Lögmannablaðið - 2020, Blaðsíða 21

LÖGMANNABLAÐIÐ TBL 04/20 21
Sóun og umhverfismál
Eftir að hafa verið dómari í þó nokkur ár hljóta að hafa vaknað hjá
þér ýmsar spurningar og hugleiðingar um það sem betur má fara?
Mikið rétt og auðvitað er hér af ýmsu að taka. Eitt atriði sem
maður hefur fyrir framan sig svo að segja á hverjum degi
snýr að frágangi og framsetningu skjala. Þá á ég einkum við
málflutningsskjöl, þ.e. stefnu og greinargerð, lengd þessara
skjala og annarri umgjörð þeirra. Hér er um að ræða atriði
með réttarfarslega þýðingu en einnig tæknilega og jafnvel
umhverfislega þegar kemur að förgun og/eða geymslu. Það
verður að segjast eins og er að það veldur óþarfa vinnu og
virðist einnig vera fjandsamlegt umhverfinu að verið sé að
nota svo mikið plast sem raun ber vitni.
Ef dómstólnum berst t.d. mappa með plastflipum þarf að
taka allt plastið frá þegar verið er að farga þessu. Margir
dómarar kannast við það að sum mál eru að hluta til í
hefðbundnum skjalafrökkum og einhverju leyti í möppum.
Svo eru menn e.t.v. að leita að dómskjali eða skjölum
og finna það ekki en þá rifjast upp að þetta var í einni
eða fleiri möppum. Það er töluverð lausung í þessu hjá
okkur og hefur verið lengi. Réttast væri að samræma þetta
einhvern veginn og einnig grunnupplýsingar sem skráðar
eru utan á mál. Hvernig skjalafrakkar eru á litinn getur skipt
máli, t.d. þegar maður reynir að skrifa upplýsingar á bláan
skjalafrakka með bláum penna! Svo eru það aukaeintökin
sem sumir koma með en aðrir ekki. Hér myndi ég leggja
til að við sammælumst um að koma með aðeins eitt eintak
nema dómari óski sérstaklega eftir því en þetta þarf auðvitað
að ræða. Svo eru ýmis atriði sem snúa að hliðsjónargögnum
við munnlegan málflutning sem er nánast óplægður akur.
Árið 2016 var bætt inn í lög um meðferð einkamála heimild
fyrir dómstólasýsluna til að taka á þessum málum. Það
vekur auðvitað viss vonbrigði að þessi heimild skuli ekki
hafa verið nýtt að neinu leyti.
Samræming í framsetningu skjala
Hvaða reglur myndir þú vilja sjá fyrir þér?
Það er auðvelt að leita að fyrirmyndum í öðrum kerfum.
Þjóðverjar eru t.d. með mjög stífar reglur um frágang
skjala, þau eru bundin inn með ákveðnum hætti og fleira.
SPJALL
UM HAGNÝT ATRIÐI
FYRIR HÉRAÐSDÓMI
VIÐTAL VIÐ SKÚLA MAGNÚSSON: