Morgunblaðið - 26.10.2020, Page 29

MENNING 29
MORGUNBLAÐIÐ MÁNUDAGUR 26. OKTÓBER 2020
SÝND MEÐ
ÍSLENSKU TALI
SÝND MEÐ
ÍSLENSKU TALI
FYRSTA STÓRMYND ÁRSINS
Nýjasta Meistaraverk
Christopher Nolan
★★★★★
★★★★★
★★★★★
The Guardian
The Times
The Telegraph
Nánari upplýsingar um sýningartíma á sambio.is
MÖGNUÐ MYND SEM
GAGNRÝNENDUR HLAÐA LOFI :
★★★★★
★★★★★
★★★★★
Roger Ebert.com
San Fransisco Cronicle
The Playlist
88%
SPLÚNKUNÝ MYND FYRIR
ALLA FJÖLSKYLDUNA
SÝND MEÐ ÍSLENSKU TALI.
MYNDIN SEM HEFUR SLEGIÐ Í GEGN
Í EVRÓPU UNDANFARNAR VIKUR.
SÝND MEÐ
ÍSLENSKU TALI
SÝND MEÐ ÍSLENSKU TALISÝND MEÐ ÍSLENSKU TALI
Helgi Snær Sigurðsson
helgisnaer@mbl.is
Önnur plata tónlistarmannsins Holy
Hrafns, Pandaríkin, er komin út og
orðin aðgengileg á helstu tónlistar-
veitum. Holy Hrafn, réttu nafni Óli
Hrafn Jónasson, gaf sína fyrstu plötu
út fyrir tveimur árum og segist frá
áramótum hafa unnið mikið í nýjum
lögum og fengið þá hugmynd að gera
plötu með því sem hann kallar
„blæjubílatónlist“. Meirihluta plöt-
unnar vann hann frá febrúar fram í
maí og kom platan út í lok ágúst.
Óli virðist hafa gaman af orða- og
talnaleikjum en fyrsta plata hans,
Þrettán stafir, innihélt þrettán lög
auk þess sem titillinn inniheldur
þrettán bókstafi. En hvernig kom tit-
ill nýju plötunnar til hans? „Ég var að
fara að sofa og þá poppaði hann upp í
hausnum á mér. Ég sagði „Pandarík-
in“ upphátt, fór að hlæja og hugsaði
svo með mér að ég yrði að teikna
þetta áður en ég sofnaði svo ég
gleymdi þessu ekki,“ svarar Óli en
teikningin sem hann nefnir prýðir
umslag plötunnar.
Einhvers staðar í b-inu
Óli er fæddur árið 1989, orðinn 31
árs og lærði sem drengur bæði á
píanó og klassískan gítar auk þess að
vera í kór. „Þegar allt hipphoppið
byrjaði, þegar Rímnamín kom út og
Rottweiler þegar ég var í sjöunda
bekk, fór ég að búa til takta í ACID
Pro-forritinu og semja texta,“ segir
Óli og er ennþá að. „Ég er að reyna
að vera duglegri við að gefa tónlistina
út,“ segir hann.
– Ég á erfitt með að skilgreina
þessa tónlist, þetta er ekki rapp, ekki
hipphopp. Ef þú þyrftir að setja plöt-
una í einhverja hillu í plötubúð, hvert
myndirðu þá setja hana?
„Undir blæjubílatónlist,“ svarar
Óli og er í kjölfarið spurður að því
hvort sú hilla sé til. „Já, einhvers
staðar í b-inu, held ég bara.“
– Við hliðina á brimbrettatónlist
kannski?
„Já, ekki langt frá og kannski fönki
og danstónlist,“ svarar Óli og segist í
grunninn vera rappari eða a.m.k.
hliðarsjálf hans, Holy Hrafn. Nýja
platan hafi hins vegar þróast í aðra
átt, lögin ekki rapp heldur af ein-
hverri óræðri tegund.
Engin pandamæri
– Hvernig land eru Pandaríkin?
„Land sem er ekki til, útópía eða
dystópía, griðastaður fyrir skrítið
fólk,“ svarar Óli og er spurður að því
hvort eitthvert land sé
fyrirmynd Pandaríkj-
anna, kannski Bandarík-
in? „Ég veit það ekki,
kannski er þetta „posi-
tive spin“ á bandaríska
drauminn,“ svarar hann.
Í tölvupósti talar Óli
um túristagildrur og
húsasund nýs ríkis án
pandamæra, pandamála
eða afstöðu. „Það eru engin panda-
mál í Pandaríkjunum,“ segir Óli
sposkur þegar blaðamaður nefnir
þessa lýsingu á landinu og plötunni
sem hefur að geyma marga glúrna
texta. Einn slíkan má lesa í fylgju
með viðtalinu og fjallar hann um bil
milli kynslóða. Óli segist upplifa sig á
milli kynslóða. Eru það þá X og Y?
„Já, ætli það ekki. Ég er klárlega í
þessum „millennial“ dekurrassahópi
en ég tengi mikið við yngri kynslóð-
ina og í rauninni X-kynslóðina líka,“
svarar hann.
Góðir gestir
Óli fékk ýmsa tónlistarmenn til liðs
við sig í plötusmíðinni, m.a. Ella Grill,
7berg, Vigdísi Völu Val-
geirsdóttur, HP Ljóð-
kraft, Drenginn fenginn
og Stelpurófuna. Sam-
starfsmennirnir höfðu
sín jákvæðu áhrif á út-
komuna, segir Óli, og að
geggjað sé að fá ein-
hvern utanaðakomandi
til að túlka konseptið.
Ekki eru gestirnir allir
rapparar, sumir hverjir söngvarar og
gjörningalistamenn. Óli naut góðs af
þeim og þeir góðs af honum.
Hvað útgáfutónleika varðar, nú á
tímum kófsins, segir Óli að líklega
verði hægt að halda þá í upphafi
næsta árs, í janúar eða febrúar, ef
veiran leyfir.
„Griðastaður fyrir skrítið fólk“
 Pandaríkin eru útópía eða dystópía  Önnur breiðskífa Holy Hrafns  Var
kominn í háttinn þegar Pandaríkin skutu upp kollinum  Blæjubílatónlist
Lúr Holy Hrafn hvílir
lúin bein með kett-
inum sínum Spock.
Úr texta við „Anakrónískt Kóla“:
Hver er ekki að fara á mis, ekki
voða erfitt/….fortíðin er einsog
blys sem að logar ekki.
Fortíðin er bara saga eins og úr
partýum/og manstu í gamla
daga var allt bara í svarthvítu og
kímnigáfa milli kynslóðanna
týndist/svo týnda kynslóðin
bar’í sífellu yngist.
Týnda kynslóðin, missti eldmóð-
inn/svo klámkynslóðin, tók
kyndilinn og tróð inn.
Þetta er ekki eitthvað til að bera
um á erminni/eða til að skera út
og fela undir hendinni.
Þetta er fyrir félagana hér sem
sitja í nefndinni/þetta er fyrir
elítu meðalmanna blendinginn.
Fortíðin blys
ÚR FIMMTA LAGI
Framhaldsmyndin Borat Subse-
quent Moviefilm: Delivery of Prodi-
gious Bribe to American Regime
for Make Benefit Once Glorious Na-
tion of Kazakhstan, eða Borat 2 til
einföldunar, hefur hlotið almennt
jákvæðar viðtökur gagnrýnenda
það sem af er en myndin var frum-
sýnd á föstudaginn var á Amazon
streymisveitunni.
Myndin er með meðaleinkunnina
67 af 100 á Metacritic, vefsíðu sem
tekur saman gagnrýni ólíkra miðla
og eru gagnrýnendur IndieWire,
Entertainment, Variety, Film, IGN
og Film Threat þeir jákvæðustu í
garð hennar og einnig má nefna
Observer, Screen Daily, Empire og
BBC. Á hinum endanum eru The
Hollywood Reporter, The Wrap og
The Telegraph sem gefa myndinni
falleinkunn.
Í Borat 2 snýr leikarinn Sacha
Baron Cohen aftur í hlutverki
Borats, hins kostulega náunga fá
Kasakstan sem gerði allt vitlaust í
gamanmyndinni Borat: Cultural
Learnings of America for Make
Benefit Glorious Nation of Kazak-
hstan árið 2006. Tókst Cohen að
gabba bæði þekkta og óþekkta
Bandaríkjamenn og afhjúpa for-
dóma og ýmis mein bandarískrar
menningar með því að þykjast vera
fréttamaður frá Kasakstan. Lagðist
þetta grín illa í marga og sumir sem
koma við sögu í myndinni fóru í mál
við Cohen og framleiðendur mynd-
arinnar. Hún hlaut afar góðar við-
tökur gagnrýnenda og meðalein-
kunnina 89 af 100 á Metacritic.
Nýja myndin virðist síðri enda erf-
itt fyrir Cohen að endurtaka leik-
inn, 14 árum síðar. Það virðist þó,
að margra mati, hafa tekist.
Flestir hrifnir af
framhaldi Borat
Kostulegur Cohen í gervi Borats í
Borat Subsequent Moviefilm: Deli-
very of Prodigious Bribe to Americ-
an Regime for Make Benefit Once
Glorious Nation of Kazakhstan.