Þjóðmál - 01.03.2016, Side 7

AF VETTVANGI STJÓRNMÁLANNA
Björn Bjarnason
Stjórnarskrárbreytingar
- uppnám meðal pírata
og Samfylking í sárum
Nokkrum tíðindum sætir að náðst hefur
samkomulag í stjórnarskrárnefnd allra
flokka undirformennsku Páls Þórhallssonar,
skrifstofustjóra löggjafarmálefna í forsætis-
ráðuneytinu. Samkomulagið er um þrjú
efnisatriði: umhverfismál, náttúruauðlindir
og þjóðaratkvæðagreiðslur. Um nokkurra ára
skeið hefur verið rætt um nauðsyn þess að
skapa umhverfismálum og auðlindamálum
sess í stjórnarskránni auk þess sem krafan um
rétt kjósenda til að óska eftir þjóðaratkvæða-
greiðslu um einstök löggjafarmálefni hefur
einnig sett vaxandi svip á umræður undan-
farinna ára.
Tilkynning um hina sameiginlegu
niðurstöðu í stjórnarskrárnefndinni var birt
föstudaginn 19. febrúar 2016. Þegar þetta
er ritað eru umræður um tillögur nefndar-
innar enn á umsagnarstigi. Að því loknu fara
stjórnmálaleiðtogar yfir tillögurnar og ákveða
hvort og í hvaða mynd þær verða lagðar fyrir
alþingi.
VORHEFTI2016 5