Morgunblaðið - 26.10.2020, Blaðsíða 26

26 ÍÞRÓTTIR
MORGUNBLAÐIÐ MÁNUDAGUR 26. OKTÓBER 2020
HANDBOLTI
Jóhann Ingi Hafþórsson
johanningi@mbl.is
„Þetta kom mér á óvart, en ég er
mjög glaður,“ sagði Óskar Ólafsson,
nýjasti landsliðsmaður Íslands í
handbolta, í samtali við Morg-
unblaðið. Óskar var valinn í lands-
liðshópinn sem mætir Litháen og
Ísrael í undankeppni EM í næsta
mánuði. Er leikurinn við Litháen 4.
nóvember og leikurinn við Ísrael
þremur dögum síðar.
Óskar rifjaði upp símtal við
Gunnar Magnússon þar sem honum
var tjáð að hann væri kominn í
landsliðið. „Gunnar Magnússon
hringdi í mig. Ég sá að þetta var ís-
lenskt númer og ég vissi ekki hver
þetta var, en svo heyrði ég að þetta
væri Gunnar og hann vildi fá mig í
landsliðsverkefnið. Ég var mjög
glaður og þetta er afar spennandi.“
Eigum að vera sterkari
Leikstjórnandinn, sem er 26 ára,
segir Ísland vera með betra lið en
Litháen og Ísrael, en það verði að
sýna það á vellinum. „Við eigum að
vera sterkari en bæði Litháen og
Ísrael og vonandi náum við að sýna
það með tveimur góðum leikjum,“
sagði Óskar.
Óskar hefur áður spilað í ís-
lensku landsliðstreyjunni en hann
var í unglingalandsliðinu á árum
áður. „Það eru örugglega komin sex
eða sjö ár síðan. Ég man vel eftir
þeim tíma og það var skemmtilegt.
Ég var bæði með Sigvalda og Ja-
nusi í liði og svo var Sigvaldi auð-
vitað í Elverum í Noregi,“ sagði
Óskar.
Hann viðurkennir að hafa ekki
verið að hugsa sérstaklega um að
vera kallaður upp í landsliðið. „Ég
hef bara spilað hér í Noregi og ekki
hugsað neitt rosalega mikið út í að
vera kallaður upp í landsliðið. Mað-
ur hefur samt alltaf fylgst með lið-
inu,“ sagði leikmaðurinn.
Íslenska töluð á heimilinu
Óskar flutti til Noregs þegar
hann var aðeins tveggja ára gamall.
Eru báðir foreldrar hans íslenskir
og hann segir það aldrei hafa komið
til greina að spila með norska
landsliðinu. Þá er hann einungis
með íslenskan ríkisborgararétt, en
ekki norskan. „Það kom aldrei ann-
að en Ísland til greina. Ef ég fengi
símtal frá norska sambandinu og
því íslenska á sama tíma hefði ég
100% valið Ísland frekar. Þótt ég
hafi bara verið tveggja ára þegar
ég flutti út þá er ég Íslendingur og
ég reyni að halda í íslenskuna. Það
hefur alltaf verið töluð íslenska á
heimilinu.“
Nýjasti landsliðsmaðurinn hefur
síðustu ár verið áberandi í varn-
arleik Drammen og þykir hann
einn besti varnarmaður norsku
deildarinnar. Hefur hann vakið
meiri athygli síðustu vikur þar sem
hann er byrjaður að bæta við mörk-
um í leik sinn. Óskar hefur skorað
36 mörk í níu leikjum í norsku úr-
valsdeildinni og er næstmarkahæst-
ur hjá Drammen.
Byrjaður að skora meira
„Ég hef fengið fleiri tækifæri í
sókninni núna en oft áður. Norski
landsliðsmaðurinn Espen Lie Han-
sen meiddist í byrjun tímabilsins og
þá fékk ég tækifærið og það hefur
gengið mjög vel. Vörnin hefur í
gegnum tíðina verið mitt hlutverk
og ég hef verið ánægður með það
þar mér finnst gaman að spila
vörn.“
Hjá Drammen leikur Óskar und-
ir stjórn Kristians Kjellings sem
gerði góða hluti með norska lands-
liðinu á árum áður. Hann er ánægð-
ur hjá félaginu og einbeitir sér nú
að því að standa sig vel í Noregi og
með íslenska landsliðinu. „Ég hef
ekki fengið fyrirspurnir síðustu ár-
in, en mér líður mjög vel í Dram-
men. Kristian Kjelling er mjög góð-
ur þjálfari og þetta er góður hópur.
Maður veit aldrei hvað gerist í
framtíðinni en núna er ég einbeitt-
ur á Ísland og Drammen.
Elverum hefur síðustu ár verið
með nokkra yfirburði í norska
handboltanum, en Óskar varð
norskur bikarmeistari fyrir þremur
árum, en hann hefur leikið með
Drammen síðan 2016, en var áður
hjá Follo í B-deildinni.
Hefði 100 prósent valið
Ísland frekar en Noreg
 Óskar Ólafsson er nýjasti landsliðs-
maður Íslands í handbolta
Ljósmynd/Drammen
Ísland Óskar Ólafsson er nýjasti landsliðsmaður Íslands í handbolta.
Erkifjendurnir Barcelona og Real
Madríd mættust á Nývangi í 6. um-
ferð spænsku efstu deildarinnar í
knattspyrnu á laugardag og voru
það gestirnir frá höfuðborginni
sem höfðu betur, 3:1.
Real er þar með komið aftur á
toppinn, er með 13 stig eftir sex
leiki, en liðið tapaði óvænt gegn ný-
liðum Cadiz í síðustu umferð og
voru vangaveltur um að stjórinn Zi-
nedine Zidane væri valtur í sessi.
Barcelona er sem stendur í tólfta
sæti, liðið er með sjö stig eftir fimm
leiki.
Real vann stór-
slaginn á Spáni
AFP
Fögnuður Luka Modric fagnar
þriðja marki Real Madrid.
Valencia hafði betur gegn Zara-
goza, 93:84, í Íslendingaslag í
spænsku A-deildinni í körfubolta á
laugardag.
Martin Hermannsson var sterkur
hjá Valencia og skoraði 16 stig, tók
þrjú fráköst og gaf tvær stoðsend-
ingar. Hitti hann úr fjórum af fimm
skotum sínum fyrir utan þriggja
stiga línuna. Tryggvi Snær Hlina-
son átti góðan leik fyrir Zaragoza
og skoraði 11 stig og hitti úr öllum
fimm skotum sínum utan af velli. Þá
tók hann níu fráköst og gaf tvær
stoðsendingar.
Íslendingarnir
áberandi á Spáni
AFP
Öflugur Martin Hermannsson skor-
aði 16 stig fyrir Valencia.
England
Southampton – Everton.......................... 2:0
 Gylfi Þór Sigurðsson lék fyrstu 58 mín-
úturnar með Everton.
Arsenal – Leicester ................................. 0:1
 Rúnar Alex Rúnarsson var varamark-
vörður Arsenal.
West Ham – Manchester City................. 1:1
Fulham – Crystal Palace ......................... 1:2
Manchester United – Chelsea................. 0:0
Liverpool – Sheffield United................... 2:1
Wolves – Newcastle ................................. 1:1
Staðan:
Everton 6 4 1 1 14:9 13
Liverpool 6 4 1 1 15:14 13
Aston Villa 5 4 0 1 12:5 12
Leicester 6 4 0 2 13:8 12
Leeds 6 3 1 2 12:9 10
Southampton 6 3 1 2 10:9 10
Crystal Palace 6 3 1 2 8:9 10
Wolves 6 3 1 2 6:8 10
Chelsea 6 2 3 1 13:9 9
Arsenal 6 3 0 3 8:7 9
Tottenham 5 2 2 1 15:8 8
West Ham 6 2 2 2 12:8 8
Manch.City 5 2 2 1 8:8 8
Newcastle 6 2 2 2 8:10 8
Manch.Utd 5 2 1 2 9:12 7
Brighton 5 1 1 3 9:11 4
WBA 5 0 2 3 5:13 2
Burnley 4 0 1 3 3:8 1
Sheffield Utd 6 0 1 5 3:9 1
Fulham 6 0 1 5 5:14 1
Þýskaland
B-deild:
Darmstadt – St.Pauli .............................. 2:2
 Guðlaugur Victor Pálsson kom inn á sem
varamaður á 72. mínútu hjá Darmstadt.
Ítalía
Lazio – Bologna ....................................... 2:1
 Andri Fannar Baldursson kom inn á sem
varamaður á 72. mínútu hjá Bologna.
Holland
Den Haag – AZ Alkmaar ........................ 2:2
 Albert Guðmundsson lék fyrstu 82. mín-
úturnar með AZ Alkmaar og skoraði.
Belgía
B-deild:
Union St. Gilloise – Club Brugge 23...... 6:0
 Aron Sigurðarson lék fyrstu 52 mínút-
urnar með USG.
Pólland
Slask Wroclaw – Jagiellonia .................. 1:0
 Böðvar Böðvarsson lék allan leikinn með
Jagiellonia.
Slóvakía
Spartak Trnava – Trencín ..................... 2:0
 Birkir Valur Jónsson lék fyrri hálfleik-
inn með Spartak Trnava.
Katar
Al Wakra – Al-Arabi ............................... 2:2
 Aron Einar Gunnarsson lék allan leikinn
með Al-Arabi. Heimir Hallgrímsson þjálfar
liðið.
Hvíta-Rússland
BATE Borisov – Vitebsk......................... 3:1
 Willum Þór Willumsson lék fyrstu 50
mínúturnar með BATE Borisov.
Bandaríkin
New York City – Montreal Impact........ 3:1
 Guðmundur Þórarinsson lék allan leik-
inn með New York City.
Svíþjóð
Malmö – Gautaborg................................. 3:1
 Arnór Ingvi Traustason lék fyrstu 63
mínúturnar með Malmö.
Östersund – Hammarby ......................... 1:3
 Aron Jóhannsson lék allan leikinn með
Hammarby og skoraði þriðja markið.
Noregur
Bodö/Glimt – Mjöndalen ........................ 2:0
 Alfons Sampsted lék allan leikinn með
Bodö/Glimt.
 Dagur Dan Þórhallsson var ekki í leik-
mannahóp Mjöndalen.
Brann – Stabæk ....................................... 1:1
 Jón Guðni Fjóluson lék allan leikinn með
Brann.
Sarpsborg – Rosenborg.......................... 1:2
 Hólmar Örn Eyjólfsson lék allan leikinn
með Rosenborg.
Start – Sandefjord................................... 0:1
 Guðmundur Andri Tryggvason lék ekki
með Start vegna meiðsla. Jóhannes Harð-
arson þjálfar liðið.
 Viðar Ari Jónsson lék fyrstu 83 mínút-
urnar með Sandefjord og lagði upp markið.
Emil Pálsson leysti hann af hólmi.
Molde – Strömsgodset ............................ 2:1
 Ari Leifsson og Valdimar Þór Ingimund-
arson komu inn á sem varamenn á 78. mín-
útu. Valdimar skoraði mark Strömsgodset.
Vålerenga – Kristiansund ...................... 1:1
 Viðar Örn Kjartansson lék fyrstu 81
mínútuna með Vålerenga og skoraði. Matt-
hías Vilhjálmsson leysti hann af hólmi.
B-deild:
Lilleström – Sandnes Ulf ........................ 4:2
 Tryggvi Hrafn Haraldsson lék fyrstu 88.
mínúturnar með Lilleström og skoraði.
Björn Bergmann Sigurðarson kom inn á
sem varamaður á 64. mínútu en Arnór
Smárason er frá vegna meiðsla.
 Sveinbjörn Iura er úr leik á Grand Slam-mótinu í júdó í
Búdapest í Ungverjalandi en hann tapaði gegn Damian
Szwarnowiecki frá Póllandi á laugardag. Sveinbjörn
keppir í -81 kg flokki og mætti þar Pólverjanum sem er í
42. sæti heimslistans. Szwarnowiecki var þó erfiðari
andstæðingur en heimslistinn gefur til kynna, en hann
hafnaði í 5. sæti á HM árið 2018.
Sveinbjörn er einn þeirra íslensku íþróttamanna sem
hefur unnið að því síðustu árum að vinna sér keppnisrétt
á Ólympíuleikunum í Tókýó sem fara áttu fram í sumar
en var frestað þar til næsta sumar. Hann hefur ekki haft
tækifæri til að keppa á alþjóðlegum mótum í langan tíma
vegna faraldursins en Alþjóðajúdósambandið stóð síðast fyrir móti í febr-
úar.
Sveinbjörn er í 64. sæti heimslistans. Hann náði meðal annars 3. sæti á
Asian Open í Hong Kong í fyrra.
Sveinbjörn mátti þola tap
Sveinbjörn
Iura
EM kvenna í handbolta fer fram í Danmörku og Noregi í
desember og hafa harðar sóttvarnareglur vakið athygli.
Greinist einn leikmaður smitaður í liði verða tvö lið send
heim.
Ef einn leikmaður greinist með kórónuveirusmit verð-
ur ekki aðeins landslið viðkomandi leikmanns sent heim
af mótinu heldur einnig liðið sem það mætti í leiknum á
undan. Þannig verða reglurnar hjá þeim liðum sem spila
í Noregi hið minnsta.
„Við erum aðeins að framfylgja tilmælum yfirvalda og
þau eru ströng,“ sagði Erik Langerud, framkvæmda-
stjóri norska handknattleikssambandsins við TV2.
Reglurnar í Danmörku eru ekki eins strangar. Smitist hjá liði sem spilar
í Danmörku verður sá leikmaður sendur í einangrun en aðrir leikmenn
geta haldið áfram leik, svo lengi sem þeir eru ekki líka smitaðir. Þá verða
200 áhorfendur leyfilegir í Noregi en 500 í Danmörku.
Eitt smit sendir tvö lið heim
Nora
Mørk