Fréttablaðið - 30.01.2021, Qupperneq 18

Bærinn Drangar var í mik illi niður níðslu þegar hjónin Jóhanna H. Sigurðardóttir og Jón Zimsen festu kaup á jörðinni og réðu þau
Steve og Margréti til að breyta
húsunum í gistiheimili. Um var að
ræða býli sem samanstóð af nokkr-
um húsum, byggðum snemma á
níunda áratugnum. Húsin þörfn-
uðust gagngerrar endurnýjunar og
höfðu sum þeirra þá þegar hrunið.
Það sem eftir stóð var býlið
sjálft, tækjahúsið, súrheysturninn,
fjósið og hlaðan. Samkvæmt Steve
var húsið sjálft í besta ástandinu
en það skartar forláta kvisti. Súr-
heysturninn er aftur á móti að
hruni kominn en verður leyft að
hrynja sjálfum.
Útihúsunum var svo breytt í
gistipláss fyrir ferðamenn og þótti
arkitektum og verkkaupa mikil-
vægt að halda í hinn hráa sjarma
sem þau einkenna.
Vildu nota allt sem var til staðar
„Okkur þótti mikilvægt að reyna
að búa til nýtt hlutverk fyrir stað-
inn með því að nota allt sem var til
staðar: Efni, sögu, náttúru og anda,“
útskýrir Steve og bætir við að eig-
endurnir, Jóhanna og Jón, hafi sýnt
mikinn skilning, hugrekki, hug-
myndaf lug og ekki síst endalausa
þolinmæði meðan á verkinu stóð.
„Fyrsti fundur með verkkaupa
var í nóvember árið 2013 og hófst
hreinsun á svæðinu stuttu síðar.
Fyrsta framkvæmd, endurnýjun
vélageymslu, hófst svo sumarið 2014
og lauk öllum framkvæmdum 2019.
Steve og Margrét eru sammála
um að helsta áskorunin við endur-
nýjunina hafi verið að gera ekki of
mikið og vona að verðlaunin sem
þeim féllu nú í skaut veki fólk frekar
til umhugsunar um verðmætin í
yfirgefnum byggingum.
„Við viljum að verðmætin sem
liggja í ósnortnu landslagi og yfir-
gefnum byggingum séu metin. Það
er svo auðvelt að hreinsa burt nátt-
úruna eða gamlar byggingar í nafni
hagkvæmni eða nútímavæðingar og
fórna þar með því sem í raun skiptir
mestu máli,“ segir Steve.
Hvert verk einstakt
Þau Margrét og Steve, sem er bresk-
ur, kynntust við nám í Architect-
ural Association, arkitektaskóla í
London, árið 1982 þaðan sem þau
útskrifuðust árið 1984. Þau stofnuðu
Studio Granda árið 1987 í kjölfar
samkeppni um Ráðhús Reykjavíkur.
Verkefni stofunnar hafa verið
margvísleg, allt frá skipulagi og sam-
göngumannvirkjum til iðnhönn-
unar og innsetninga í samstarfi við
listamenn. Flest verkefnin eru þó
í f lokki opinberra bygginga, svo
sem Ráðhús Reykjavíkur, Dómhús
Hæstaréttar, Listasafn Reykjavíkur,
nýbygging Alþingis og skólar, en
íbúðarhúsnæði af öllum stærðum
er einnig hluti af verkefnaskrá. Flest
eru verkin á Íslandi og segja þau
þessa fjölbreyttu reynslu hafa ýtt
undir þá afstöðu að hvert verk sé
einstakt.
Bárukopar-
klætt fjós og
hlaða með
Breiðafjörðinn
í baksýn. MYND/
PANCHO GALL-
ARDO
Verðmætin
í yfirgefnum
byggingum
Arkitektarnir Steve Christer og Margrét
Harðardóttir hjá Studio Granda hlutu í gær
Hönnunarverðlaun Íslands árið 2020 fyrir
hönnun og uppbyggingu á Dröngum, yfir­
gefnum bæ á Skógarströnd á Snæfellsnesi.
Björk
Eiðsdóttir
bjork@frettabladid.is
Vélageymslunni var breytt í litrík gistiherbergi. MYND/PANCHO GALLARDO
Hönnunar­
verðlaunin 2020
Hönnunarverðlaun Íslands 2020
voru afhent í gær, 29. janúar.
Studio Granda hlaut Hönn-
unarverðlaun Íslands 2020 fyrir
Dranga, Kristín Þorkelsdóttir,
grafískur hönnuður, er Heiðurs-
verðlaunahafi Hönnunarverð-
launa Íslands 2020 og fyrirtækið
66°Norður hlaut viðurkenn-
ingu fyrir bestu fjárfestingu í
hönnun.
Rökstuðningur dómnefndar:
„Drangar er metnaðarfullt
hönnunarverkefni arkitekta-
stofunnar Studio Granda og afar
vel heppnuð birtingarmynd
aðkallandi viðfangsefnis arki-
tekta i nútímasamhengi, endur-
hugsun og endurnýting gamalla
bygginga. Hér er sérstaklega vel
útfærð breyting á gömlu sveita-
býli og útihúsum í gistihús fyrir
ferðamenn.
Veðraðar byggingarnar fá að
njóta sín og halda útlitslegu
yfirbragði með sterkri vísun
í sögu og samhengi, en um
leið er heildarmynd staðarins
styrkt og efld. Dæmi um það
er samspil útveggja gistihúss-
ins þar sem gömlu veggirnir
standa hráir og opnir, án glugga
og hurða og mynda áhrifaríkt
samspil skugga og takts við
nýja veggi. Innra rýmið markast
af hlýlegri eik og litum dregið
saman milli bygginga og rýma
með hlýrri notkun timburs og
lita.
Mismunandi litatónar og
áferð lita eru vísun í fyrri virkni
býlisins, til dæmis í lit naut-
gripa eða gljástig vinnuvéla.
Öll efnisútfærsla er sérlega
vönduð og tengir rýmin saman
í umlykjandi ramma um lífið
innan byggingarinnar. Verkið er
mikilvægt fordæmi og viðmið
í ljósi vaxandi fjölda bygginga,
ekki síst á landsbyggðinni, sem
kalla á endurskilgreiningu og
endurbyggingu vegna aldurs og
annars konar nýtingar.“
VIÐ VILJUM AÐ VERÐ-
MÆTIN SEM LIGGJA Í
ÓSNORTNU LANDSLAGI OG
YFIRGEFNUM BYGGINGUM
SÉU METIN.
Steve
Steve Christer og Margrét Harðardóttir. FRÉTTABLAÐIÐ/SIGTRYGGUR ARI
3 0 . J A N Ú A R 2 0 2 1 L A U G A R D A G U R18 H E L G I N ∙ F R É T T A B L A Ð I Ð
HELGIN