Morgunblaðið - 15.04.2021, Side 10

10 FRÉTTIRInnlent
MORGUNBLAÐIÐ FIMMTUDAGUR 15. APRÍL 2021
Atvinnueign kynnir til leigu:
1.460 fm atvinnuhúsnæði á
jarðhæð viðVíkurhvarf 1 í Kópa-
vogi. Húsnæðið býður upp á
mikla möguleika. Hentar vel
fyrir verslun, lager og iðnað.
Vönduð og glæsileg bygging
með nægum bílastæðum. 4
metra há innkeyrsluhurð. Allt
að 6 metra lofthæð. Laust sam-
kvæmt samkomulagi.
Síðumúli 13
108 Reykjavík
S. 577 5500
atvinnueign.is
Fasteignamiðlun
TIL LEIGU ATVINNUHÚSNÆÐI VÍKURHVARF 1 - KÓPAVOGI
Halldór Már Sverrisson
Viðskiptafræðingur
Löggiltur fasteignasali
Löggiltur leigumiðlari
898 5599
halldor@atvinnueign.is
Hentar vel fyrir
verslun, lager
og iðnað.
Stefán E. Stefánsson
ses@mbl.is
Talsverð þenslumerki eru nú á
fasteignamarkaði. Má það m.a.
lesa úr nýbirtri mánaðarskýslu
Húsnæðis- og mannvirkjastofnun-
ar. Þar segir að fleiri íbúðir seljist
en settar eru á sölu. Á höfuðborg-
arsvæðinu eru nú 830 íbúðir til
sölu og hefur fækkað um 160 á ein-
um mánuði. Í nágrannasveitar-
félögum höfuðborgarsvæðisins hef-
ur íbúðum fækkað um 40 yfir sama
tímabil og eru nú 500 talsins.
Bendir stofnunin á að birgðatími
hafi styst í þessu ástandi og að nú-
verandi framboð myndi aðeins
duga í rúma tvo mánuði ef engar
nýjar eignir myndu koma inn á
markaðinn. Birgðatíminn var hins
vegar 11 mánuðir í júlí í fyrra.
Jafnvægi þrátt fyrir allt
Þrátt fyrir þessi þenslumerki
segja hagfræðingarnir Una Jóns-
dóttir hjá Landsbankanum og
Magnús Árni Skúlason hjá
Reykjavik Economics að markað-
urinn sé í þokkalegu jafnvægi. Þau
eru gestir Dagmála í dag, en þátt-
urinn er aðeins aðgengilegur
áskrifendum Morgunblaðsins á
mbl.is. Bendir Una á að síðustu
mánuði hafi verðhækkanir verið
mjög hóflegar á markaðnum eftir
nokkuð hraðari hækkunarferil fyrr
á síðasta ári.
Spurð út í hvaða kraftar það sé
sem séu að verki nú eru Magnús
Árni og Una sammála um að
vaxtalækkanir Seðlabankans leiki
þar stórt hlutverk. Magnús bætir
þó einnig við að kaupmáttur þeirra
sem ekki hafi orðið fyrir atvinnu-
missi hafi aukist á síðustu miss-
erum. Una bendir einnig á að
vegna kórónuveirunnar hafi fólk
ekki haft eins mikil tækifæri og áð-
ur til að eyða ráðstöfunartekjum
sínum í neyslu á borð við ferðalög.
Aukin innlán heimilanna kunni að
vera ein birtingarmynd þess að fólk
verji fjármunum í íbúðafjárfest-
ingu. Önnur birtingarmynd þessa
ástands sé fjárfesting fólks í núver-
andi húsnæði, stóraukin sala á
pallaefni vitni þar um.
Meiri hækkanir í Svíþjóð
Mikið hefur verið horft til hinna
miklu vaxtalækkana á markaðnum
hér heima í kjölfar þess að Seðla-
bankinn tók að reyna að milda
höggið af veirufaraldrinum á fyrri
hluta síðasta árs. Segir Magnús
Árni að breytingar á þeim markaði
hafi mikil áhrif. Nú séu lægstu
raunvextir sjóðfélagalána rúmlega
1% en þeir hafi verið yfir 6% árið
2007, rétt áður en bankakreppan
skall á af fullum þunga. Una bendir
þó á að vaxtalækkanir hafi ekki
þurft til þegar kom að auknum
krafti í íbúðafjárfestingu. Í Svíþjóð
hafi vextir lengi verið mjög lágir og
erfitt að tosa þá neðar í núverandi
kreppuástandi. Þrátt fyrir það hafi
fasteignaverð þar í landi hækkað
mun meira undanfarna mánuði en
hér á landi. Það sem kunni að halda
aftur af hækkunum hér sé sú stað-
reynd að talsvert mikið hafi verið
byggt af húsnæði hér á síðustu ár-
um sem hafi unnið vel á móti vax-
andi eftirspurn á allra síðustu mán-
uðum. Magnús Árni segir einnig að
vart hafi orðið við talsvert langar
keðjur í fasteignaviðskiptum og að
ströng viðmið í greiðslumati hafi
mögulega haldið aftur af of miklum
hækkunum á markaðnum. Fólk
vilji mögulega teygja sig hærra í
verði þegar kemur að fasteigna-
kaupum en kröfur lánastofnana
virki sem þak á möguleika þess.
Ferðaþjónustan
er áhrifaþáttur
Þegar ferðaþjónustan hrundi
losnaði einnig um gríðarlegan
fjölda Airbnb-íbúða á markaðnum
og segir Una að þær hafi verið ríf-
lega 3.000 talsins á höfuðborgar-
svæðinu. Breytt notkun þessara
eigna hafi þrýst niður leiguverði og
margar hafi einnig farið í sölu. Hún
telur að þegar ferðaþjónustan nái
sér aftur á strik muni þessi
skammtímaleigumarkaður aftur
hafa áhrif til hækkana. Magnús
Árni ítrekar hins vegar að nú hafi
stífari reglur verið settar um mark-
aðinn sem áður hafi verið eins kon-
ar „Villta vestur“. Nú sé meiri
þekking á þessu fyrirbæri og að
það verði líklegra til að þjóna sem
hluti af deilihagkerfinu fremur en
hagnaðardrifin leigustarfsemi.
Hóflegar hækkanir þrátt fyrir allt
- Margir kraftar eru að verki á fasteignamarkaði þar sem eftirspurnarþrýstingur er talsverður
- Endurreisn ferðaþjónustunnar líkleg til að hafa áhrif - Aldrei fleiri fyrstu kaupendur að fasteignum
Markaðurinn Magnús Árni Skúlason og Una Jónsdóttir slógu á létta strengi í umræðu um fasteignamarkaðinn.