Heilbrigðisskýrslur - 01.12.1964, Qupperneq 157

— 155 —
1964
Þá þyrfti ég að fá þessar upplýsingar hjá yður:
a. Hvaða umbúðir voru notaðar um blóð það, er tekið var og sent
nefndu fyrirtæki?
b. Hvernig voru þær umbúðir hreinsaðar, áður en blóðið var í það
sett?“
Svar rannsóknarstofunnar, dags. 3. júní 1965, undirritað af dr. med.
Ólafi Bjarnasyni yfirlækni, er á þessa leið:
„Samkvæmt venju mun blóðmagn það, sem tekið var og sent, hafa
verið um 35 ml. Blóðið var sent í glasi, sem merkt var: Section 255/64.
Vottorð um greinda rannsókn er ekki fyrir hendi hér, en endurrit
af niðurstöðum rannsóknarinnar ætti að vera unnt að fá í Rannsóknar-
stofu prófessors Jóns Steffensen.
Blóðið mun hafa verið sent í glerglasi með skrúfuðu loki. Umbúð-
irnar munu hafa verið þvegnar í sápuvatni og skolaðar í ómenguðu
vatni og síðan þurrkaðar.“
Hinn 7. júní 1965 ritaði Benedikt Sigurjónsson hrl. Rannsóknar-
stofu prófessors Jóns Steffensen bréf, þar sem hann ber fram eftir-
farandi spurningar:
1. „Hefur yður borizt blóðsýnishorn til rannsóknar frá Rannsóknar-
stofu háskólans, merkt Section 255/1964?
2. Ef svo er, hvenær barst yður blóðsýnishorn þetta, hve mikið magn
af blóði var hér um að ræða, í hvernig umbúðum og hvaða rann-
sókna var beiðzt?
3. Hvaða rannsóknir framkvæmduð þér á nefndu sýnishorni? Hvaða
rannsóknaraðferðum var beitt? Hverjar voru niðurstöður rann-
sókna yðar? Hafi tilraunir gefið mismunandi niðurstöður, óskast
allar niðurstöður greindar.
4. Hverjir unnu rannsóknarstörfin, og hver er menntun þeirra?
5. Hvað annað, er þér teljið skipta hér máli.“
Prófessor Jón Steffensen svarar bréfinu f. h. rannsóknarstofunnar
hinn 18. júní 1965 á þessa leið:
„1 tilefni af heiðruðu bréfi yðar, d. 7. júní 1965, vil ég taka þetta
fram:
Rannsókn á blóði merktu „section 255/1964“ var gerð á rannsóknar-
stofu próf. Jóns Steffensen 28. júlí 1964 af mér undirrituðum.
Rannsóknarniðurstaðan mun samkvæmt venju liggja með málsskjöl-
unum, og mun yður sem sakaraðila frjáls aðgangur að henni þar. Ef
svo skyldi vilja til, að svarið hafi glatazt, þá vil ég taka fram, að í
umræddu blóði fundust reducerandi efni, er samsvara 2,40%o alkóhóli.
Tvær rannsóknir voru gerðar á blóðinu, og kom út úr þeim 2,44^0
og 2,37%c.