Heilbrigðisskýrslur - 01.12.1964, Síða 145

— 143
1964
Grenivíkur. Hafnar framkvæmdir við nýbyggingu hafnar, byggður
sjóvarnargarður úr stórgrýti, um 120 metra langur. Garðurinn verður
lengdur og hann lagaður svo að innan, að bátar og skip geti athafnað
sig.
Eskifj. Fjórar síldarsöltunarstöðvar starfræktar á báðum stöðunum.
Læknisbústaðurinn fokheldur á árinu.
Búða. Tekið í notkun nýtt félagsheimili á Búðurn, stórt, vandað og
rándýrt, eins og slíkar byggingar eru yfirleitt.
9. Geislavarnir.
Um aðdraganda geislavarna og geislavarnalaga.
I desember 1962 voru samþykkt lög um öryggisráðstafanir gegn
jónandi geislum frá geislavirkum efnum eða geislatækjum, nr.
95/1962. Fyrir þann tíma voru engin lög* í gildi hérlendis um
geislavarnir vegna röntgentækja eða geislavirkra efna. Um geisla-
varnir var fylgt alþjóðlegum reglum (ICRP) og stuðzt við lög
°g venjur á Norðurlöndum. Þegar að því kom að semja geisla-
varnarlög fyrir Island, þótti því eðlilegt, að þau næðu til geisla-
varna, bæði vegna röntgentækja og annarra geislatækja og geisla-
virkra efna, hvort sem þau voru ætluð til notkunar í læknis-
fræði eða á annan hátt. Árið 1948 kom hingað, sumpart fyrir tilmæli
stjórnar Landspítalans, ingen. Kristian Koren, en hann vann þá að
geislamælingum og geislavörnum við ríkisspítalann í Ósló. Koren
kynnti sér geislavarnir í röntgendeild Landspítalans, bæði við geisla-
rannsóknir (röntgendíagnostík), geislameðferð (terapi) og radíum-
lækningar. I skýrslu Korens, dags. 4. maí 1948, kemur fram, að hann
taldi geislavarnir í sæmilega góðu lagi. Umbúnaður á radíumbirgðum
veyndist þó ófullnægjandi og varhugaverður vegna geislahættu. Þor-
björn Sigurgeirsson prófessor sá um að endurbæta radíum-geymsluna,
°S hann hafði eftirlit með geislavörnum í röntgendeild Landspítalans
frá þessum tíma.
Kjarnfræðanefnd Islands var stofnuð 25. janúar 1956. Þegar á því
an voru heilbrigðismál meðal verkefna nefndarinnar og sérstök undir-
nefnd skipuð, sem starfaði að þeim. 1 skýrslu stjórnar kjarnfræða-
nefndar, sem lögð var fram á aðalfundi 28. nóvember 1957, er greint
þannig frá undirbúningi lagasetningar um geislavarnir: „1 skýrslu
kjarnfræðanefndar til ríkisstjórnarinnar um starfsemi á árinu 1956
var þess getið, að semja þyrfti lög um notkun geislavirkra efna og al-
menna geislavernd. Nefndin hefur haft samband við heilbrigðisyfir-
völd landsins, heilbrigðismálaráðherra, landlækni og læknadeild Há-
skólans, og hafa þau nú falið kjarnfræðanefnd að semja uppkast að
^agafrumvarpi. Munu þeir dr. Gísli Fr. Petersen, yfirlæknir röntgen-
deildar Landspítalans, og Magnús Magnússon eðlisfræðingur vinna að
þessu.” Þegar í ljós kom, að WHO og IAEA voru að vinna að sam-