Morgunblaðið - 21.01.2021, Side 6

6 FRÉTTIRInnlent
MORGUNBLAÐIÐ FIMMTUDAGUR 21. JANÚAR 2021
Skipholti 3 – Sími 552 0775 – erna.is
Mikið af fallegum úrum frá
Pierre Lannier á 30-50% afslætti
Sími 551 8588 • skartgripirogur.is
Bankastræti 12,
sími 551 4007
skartgripirogur.is
ERNA
GULL- OG SILFURSMIÐJA
Guðni Einarsson
gudni@mbl.is
Kórónuveirufaraldurinn hafði tals-
verð áhrif á fjölda þeirra sem sóttu
hér um alþjóðlega vernd í fyrra, að
sögn Útlendingastofnunar. Um-
sóknir um alþjóðlega vernd 2020
voru 654 eða fjórðungi færri en
2019. Mikið dró úr fjölda umsókna
þegar teknar voru upp ferðatak-
markanir fyrir ríkisborgara þriðju
ríkja, eins og sést á skýring-
armyndinni. Aðgerðirnar höfðu
mikil áhrif á flugumferð til lands-
ins.
Útlendingastofnun segir að sam-
bærilegar aðgerðir annars staðar á
Norðurlöndunum hafi leitt til þess
að í Danmörku, Noregi og Svíþjóð
fækkaði umsóknum um vernd um
40% og í Finnlandi fækkaði þeim
um 25% í fyrra líkt og hér á landi.
Umsóknir um alþjóðlega vernd
voru hlutfallslega flestar hér af
norrænu þjóðunum árið 2020 líkt
og einnig var 2019. Hér voru 18
umsóknir á hverja tíu þúsund íbúa
en hlutfalllega fæstar umsóknir
voru í Danmörku og Noregi eða
þrjár á hverja tíu þúsund íbúa.
Helmingur var með vernd
Umsækjendur um vernd hér á
landi í fyrra voru frá 52 þjóð-
löndum. Einungis 6% umsókna
komu frá ríkisborgurum ríkja á
lista yfir örugg upprunaríki. Slíkar
umsóknir hafa ekki verið færri
undanfarin ár.
„Umsóknir frá einstaklingum
sem þegar nutu verndar í öðru
Evrópuríki voru helmingur allra
umsókna og fjölgaði um rúman
helming milli ára, úr 202 í 331.
Langflestir þeirra höfðu fengið
vernd á Grikklandi eða um þrír af
hverjum fjórum,“ segir í frétt Út-
lendingastofnunar.
Framan af árinu 2020 voru ríkis-
borgarar Venesúela fjölmennasti
hópur umsækjenda. Þeim fækkaði
mikið eftir innleiðingu ferðatak-
markana í mars. Þegar leið á árið
voru stærstu hópar umsækjenda
frá Palestínu, Írak og Venesúela.
Tóku 825 ákvarðanir
Útlendingastofnun tók 825
ákvarðanir vegna umsókna um al-
þjóðlega vernd 2020. Þær vörðuðu
766 einstaklinga en í 56 málum
var tekin fleiri en ein ákvörðun.
Til viðbótar drógu 79 ein-
staklingar umsókn sína til baka
eða hurfu frá henni. 140 manns
var synjað um efnislega meðferð
umsóknar, 52 á grundvelli Dyfl-
innarreglugerðarinnar og 88
vegna þess að þeir nutu verndar í
öðru Evrópuríki.
Hlutfallslega flestar umsóknir
 Hlutfall umsækjenda um vernd hér 2020 var 18 á hverja 10.000 íbúa  Hvergi
hærra á Norðurlöndum  Kórónuveirufaraldurinn dró úr fjölda umsækjenda
Örugg upprunaríki Með vernd í öðru ríki Venesúela Annað
Karlar 55%
Konur 20%
Drengir 13%
Stúlkur 12%
Palestína 122
Írak 115
Venesúela 104
Sýrland 60
Sómalía 44
Annað 209
Heimild: ÚtlendingastofnunUmsóknir um alþjóðlega vernd árið 2020
Fjöldi umsókna 2017 til 2020
Samsetning umsækjenda 2019 og 2020
Fjöldi umsókna um alþjóðlega vernd árið 2020
Fjöldi umsókna um vernd á hverja 10.000 íbúa
Þjóðerni umsækjenda Skipting eftir kyni og aldri
20
15
10
5
0
Noregur Danmörk* Finnland* Svíþjóð Ísland
1.387 1.631 3.410 12.991 654Fjöldi umsókna:
3 3
6
13
18
40
30
20
10
0
*Tölur eru frá desember 2019 til nóvember 2020
þar sem fjöldi umsókna í desember 2020 hefur
ekki verið birtur
2017 2018 2019 2020 jan. feb. mars apríl maí júní júlí ágúst sept. okt. nóv. des.
20. MARS Innleiðing
ferðatakmarkana
15. JÚNÍ
Skimanir á
landamærum
hófust
1.096
800
866
654
28%
39%
16%
21%
51%
23%
6%
17%
2020
2019
Ekki hefur verið tekin ákvörðun um
lengingu bótatímabils atvinnuleys-
isbóta en það mál er í sífelldri skoðun
í félagsmálaráðuneytinu. Þetta kem-
ur fram í svari Grétars Sveins Theo-
dórssonar upplýsingafulltrúa ráðu-
neytisins við fyrirspurn blaðsins.
Bent er á í svarinu að fyrir síðustu
jól voru bætur hækkaðar, þar sem
óskertar grunnbætur voru hækkaðar
um 3,6%, ásamt viðbótarálagi vegna
Covid-19-faraldursins upp á 2,5%, og
nemur heildarhækkunin því 6,1%.
Einnig var hækkun greiðslna sem
fylgja börnum atvinnulausra fram-
lengt út árið 2021. Þá hafi tekjutengt
tímabil atvinnuleysisbóta verið lengt
úr þremur mánuðum í sex og tugþús-
undir einstaklinga hafi einnig nýtt
sér hlutabótaleiðina.
„Ráðuneytið fylgist vel með fram-
vindu faraldursins og stöðunni á
vinnumarkaði og þegar kemur að
lengingu bótatímabils þá er það mál í
sífelldri skoðun í ráðuneytinu. Ráðu-
neytið hefur verið í mjög þéttu sam-
tali og samstarfi við félagsþjónustu
sveitarfélaga og fundar mjög reglu-
lega með félagsþjónustu sveitar-
félaga.
Að svo stöddu hefur ekki verið tek-
in ákvörðun um lengingu [á] því
tímabili sem einstaklingur hefur rétt
á atvinnuleysisbótum en rétt er að
ítreka að málið verður áfram í skoð-
un innan ráðuneytisins,“ segir í svari
ráðuneytisins. omfr@mbl.is
Bótatím-
inn er til
skoðunar
 Ekki ákveðið hvort
tímabilið verður lengt
Ragnhildur Þrastardóttir
ragnhildur@mbl.is
„Við erum bara með reglugerð sem
er í gangi. Það eru engin sérstök
áform uppi um að breyta henni eitt-
hvað eins og staðan er núna,“ segir
Þórólfur Guðnason sóttvarnalæknir.
Fá kórónuveirusmit hafa greinst
innanlands síð-
ustu daga, tvö á
þriðjudag rétt
eins og daginn
áður en Þórólfur
telur ekki tíma-
bært að slaka á
aðgerðum innan-
lands þrátt fyrir
fá smit síðustu
daga.
Reglugerðin
sem nú er í gildi
kveður á um 20 manna samkomu-
bann, takmarkanir á ýmissi starf-
semi og fleira. Hún tók gildi 13. jan-
úar síðastliðinn og gildir til 17.
febrúar næstkomandi.
„Það er alltaf verið að spá í það
hvort það eigi að fara í [tilslakanir]
fyrr eða ekki. Við erum að reyna að
vinna tíma með því að ná bólusetn-
ingunum og halda þessu ástandi
góðu þangað til við náum að bólu-
setja marga. Auðvitað tekur það ein-
hvern tíma en þetta helst í hendur,“
segir Þórólfur og bætir við: „Við
þurfum líka að sjá hvaða áhrif síð-
ustu tilslakanir hafa. Það er alltaf
talað um að það taki eina til tvær
vikur að sjá árangurinn af þeirri
breytingu.“
Vika er síðan tilslakanirnar tóku
gildi. Spurður hvort þær aðgerðir
sem nú eru í samfélaginu hafi borið
árangur, þegar litið er til síðastlið-
innar viku, segir Þórólfur: „Já, ég
held það og það er ánægjulegt út af
fyrir sig. En það er fljótt að breytast
og reglugerðin er bara í gildi.“
Einstaklingum í sóttkví fjölgaði úr
149 í 247 frá mánudegi til þriðjudags
eða um 66% þrátt fyrir að einungis
hafi tvö kórónuveirusmit greinst
innanlands. Þórólfur segir að líklega
hafi þessir 98 einstaklingar farið í
sóttkví vegna smitanna tveggja.
Seinni bólusetning er hafin
Lyfjastofnun hafa borist 86 til-
kynningar vegna gruns um auka-
verkanir í kjölfar bólusetningar
gegn Covid-19. Þar af eru 23 til-
kynningar vegna bóluefnis Mod-
erna og 63 vegna bóluefnis Pfizer/
BioNTech. Níu tilkynninganna eru
alvarlegar og sjö þeirra eru vegna
dauðsfalla. Á upplýsingafundi al-
mannavarna á mánudag kom fram
að í fjórum tilvikum væri ekki eða
mjög ólíklegt að um tengsl væru á
milli bólusetningar og andláts en í
einu tilvikinu var ekki hægt að
segja til um orsakatengsl með
vissu. Niðurstöður rannsóknar á
hinum tilvikunum hafa ekki verið
birtar.
Framlínustarfsmenn og íbúar
hjúkrunarheimila á Húsavík sem
fengu bóluefni við Covid-19 í lok
desembermánaðar hafa fengið
seinni bóluefnaskammtinn og eru
því komnir með fulla bólusetningu
gegn Covid-19. Sambærileg bólu-
setning hefst í dag á höfuðborgar-
svæðinu.
Telur ekki tímabært að
slaka á aðgerðum hér
 Fá smit greind síðustu daga  Seinni bólusetning hafin
Innanlandssmit:
54 ný smit greindust sl. 14 daga
Nýgengi er: 14,7
Fjöldi í sóttkví: 247
Smit á landamærum:
159 virk smit greindust sl. 14 daga
Nýgengi er: 22,4
Fjöldi í skimunarsóttkví: 1.267
116 eru með virkt smit og í einangrun
Fjöldi smita
frá 30.6. 2020
Heimild: covid.is
júlí ágúst september október nóvember desember janúar
Fjöldi smita innanlands
Fjöldi smita á landamærum
Þórólfur
Guðnason
Morgunblaðið/Árni Sæberg
Bólusetning Fólk í framlínunni fær
nú seinni bóluefnaskammtinn.