Lögmannablaðið - 2020, Blaðsíða 31

LÖGMANNABLAÐIÐ TBL 04/20 31
Fréttir herma að skýrslan taki meðal annars eftirfarandi
atriði fyrir:
1. Eignarhald á lögmannsstofum og hvort rýmka eigi
núverandi reglur
Halda skal til haga að í Danmörku er ekki skylt að
allir eigendur lögmannstofa séu lögmenn svo lengi
sem sameiginlegur eignarhlutur eigenda, sem ekki eru
lögmenn, sé undir 10%, sbr. 2. mgr. 124. gr. c í dönsku
lögunum um einkamálaréttarfar (d. retsplejeloven). Sú
lagabreyting átti sér stað árið 2007.
2. Skortur á samkeppni hvað varðar úthlutun þrotabúa
Fréttir herma að í skýrslunni sé rætt um að endurskoða
reglur um hvernig þrotabúum sé úthlutað en að
núverandi reglur stuðli að einokun á markaðnum.2
Hagsmunasamtök endurskoðenda í Danmörku, FSR,
hafa m.a. lýst yfir miklum áhuga á því að fá að komast
inn á þann markað.
3. Laun og þóknun lögmanna
Mikið hefur verið rætt hvort að þóknun lögmanna, sem
og laun eigenda á stærstu lögmannsstofum í Danmörku,
sé of há miðað við verð á markaði þar sem raunveruleg
samkeppni ríkir. Nýjustu fregnir herma að eigendur á
stærstu lögmannsstofum Danmerkur séu með laun á
við forstjóra stærstu fyrirtækja landsins.3 Gagnrýnin snýr
jafnframt að því að þóknun lögmanna fyrir ráðgjöf sé
að jafnaði talsvert hærri en þóknun ráðgjafa úr öðrum
stéttum.
Athugasemdir danska Lögmannafélagsins
Lögmannafélagið í Danmörku (d. Advokatsamfundet)
hefur sagt að það sé áhyggjuefni að fjölmiðlar hafi handvalið
ýmis álitaefni úr skýrsludrögunum og skrifað um þau.
Fréttaflutningur af skýrslunni hafi því ekki tekið mat af
skýrslunni í heild sem og að um sé að ræða skýrsludrög.
Lögmannafélagið hefur jafnframt bent á að það sé
mikilvægt að draga línu á milli þess að afnema reglur til
að auka samkeppni á sviði lögfræðilegrar ráðgjafar og að
afnema reglur til að auka samkeppni á milli lögmanna. Það
er, lögmaður er lögverndað starfsheiti sem gerir ráð fyrir
ákveðinni fagmennsku og þekkingu, sem og að lögmenn
lúta siðareglum sem gilda ekki fyrir aðra ráðgjafa. Um
lögmenn gildi jafnframt strangar ábyrgðarreglur. Því sé það
ekki æskilegt að ætla að auka samkeppni á milli lögmanna.
Ráðgjafafyrirtækið Boston Consulting Group (BCG)
hefur að beiðni danska Lögmannafélagsins rannsakað
samkeppnisaðstæður á markaði fyrir lögfræðiþjónustu í
Danmörku og metið hvort afnám fyrrnefndra reglna sé
vænlegt til þess að auka samkeppni og leiða til lægra verðs
fyrir viðskiptavini.4 Meginniðurstaða skýrslunnar er að
samkeppni á markaðinum sé mikil og er vísað m.a. til þess
að markaðshlutdeild lögmannsstofa sé eingöngu 34% af
heildarmarkaði fyrir lögfræðiþjónustu í Danmörku. Þar að
auki fjallaði BCG um sambærilega lagabreytingu sem átti
sér stað í Bretlandi árið 2011 sem hefur ekki leitt til þess
að samkeppnin hafi aukist sem og að kostnaður þar fyrir
lögfræðiþjónustu frá þeim tíma hefur hækkað um 22%.
Sambærileg þróun á Íslandi hvað varðar endurskoðunar­
fyrirtæki
Markaðsþróun á Íslandi er nokkuð áþekk þeirri þróun sem
hefur átt sér stað í Danmörku á síðustu misserum og ljóst
að lögmenn eru ekki þeir einu sem veita lögfræðiþjónustu.
Umræðan á Íslandi endurspeglar einnig að nokkru leyti þá
umræðu sem átti sér stað í Danmörku fyrir nokkrum árum
og þá sérstaklega hverjir mega veita lögfræðilega ráðgjöf
og eiga lögmannsstofur.
Áhugavert verður að fylgjast með því hvort farið verði í
sambærilega vinnu á Íslandi og þá sérstaklega hvort tekið
yrði á sömu atriðum og hefur verið lekið um núverandi
rannsókn danska Samkeppniseftirlitsins. Verði svo má leiða
að því líkum að skýrsla danska Samkeppniseftirlitsins, og
hvernig unnið verður úr henni, mun nýtast sem leiðarvísir
fyrir það hvernig takast á við sambærileg vandamál á Íslandi.
2 Sjá nánar hér: https://www.berlingske.dk/business/hemmelig-rapport-et-af-advokatbranchens-fedeste-ben-skal-gnaves-af
3 Sjá nánar hér: https://www.berlingske.dk/business/hemmelig-rapport-toppartnere-i-store-advokatfirmaer-tjener-over-11-mio
4 Sjá nánar hér: file:///C:/Users/Gu%C3%B0r%C3%BAn%20Olsen/Downloads/Ledelsesresume_Konkurrenceforholdene%20
p%C3%A5%20markedet%20for%20juridiske%20ydelser.pdf