Árbók Hins íslenzka fornleifafélags - 2015, Page 177

ÁRBÓK FORNLEIFAFÉLAGSINS176
við gripi villandi. Þannig eru ílát sem nefnd eru „Flatbrod box“ eða „Oat
cake box“ af þeirri gerð sem nefnast trafaöskjur á íslensku, samkvæmt áliti
sérfróðra. Sums staðar er nefnt að gripir séu skreyttir með „Runic carving“
en í þeim tilvikum sem höfundur skoðaði var um að ræða höfðaletur.20
Flestir gripanna eru úr tré – trafaöskjur, trafakef li, prjónastokkar, nálhús
og smjörmót svo eitthvað sé nefnt af slíkum gripum. Tvö drykkjarhorn
er einnig að finna í skránni. Athugandi er að auðkennisstafir safnsins
ásamt einingarnúmeri íslensku gripanna er HE.5 auk tölustafa/bókstafa
sem aðgreina gripi hvorn frá öðrum. Síðasti gripurinn á skránni „Weather
Vane“ hefur hins vegar ekki einingarnúmerið 5 en er merktur HE.6 ásamt
aðgreinandi númeri. Sennilegt er að þarna sé komin skýring á misræmi milli
fjölda gripa í skránni sem Neller sendi höfundi 2006 og þeirra upplýsinga
um fjölda gripa sem Braun gaf upp 2015. Vindhaninn tilheyrir að öllum
líkindum annarri einingu í safninu en þeirri íslensku. Síðan þarf að hafa
í huga að í eftirfarandi skrá birtast ekki upplýsingar um textílsnifsin átta
sem safnvörður Kate Braun upplýsti um og telur með íslensku gripunum.21
Úr skrá yfir íslenska gripi í „The European Peasant Art Collection“
Key Object name Size mm Method Date
HE. 5.1.0 Wooden box 200x250x140 Runic carving Unknown
HE. 5.3.0 Mangleboard 90x610x75 Carved 1798
HE. 5.5.0 Porridge bowl 210x160x130 Carved 1875
HE. 5.7.a Fladbrod box 140x140x60 Carved 1868
HE. 5.7.b Fladbrod lid 140x140x?[svo] Carved 1868
HE. 5.8.0 Needle case 50x90x20 Carved 1882
HE. 5.13.0 Needle box 30x300x40 Carved Unknown
HE. 5.14.0 Needle box 40x300x50 Carved 1854
HE. 5.15.0 Porridge bowl 90x140x90 Carved 1875
HE. 5.16.a Needle box 60x300x50 Carved 1872
HE. 5.20.a Needle box 30x330x40 [auður reitur] Unknown
HE. 5.21.a Box 40x340x40 Carved 1870
20 Í trafaöskjum voru geymdir höfuðdúkar kvenna, svonefnd tröf. Lilju Árnadóttur, sérfræðingi í
Þjóðminjasafni Íslands, eru færðar þakkir fyrir að skoða ljósmyndir af gripum með höfundi og benda
á viðeigandi íslensk heiti á hlutum og letri. Höfundur þakkar jafnframt Hrefnu Róbertsdóttur góðar
ábendingar við frágang þessarar greinar.
21 Höfundur þakkar safnvörðum Haslemere Educational Museum, Robert Neller og Kate Braun fyrir
að bregðast vinsamlega við spurningum og tilmælum um upplýsingar, ásamt því að gefa heimild til
að ljósmynda gripi.