Stefnir - 01.03.1951, Side 28

26
STEFNIK
Reynistaður í Skagafirði.
búendatals í Skagafirði frá árun-
um 1781 til þessa dags, sem nú
er að koma út. Fjölda ritgerða
hefur hann skrifað um búnaðar-
mál og ættfræði.
Jón á Reynistað er fjölfróður
maður, hugkvæmur og glögg-
t-kvggn á nýjungar, er til heilla
horfa. En hann stendur föstum
fótum á grundvelli þjóðlegra og
sögulegra verðmæta og minja.
Um það getur engum blandast
hugur, sem sækir hann og konu
hans heim á heimili þeirra að
Reynistað. Þar mætast á skemmt-
legan hátt nýtízku búskapur og
rótgróin sveitamenning liðins
tíma. Þar standa gamla baðstof-
an og viðhafnarstofa nýja tím-
ans hlið við hlið og milli þeirra
er hvorki ósamlyndi né ósam-
ræmi. Aþ ví fer vel, að þingmað-
ur hinis fagra Skagafjarðarhér-
aðs skuli sitja þetta þjóðlega og
fagra óðal við vinsældir og virð
ingu héraðsbúa sinna. En Jón á
Reynistað er hlédrægur maður og
sækist lítt eftir mannvirðingum.
Hæfileikar hans og starfhæfni
hafa hinsvegar skapað honum
traust og álit allra er kynnast
honum. Þessvegna hefur honum
verið falinn fjöldi trúnaðarstarfa
fyrir hérað sitt, íslenzka bænda-
stétt og fyrir þjóðina í heild.
■5. Bj.