Víðförli - 15.09.1993, Qupperneq 3

Frá Hjálparstofnun kirkjunnar
Stjórn Hjálparstofnunar kirkjunnar hefur ákveðið
að velja næsta nýja verkefni í Mósambik en þar fer nú
fram mikið uppbyggingar og endurreisnarstarf eftir
ófrið og borgarastríð um árabil. Ibúar landsins sem
höfðu hundruðum þúsunda saman hrakist frá heima-
högum sínum eru nú sem óðast að snúa heim, vilja sá í
akra sína og yfirleitt byggja upp það þjóðfélag sem
þeir þekktu áður en hörmungarnar byrjuðu. Á verk-
efnalista Hjálparstofnunar næstu misserin verða því
aðallega ásamt Mósambik, Indland og Kenýa auk inn-
anlands- og neyðarverkefna sem gera verður sífellt
ráð fyrir.
Nýtt starfssvæði valið
Lútherska heimssambandið
(LWF) hefur með höndum yfirstjóm á
hjálparstarfi kirkjuhjálparstofnana í
landinu og heimsótti Jónas Þórisson
framkvæmdastjóri Hjálparstofnunar
landið síðast í ágúst og ræddi við Nat-
han Simonson og aðra leiðtoga starfs-
ins. Á vegum LWF verður á næstu
árum varið nokkrum hundruðum
milljóna króna á ári til endurreisnar-
starfsins og er ætlunin að Hjálpar-
stofnun kirkjunnar taki að sér ein-
hvern einn þátt sem hæfilegur er fjár-
hag stofnunarinnar. Ljóst er að þar
verður aðeins um að ræða fáar mill-
jónir króna á ári en verkefnavalið mun
skýrast á næstu vikum eftir að fram-
kvæmdastjóri hefur kynnt sér starfið
í Mósambik.
Reyndar hafa þegar fengist fimm
milljónir króna sem fara eiga til neyð-
arverkefna í Mósambik en það fjár-
magn kemur frá sérstöku framlagi
ríkissjóðs til neyðarhjálpar og friðar-
gæslu. Sótti Hjálparstofnun í vor um
framlag vegna verkefna í Mósambik
og var umsóknin samþykkt snemma í
sumar.
Aðalfundur í Stykkishólmi
Ákveðið hefur verið að aðalfundur
Hjálparstofnunar verði í Stykkishólmi
30. október næstkomandi. Síðastiað-
alfundur var haldinn á Akureyri og var
fulltrúum sókna í Eyjafirði boðið að
sitja fundinn. Fóru þar fram ágæt
upplýsingaskipti og þykir nú ráð að
endurtaka svipað fundaform með
þátttöku Snæfellinga.
Auk venjulegra aðalfundarstarfa er
því ráðgert að bjóða fulltrúum sókna á
Snæfellsnesi til skrafs og ráðagerða á
fundinum eða í framhaldi af honum en
fundarboð með nánari dagskrá verða
send út á næstunni. Kostnaður við að
halda aðalfund annars staðar en á höf-
uðborgarsvæðinu er ekki að ráði
meiri þar sem fulltrúar koma víðs
vegar af landinu.
Styrktarmannaátak
Nú stendur yfir á vegum Hjálpar-
stofnunar sérstakt átak til að afla
nýrra styrktarmanna en nú eru tæp-
lega eitt þúsund. Eins og áður hefur
verið bent á í þessu blaði eru regluleg
framlög styrktarmanna sem berast
allt árið einna verðmætustu tekjur
Hjálparstofnunarinnar. Er stefnt að
því að auka tekjur frá styrktarmönn-
um um 30%. Auðunn Bjami Olafsson
hefur verið ráðinn til að stjórna þessu
verki sem er unnið þannig að send eru
út kynningarbréf til valinna hópa og
hringt í viðkomandi í framhaldi af því.
Einnig er um þessar mundir verið að
huga að fyrirkomulagi jólasöfnunar-
innar en sem fyrr verður stefnt að því
að draga sem mest úr kostnaði. Er í
ráði að fá nokkur fyrirtæki til sér-
stakrar samvinnu um jólasöfnunina.
I lokin má minna á að hafi lesendur
Víðförla skoðanir á starfi Hjálpar-
stofnunar væri fróðlegt að heyra frá
þeim og gott er alltaf að fá hugmyndir
og ábendingar um hvaðeina sem
verða mætti starfinu til framdráttar.
3