Fréttablaðið - 30.01.2021, Blaðsíða 30

Farsóttin hefur að
nokkru leyti verið
jákvæð þar sem samvera
fjölskyldunnar hefur
verið mikil en það gerist
ekki oft hjá okkur.
Elín
Albertsdóttir
elin@frettabladid.is
Gefðu barninu þínu
forskot til framtíðar
reykjavik.alg.academy/
www.facebook.com/AlgorithmicsReykjavik
Sími: 835 1035
Fyrir krakka 10-11 ára
Alþjóðlegur
forritunarskóli
Leikja-
hönnun
Andrea Bocelli er væntanleg-ur til Íslands en fyrirhugað er að halda tónleika með
honum í Kórnum þann 10. apríl
ef mögulegt verður. Tónleikunum
var frestað í fyrra vegna heims-
faraldursins. Ekki hefur verið rætt
um hvort sonur hans verði með í
för. Andrea á þrjú börn, tvo syni
með fyrri konu sinni og dóttur
með núverandi eiginkonu. Matteo
er fæddur árið 1997 og lærði píanó-
leik eins og bróðir hans. Oft er
spurt hvort Matteo hafi fulla sjón,
en eins og flestir vita er Andrea
Bocelli blindur eftir slys á fótbolta-
velli þegar hann var barn. Matteo
hefur fulla sjón og þykir einstak-
lega líkur föður sínum. Ekki bara
útlitslega því hann hefur erft fal-
legu söngröddina hans og þótt þeir
séu með ólíkar raddir falla þær vel
saman. Andrea hafði ekki gert sér
grein fyrir því að sonur hans hefði
góða söngrödd fyrr en fyrrverandi
eiginkona hans benti honum á það
árið 2016.
Fyrsta lagið sem þeir feðgar
sungu saman opinberlega var Fall
on Me, en Amos, bróðir Matteo, lék
undir á píanó. Lagið er notað í Dis-
ney-myndinni Hnotubrjótnum. Þá
hefur Matteo gefið út hljómplötu
með lögum úr nokkrum Disney-
myndum. Lag Eltons John, Can You
Feel the Love Tonight úr Lion King,
hefur vakið mikla athygli undan-
farið. Lagið er fáanlegt í stafrænu
formi. Matteo kom fram ásamt
föður sínum á tónleikum fyrir
Harry og Megan, hertogahjónin af
Sussex, árið 2018.
Matteo hefur sagt að Disney
sé í miklu uppáhaldi og hann
hafi skemmt sér yfir myndunum
frá barnsaldri. „Ég vonast til að
börnin sem hlusta í dag upplifi
sömu tilfinningar og ég gerði sem
barn,“ segir hann.
Andrea Bocelli hefur verið
kvæntur núverandi eiginkonu,
Veronicu Berti, frá árinu 2014.
Hann er 62 ára en hún 36. Dóttir
þeirra heitir Virginia. Andrea var
áður kvæntur Enrica Cenzatti.
Þess má geta að Andrea veiktist af
COVID-19 í mars í fyrra en varð
ekki mikið veikur og náði sér að
fullu. Eftir að Andrea var laus úr
einangruninni sungu þeir feðgar
lagið Fall on Me frá heimili sínu á
Ítalíu fyrir þjóðina, sem framlag
til landsmanna sem voru inni-
lokaðir heima. Andrea er með
eigin mannúðarsjóð sem veitir
stuðning til samfélaga sem búa
við fátækt, ólæsi og félagslega
útilokun.
Matteo hefur sagt að COVID-19
hafi breytt fyrirhuguðum tónleik-
um og ferðalögum hjá fjölskyld-
unni og hún hefur því getað verið
meira saman en nokkru sinni áður.
„Farsóttin hefur að nokkru leyti
verið jákvæð þar sem samvera
fjölskyldunnar hefur verið mikil
en það gerist ekki oft hjá okkur,“
segir hann. Andrea Bocelli kom
fram í mannlausri Dómkirkjunni
í Mílanó í fyrra og söng fyrir allan
heiminn í gegnum Youtube.
Andrea er einn frægasti söngvari
á Ítalíu en það var sjálfur Luciano
Pavarotti sem kynnti hann fyrir
heiminum á sínum tíma.
Fetar í fótspor föðurins
Hinn heimsfræga tenór Andrea Bocelli þekkja allir en færri vita að sonur hans, Matteo Bocelli, er
að skapa sér sess á tónlistarsviðinu. Þeir feðgar hafa verið að syngja saman að undanförnu.
Feðgarnir Matteo og Andrea Bocelli komu fram saman á tónleikum í Róm í
mars 2019. Þeir eru farnir að syngja nokkuð oft saman. FRÉTTABLAÐIÐ/GETTY
Fjölskyldan samankomin á frumsýningu Hnotubrjótsins frá Disney í nóv-
ember 2018. Frá vinstri eru Matteo, Veronica, Andrea, Amos og litla systir,
Virginia, sem Andrea á með seinni konu sinni. Glæsileg fjölskylda.
Matteo Bocelli er fríðleikspiltur og ekki ólíkur föður sínum, Andrea Bocelli.
4 KYNNINGARBLAÐ FÓLK 3 0 . JA N ÚA R 2 0 2 1 L AU G A R DAG U R