Stefnir - 01.03.1951, Side 64

62
STEFNIR
Akranes.
margir báta og skip, enda voru farkostir til sjós 'þá á Akranesi 69
að tölu. Kartöflugarðar í þorpinu voru þá 5900 fermetrar að flatar-
máli. Árin 1880—90 miðar enn vel í átt að aukinni hagsæld í
byggðarlaginu, þó stór skörð væru höggvin í raðir framsækinna
sjógarpa frá Akranesi, því á þessum árum var þaðan einhver hinn
mesti sjóskaði, er sögur greina hérlendis. Árið 1882 var reistur á
Akranasi stór og myndarlegur barnaskóli, miðað við þann tíma, og
margir íbúanna réðust í stórar og fjárfrekar húsbyggingar. Um
iþetta leyti var hreppnum skipt í tvo hreppa, Ytri- og Innri-Akranes-
hreppi, og var sá fyrrnefndi undanfari kaupstaðarins. Þá var prests-
setrið flutt úr Görðum á Akranes og fyrsti læknir kom til staðarins.