanna, IRS. Þá hafi Trump
sótt um frádrátt vegna húsnæðis,
flugvéla og útgjalda í hárgreiðslu-
kostnað sinn vegna sjónvarpsþátta-
gerðar.
Trump ekki birt framtölin
Frá forsetatíð Richards Nixon
hefur venjan verið sú að forseta-
frambjóðendur geri skattframtöl sín
opinber fyrir kosningar, en Trump
lét það ógert fyrir kosningarnar 2016
og hefur streist gegn birtingu þeirra
nú með þeim rökum að þau séu nú til
rannsóknar í skattamáli, en saksókn-
arar í New York-borg hafa reynt að
fá framtölin birt.
„Í fyrsta lagi borgaði ég mikið og
ég borgaði einnig mikið til ríkisins
[New York],“ sagði Trump á blaða-
mannafundi sínum í fyrrinótt þegar
frétt New York Times var borin und-
ir hann. Hét Trump því að hann
myndi birta réttar tölur fljótlega.
Fyrstu kappræðurnar í nótt
Demókratar á Bandaríkjaþingi
sögðu frétt New York Times sýna að
Trump hefði nýtt sér skattkerfið til
þess að komast hjá því að greiða sinn
réttmæta skerf til samfélagsins. Þá
birti framboð Joes Biden, forseta-
frambjóðanda demókrata, auglýs-
ingu, þar sem meðalskattbyrði kenn-
ara, slökkviliðsmanna og hjúkrunar-
fræðinga var borin saman við 750
bandaríkjadali.
Trump og Biden munu í nótt eig-
ast við í fyrstu kappræðum sínum af
þrennum vegna forsetakosninganna.
Sakaði Trump mótframbjóðanda
sinn í fyrrinótt um að hafa tekið inn
lyf til að bæta frammistöðu sína og
skoraði forsetinn á Biden að þeir
færu báðir í lyfjapróf fyrir eða eftir
kappræðurnar.
AFP
Skattamál Trump hafnaði frétt New York Times um skattamál sín.
Segist hafa borgað skatta
 New York Times segir Trump Bandaríkjaforseta bara hafa borgað 750 banda-
ríkjadali í tekjuskatt til alríkisins árið 2016  Fyrstu kappræðurnar haldnar í nótt
Hvítrússneski stjórnarandstæðing-
urinn Svetlana Tikhanovskaya
hvatti í gær Emmanuel Macron,
forseta Frakklands, til þess að taka
að sér hlutverk sáttasemjara í krís-
unni sem komin er upp í Hvíta-
Rússlandi. Þá sagði hún brýnt að
Evrópusambandið setti við-
skiptabann á bakhjarla Alexanders
Lúkasjenkós, forseta landsins.
Macron mun funda með Tikhan-
ovskayu í Vilníus, höfuðborg Lithá-
ens, í dag, en hún flúði þangað eftir
að opinber niðurstaða forsetakosn-
inganna lá fyrir í ágúst. Lagði hún
til að Macron og Vladimír Pútín
Rússlandsforseti gætu átt þátt í
friðarferli milli stjórnar og stjórn-
arandstöðu. Sagði hún við AFP-
fréttastofuna að mótmæli gegn
kosningasvikum Lúkasjenkós
myndu ekki hætta fyrr en lausn
fengist í málið.
HVÍTA-RÚSSLAND
AFP
Mótmæli Enn var mótmælt í Minsk,
höfuðborg Hvíta-Rússlands, um helgina.
Macron miðli málum
í deilunni í Minsk
Haraldur 5. Nor-
egskonungur var
í gær útskrifaður
af háskólasjúkra-
húsinu í Osló, en
hann var lagður
þar inn í síðustu
viku með
öndunarfæra-
vandamál ótengt
kórónuveiru-
faraldrinum.
Haraldur, sem er 83 ára gamall,
verður í veikindaleyfi fram yfir
næstu helgi samkvæmt tilkynningu
frá norsku konungsfjölskyldunni.
Hákon krónprins mun sinna skyld-
um Haraldar tímabundið á meðan
hann jafnar sig.
NOREGUR
Haraldur útskrif-
aður af sjúkrahúsi
Haraldur 5.
Noregskonungur
Rúmlega ein milljón manna hefur
nú látist í kórónuveirufaraldrinum
frá því að hann blossaði upp seint
á síðasta ári samkvæmt opinberum
tölum sem AFP-fréttastofan held-
ur utan um.
Rúmlega 33 milljónir manna
hafa nú smitast af veirunni á þeim
níu mánuðum sem faraldurinn hef-
ur geisað. Þar af hafa langflest til-
felli komið upp í Bandaríkjunum,
en þar hefur 7,1 milljón manna
greinst með veiruna. Dauðsföllin
þar eru nú rúmlega 204.000 tals-
ins, sem er einnig hið hæsta í
heimi.
Næstflest dauðsföll af völdum
veirunnar hafa orðið í Brasilíu, en
þar hafa rúmlega 141.000 manns
látist úr Covid-19, sjúkdóminum
sem kórónuveiran veldur, en rúm-
lega 4,7 milljónir tilfella hafa
greinst í landinu, og situr landið í
þriðja sæti yfir ríki með flest til-
felli á eftir Bandaríkjunum og Ind-
landi, þar sem um sex milljónir
manna hafa smitast og rúmlega
95.000 látist.
Önnur bylgjan í fullum gangi
Önnur bylgja kórónuveirunnar
er enn í fullum gangi í ríkjum Evr-
ópu, og hafa yfirvöld í höfuð-
borgum Frakklands, Bretlands og
Spánar öll hert á sóttvarnaaðgerð-
um sínum á ný til þess að stemma
stigu við fjölgun tilfella. Stjórnvöld
á Spáni vöruðu borgaryfirvöld í
Madrid í gær við því að enn harð-
ari aðgerða kynni að verða krafist,
en um milljón íbúa þar sætir nú
útgöngubanni vegna smithættu.
Alþjóðaheilbrigðisstofnunin
WHO hefur varað við því að
dauðsföllum af völdum veirunnar
gæti hæglega fjölgað upp í tvær
milljónir taki ríki heims ekki hönd-
um saman í baráttunni gegn far-
aldrinum. Vonir eru bundnar við
að bóluefni gegn veirunni verði
tilbúið snemma á næsta ári, en níu
slík eru nú á lokastigi prófana.
Milljón manns hefur látist í faraldrinum
 Alþjóðaheilbrigðisstofnunin varar
við að fjöldi látinna geti tvöfaldast
AFP
Kistusmíði Milljón manna hefur nú
látið lífið í kórónuveirufaraldrinum.
Minnst 58 manns féllu í átökum gær-
dagsins milli armenskra aðskilnað-
arsinna og aserbaídjsanskra her-
sveita í hinu umdeilda Nagorno-
Karabak-héraði. Nágrannaríkin tvö
hafa deilt um héraðið í áratugi, og
blossuðu átök upp að nýju um
helgina.
Um 30.000 manns létust í átökum
um héraðið á tíunda áratug 20. aldar
þegar yfirvöld þar lýstu yfir sjálf-
stæði sínu. Ekkert ríki hefur hins
vegar viðurkennt sjálfstæði þess og
alþjóðasamfélagið lítur á héraðið
sem hluta af Aserbaídsjan. Ríkin tvö
samþykktu vopnahlé árið 1994, en
eiginlegar friðarviðræður hafa ekki
farið fram í um áratug.
Dímítrí Peskov, talsmaður Pútíns
Rússlandsforseta, hvatti í gær deilu-
aðila til þess að bera klæði á vopn sín
áður en til frekari átaka kæmi. Auk
Rússa hafa Evrópusambandið,
Frakkar, Þjóðverjar, Ítalir og
Bandaríkjamenn hvatt til vopnahlés.
Stjórnvöld í ríkjunum tveimur
virtust hins vegar í gær vera að búa
sig undir frekari átök og hafa herir
beggja ríkja verið settir á aukið við-
búnaðarstig.
50 km
Hörð átök í Nagorno-Karabak
GEORGÍA
A S E R .
JEREVANTY
R
K
LA
N
D
ÍRAN
Kaspíahaf
BAKÚ
R ÚSSLAND
A R M E N Í A A S E R B A Í D S J A N
Nagorno-
Karabak
Stepanakert 28. sept.: hörð
átök annan
daginn í röð
Þjóðarleiðtogar
hvetja til vopnahlés
Fjöldi fallinn í
héraðinu umdeilda
58 fallnir í átökum
í Nagorno-Karabak