Lögmannablaðið - 2020, Blaðsíða 13

LÖGMANNABLAÐIÐ TBL 04/20 13
HVAÐA FJÓRIR VERÐA SKIPAÐIR Í EMBÆTTI HÉRAÐSDÓMARA?
Í september 2020 auglýsti dómsmálaráðuneytið fjögur embætti
héraðsdómara laus til umsóknar; tvö hjá Héraðsdómi Reykjavíkur,
eitt hjá Héraðsdómi Reykjaness og eitt hjá Héraðsdómi
Norðurlands eystra sem fyrsta starfsvettvang. Alls bárust samtals
26 umsóknir um embættin. Um öll embættin sóttu: Arnbjörg
Sigurðardóttir aðstoðarmaður héraðdómara, Brynjólfur Hjartarson
lögfræðingur og lögmennirnir Guðmundína Ragnarsdóttir,
Herdís Hallmarsdóttir, Hlynur Jónsson, Höskuldur Þór
Þórhallsson, Ólafur Helgi Árnason, Sigurður Jónsson og Karl
Óttar Pétursson. Um tvö embætti dómara sem fyrsta starfsvettvang
hjá Héraðsdómi Reykjavíkur og eitt hjá Héraðsdómi Reykjaness
sóttu Arnór Snæbjörnsson settur skrifstofustjóri, Bergþóra
Ingólfsdóttir héraðsdómari, Björn L. Bergsson skrifstofustjóri,
Björn Þorvaldsson saksóknari, Margrét Einarsdóttir prófessor,
Nanna Magnadóttir forstöðumaður, Valborg Steingrímsdóttir
lögfræðingur og lögmennirnir Auður Björg Jónsdóttir, Ásgeir
Jónsson, Eva Halldórsdóttir, Hulda Árnadóttir, Jóhannes Rúnar
Jóhannsson, Margrét Gunnlaugsdóttir, María Thejll og Þórhallur
Haukur Þorvaldsson. Umsækjendur um eitt embætti dómara sem
fyrsta starfsvettvang hjá Héraðsdómi Reykjaness sóttu Jón Auðunn
Jónsson og Jónas Jóhannsson héraðsdómari. Von er á niðurstöðu
dómnefndar fyrir áramót.
HVERJIR VERÐA SKIPAÐIR DÓMARAR VIÐ HINN NÝJA ENDU-
RUPPTÖKUDÓMSTÓL?
Um miðjan september auglýsti dómsmálaráðuneytið laus til
umsóknar tvö embætti dómara og tveggja varadómenda við nýjan
endurupptökudómstól sem átti að taka til stafa 1. desember
síðastliðinn. Þrír dómarar, ásamt jafnmörgum varamönnum,
eru tilnefndir af hverju hinna þriggja dómstiga. Það bárust
17 umsóknir um embættin og þar af voru 13 umsóknir frá
lögmönnum: Árni Ármann Árnason, Árni Vilhjálmsson, Ásgeir
Jónsson, Guðrún Björg Birgisdóttir, Haukur Örn Birgisson,
Jóhannes Karl Sveinsson, Jón Auðunn Jónsson, Reimar Pétursson,
Sigurður Jónsson, Stefán Geir Þórisson, Tómas Hrafn Sveinsson,
Tómas Jónsson og Þyrí Steingrímsdóttir. Auk þeirra sóttu Eiríkur
Elís Þorláksson dósent, Eyvindur G. Gunnarsson prófessor, Finnur
Vilhjálmsson saksóknari og Karl Ingi Vilbergsson lögreglustjóri um
embættin. Þar sem fulltrúar Alþingis í hæfnisnefnd voru vanhæfir
þurfti Alþingi að kjósa nýjan mann í nefndina tímabundið en
sex vikur liðu áður en af því varð og því var hinn nýi dómstóll
dómaralaus er hann átti að hefja störf. Dómnefndin hefur sex
vikur til að skila umsögn eftir að hún er fullskipuð og má því búast
við að niðurstöður liggi fyrir fljótlega eftir áramót.
Eyrún Ingadóttir tók saman
UM DÓMNEFND
Í lögum um dómstóla nr. 50/2016, skipar
dóms málaráðherra fimm menn í dómnefnd
til að fjalla um hæfni umsækjenda um embætti
hæstaréttardómara, landsréttardómara
og héraðsdómara. Dómnefndin er
tilnefnd frá Hæstarétti Íslands, Landsrétti,
dómstólasýslunni, Alþingi og Lögmannafélagi
Íslands og er hlutverk hennar að láta
dómsmálaráðherra í té skriflega og
rökstudda umsögn um umsækjendur um
dómaraembætti og taka afstöðu til þess hvaða
umsækjandi eða umsækjendur séu hæfastir
til að hljóta embættið.
Skipunartími í nefndina er fimm ár en
þó þannig að skipunartími eins manns
rennur út hvert ár. Ingimundur Einarsson
héraðsdómari var formaður dómnefndar
þar til í byrjun árs er Eiríkur Tómasson
fyrrverandi hæstaréttardómari tók við en
formaður er ætíð tilnefndur af Hæstarétti.
Áslaug Árnadóttir lögmaður er varamaður
formanns. Kristín Benedikts dóttir dósent er
tilnefnd af Landsrétti en Skúli Magnússon
héraðsdómari er varamaður hennar. Á
árinu hætti Valtýr Sigurðsson lögmaður
sem varamaður í nefndinni. Helga Melkorka
Óttarsdóttir lögmaður var tilnefnd af Alþingi
eftir að Ragnhildur Helgadóttir prófessor
hætti og er varamaður hennar Sigríður
Þorgeirsdóttir lögfræðingur. Ragnheiður
Harðardóttir landsréttardómari er tilnefnd af
dómstólasýslunni og er Halldór Halldórsson
dóm stjóri varamaður hennar. Þá er
Óskar Sigurðsson lögmaður tilnefndur af
Lögmannafélagi Íslands og er Guðrún Björk
Bjarnadóttir lögmaður varamaður hans.
Komið hefur fyrir að bæði aðalmaður og
varamaður hafi verið vanhæfir vegna tengsla
við umsækjendur og því hafa lögmennirnir
Andri Árnason, Reimar Pétursson og Ari
Karlsson verið settir Ad Hoc við einstakar
skipanir og sömuleiðis Eyvindur G.
Gunnarsson prófessor og Helgi I. Jónsson
fyrrverandi hæstaréttardómari.